THE NEW ANGLO-SAXON CHRONICLE 2001 AD: TIDUNGA ON ENGLISCE MMI AD
Pointers to monthly sections 2001Jan 2001Feb 2001Mar 2001Apr 2001May 2001Jun 2001Jul 2001Aug 2001Sep 2001Oct 2001Nov 2001Dec
(Back to main page)
Anno MMI Æfterra Geola
- Þes winter in Mongolian wæs swiðe heard ond þara landbuendra feo sind deade. Ond þara lætst winter wæs eac heard. God sie arfæst.
- In þissum geare anne .dxxxvii. in þære worulde wurdon seoce mid þære bealofullan cryppelendre seocnesse poliomyelitis.
- i d: Her Yasser Arafat eode to American to sprecanne mid Clinton foresittende ymb wæpngestande1), ac is lytel wen, for þæm þe giet Palestinisce secgaþ þæt hie ne willað habban frið gif Israhel ne alyfeþ þæt ealle Palestinisce gan to hame.
- ii d: Her wearþ widcuþ þæt Margaret Engalalandes cwene sweostor is swiðe seoc mid langre ond heardre dreorignesse þe læcas hataþ depressio, ond for þæm heo lange ne mæg gan ut of hire bedde, ond heo is .lxx. wintru eald.
- viii d: Her in Ierusaleme hundræd þusenda Israheliscra macodon sceawung þæt hie ne willað þæt man gife ænig dæl Ierusalemes to Palestiniscum oþþe oðrum Muslimiscum.
- ix d: Her in æfne se mona eode þurh eorþan sceadwe ond wearþ read ond tungolæmenn hataþ hit eclipsis lunaris.
- xii d: Ymb þisne dæg æt Allahabade in Indiam mara þonne .xxx. milliones baðodon in þære haligan Ganges-ea for þære greatan mærunge þe hatte Kumbh Mela. Ond æt Allahabade þe eac hatte Prayag flowaþ ætgædre seo haliga ea Ganges ond seo ea Jumna þe eac hatte Yamuna, ond sume secgaþ þæt unseolic ea nemned Sarasvati cymþ to Ganges eac þær. Ond Sarasvati is eac seo Hinduisca gyden wisdomes ond heo is wif þæs godes Brahma. Ond geo treowe wæs ea Sarasvati, ond Yamuna ond Sutlej wæron hire heafodwætru, ond seo dryga eagong Ghaggar in Thar westenne wæs dæl hire, ond heo rann þurh Pakistane andlang Ghaggar and Hakra ond Raini Nala ond þæm Easternan Nara ond cwom to sæ þurh þæm Rann of Kutch; ac hire heafodwætru cierredon to oðrum eam, ond ymb .mdcc. gearu fore Christi acennednesse Sarasvati-ea wearþ dryg ond dead.
- xiii d: Her wæs eorþstyren under undeopre sæ æt El Salvadores særiman ond hit forheriode þæt land ond his miht wæs Richter 7.6 ond neah San Salvadore eorþslidung bebyrgede dǣl Las Colinas ceastre ond .dclxxv. aswulton oððe ma.
- xvi d: Her Laurent Kabila foresittend Dem. Rep. Congo landes asendede ánne his ricscealca of his geweorce ond se scealc asceat hine. Ond he wæs sar gewundod ond man bær hine in lyftcræfte to Zimbabwe ond þær he aswealt. Ond Joseph Kabila his sunu feng to rice.
- Ymb þisne dæg ele-berend scip gehaten Jessica sloh stan neah San Cristobal iege hýðe in Galapagos-iegum ond his lád dieseleles utweoll in sæ ond wearþ great pleoh for þara iega mærum sæwilddeorum.
- xvii d: Her Englalandes witenagemote folc-hus ceas þæt eall huntoð mid hundum wurþe forbiden in Englalande ond Wealum. Ac þæt Hlaforda Hus giet mot besprecan þis ær seo cwen macie hit æ.
- xx d: Her George Walker Bush wearþ se .xliii.þa foresittend þæs USA, ond geo his fæder wæs foresittend.
- Her in þæm Philippin-iegum Estrada foresittend wearþ geworpen of his cynestole ond Gloria Arroyo feng to rice.
- xxiv d: Her Peter Mandelson alætte his þegnunge ond he wæs scealc Englalandes rices, for þæm me he aleag ymb passport þe he begeat for þone Indiscum ceapan Srichand Hinduja.
- xxvi d: Her wæs heard eorþstyren æt Bhuj ceastre in Gujerat underrice in Indiam, ond his miht wæs Richter 7.9. Ond sume secgaþ þæt .xxx. þusend sind dead, ond Bhuj ond manige wic sind swa þing þe næfre wæs, ond is great tobrecung boþla in Ahmedabade ond ellor, ond man segde þæt wille þurfan án ond healf billion dollara to ongean macianne eall. Ond in Indiam wæs Respublicadæg. Ond æfterra wæron hearde æfterstyrena.
- xxvii d: Þes dæg wæs Bretlandes ærest dæg þe wæs in gemynde þæs Holocausti, ond wæs micel halig begong in Lundene, for þæm God alyfe þæt næfre ongean sie swylc acwellung. Ond eac wæs halig begong æt Auschwitz, ond þider eodon þusend, ond sume þara hæfdon gewæde swa geo hæfde þæs stedes hæftas.
(Back)
Anno MMI Solmonað
- i d: Ymb þisne dæg wearþ widcuþ þæt in Alorhægseochuse2) in Liferpole Professor van Velzen ean leafe ieldrena utnom formanige innoða ond brægn of licum cildra þe aswulton þær, ond manige menn wæron ierremod æt þæm. Cilddeaþ is geomornysse genog, ond is great unriht gif þurfon ieldrum twa oððe þreo byrgunga for anum samum cilde.
- iii d: Her in Konungstúnlace1) in Englalande dyferas fundon Donald Campbelles bát Bluebird þe sanc þær in geare .mcmlxvii. ond he sanc mid hire, ond on .viii. dæge Hreðmonaðes hit man brohte hit to lande. Ond on .xii. dæge Hærfestmonaðes man bær his lic on bate on þæm mere ond byrgede hine æt Scti Andreas cyrice in Konungstúne.
- Her in Legeceaster-deortune seo elpend Kumara wundode sumne hire hyrda ond æfterra he aswealt.
- ix d: Her Cinalandes ric segde þæt hit wile macian niwne irenweg of Golmud in Qinghai lande to Lhasa in Tibete ond æt sumum stedum hit wile beon þrie míl ofer sæ ond hit wile beon hiehst on eorðe.
- Her neah Hawaii iege þæt Americisce undersæscip Greeneville ras under Japanisce fiscungbate ond sanc hit ond nigon Japanisce aswulton.
- xi d: Her Ellen Macarthur cwom in segelbáte to Les Sables d'Olonne in Francrice ond in þære báte in .xcv. dagum heo fór anhaga ymb worulde.
- xiv d: Her in Sumatran in Indonesian wæs eorþstyren ond his miht wæs Richter 7.3 .
- xvi d: Her Americisce ond Bryttisce guðlyftcræftas slogon Baghdad.
- xviii d: Her scip rann on stanas neah San Raphael in Francrice ond hit bær .cmviii. Kurdas þe sohton cuman unæwlice to Europam ond eall wurdon generede.
- xxi d: Her man fand in Englalande þa egeslican seocnesse feo genemned fota ond muða þe in Boclædene hatte februm aphthosum, ond hit ærest cwom to Hæþdune4) on þæm Wealle in Norðymbrum, ond þær on .xxv. dæge man tobærned .dccc. swin ond .cc. oxan in anum fyre. Ond þanon man unwitende bær þa seocnesse to Eastseaxnum ond Wulltunscire ond Defnum ond oðrum scirum ond wearþ great pleoh for feo on Brytene ond on Iralande.
- Her great ond heard regen macode deopne flod ymb Zambezi-ea in Mozambique, ond ardlice Kariba-lacu ond Cahora Bassa-lacu begen wurdon fulle ond man þearf alyfan eall þære ea wæter rinnan on land.
- xxv d: Her forðferde Sir Donald Bradman se mæra criccetmann æt his hame in Adelaide in Australiam, ond he lifde .xcii. wintru.
- xxvi d: Her cwom snaw to Scotlande ond Norþenglalande.
- xxvii d: Her æt Greatum Hæcce neah Seljaby5) in Eoforwicscire sum Gary Hart onslæpede þenden he draf be irenwege ond his wægen eode on irenweg ond swift gewægnoþ sloh his wægen ond wearþ gebrocen ond oðer gewægnoþ sloh hit ond .x. aswulton. Ond on .xiii. dæge Geolmonaðes man sendede hine to carcerne.
(Back)
1) Lake Coniston in the Lake District.
2) Alder Hey Hospital in Liverpool (UK).
3) "power-band" = political party.
4) Heddon on the Wall (Northumberland (UK)). The wall is Hadrian's.
5) Great Heck near Selby.
Anno MMI Hreðmonað
- v d: Her æt Castelo de Paiva in Portugale brycg feoll in þa deopra ea Douro ond þrie rádwægen mid him ond .lxxvii. adruncon.
- Her in Americam SuþDakota underric lagode þæt man sceal awendan þa naman .xxxix. steda for þæm þe hira naman healdaþ þæt word Squaw (þe segþ: Amerindisce wif oþþe Negro (þe segþ: sweart mann), for þæm þe man nu demeþ þæt þa word sind forhogdneslice, ond sume þisra namema sind Squaw Teat Butte, Little Squaw Humper Creek, Big Negro Draw.
- vii d: Her in Fanglin wice in Wanzai scire in Jiangxi lande in Cinalande cildru macodon fyrgeweorc in scole to gieldanne for hira tæcunge ond þa fyrgeweorc utbærston ond .xxxviii. cildru ond .iv. tæceras aswulton. Swa oft wierþ in landum þær menn sind earme. God hæbbe miltse.
- viii d: Her wearþ great ond egeslic flod on Tisza ea ond heo flæwþ in Hungariam of Transylvaniam ond of þæm ende Ukrainiae þe hatte Zakarpatskaya Rus.
- ix d: Her æt Barrey in Fuðarnesse1) man alyfede slidan in sæ þæt guðscip Albion ond hit wæs þæt ærest guðscip gemacode þær in twentig gearum.
- Her æt Cedars-Sinai seochuse in Los Angeles forðferde Leopold (Poldek) Pfefferberg þe in æfterrum gearum hátte Park, ond he lifde .lxxxvii. wintru, ond he wæs sum mǣr þara .mdcc. Iudea þe Oskar Schindler nerede of þæm Nazium in his locan æt Brinnlitz þe nu hatte Brnenec neah Zvitavy in Czechlande. Ond nu libbaþ maran þonne .viim. eoforan hira. Ond Oskar Schindler forðferde on .ix. dæge Winterfylleðes geares .mcmlxxiv. in Hildesheim in Germaniam, ond he is gebyrged in Jerusaleme.
- Her giet seo seocnesse fota ond muða strange heriode feo in Brytene. God wiþstande hit ond nerie þa landbuende.
- xvii d: Ymb þisne dæg sume Slavonisce Macedoniae fyrde fuhton wið Albanisce wæpnedmenn in beorgum æt Tetovo, for þæm þe sume Albanisce wyscaþ þæt eall landum þær Albanisce menn wuniaþ sculen weorþan to Albaniae.
- xxiii d: Her þæt woruldrumhus Mir feoll to eorðe neah Fiji-iegum in Friðsæ, ond man sendede hit in rodor in geare .mcmlxxxvi., ond hit fleag .mmcc. millionas mila, ond ymb hundræd menn hæfdon gebeon in him, ond his nama in Russiscum gereorde segþ `woruld' ond eac `frið'.
- xxvi: Her in Kenyan .lviii. cnapan aswulton in fyre in hira slæprume æt Kianguli neah Machakos, ond hie ne mihton utfleon for þæm þe þa windeage wæron gesloten mid irene for þæm þeofas ne mihten incuman.
- Her æt Tetovo Macedoniae fyrd fohte wið Albaniscum wæpnedmannum ond ahte wælstowe gewald ond Albanisce folc afliemdon of wicum in beorgum, ond ongean wæron guð ond forfleonde in þæm Balkanlandum. God sende frið ond his miltse.
- Ond giet seo seocnesse fota ond muþa wearþ strang in Brytene, ond .dcxvii. feo wæron gefunden seoc mid hire. Ond for hire pleo seo landbuendra Legeceasterscire-scawung æt Tæbbanlea2) ne belamp. Ond menn segdon þæt sum dyrne brohte seocra feo flæsc in Brytene of þæm Feorran Eastan ond sum þæs wearþ swina foddor. Ond æt Greatum Orratune neah Carleole3) ongan swiðe great byrgung sceapa in anum pytte.
- xxx d: Her Blair fyrmestscealc lagode þæt for þære seocnesse fota ond muða seo heahfolccyre nyle beon on .iii. dæge Þrimilcemonaðes.
- Her Brittisc mann Joseph Shekhdar cwom in bate to Australiam ond he reow ean segle ond ean scufende teon þusend ond .dc. mila of Peru.
- Her Margaret sweostor Elizabethes cwene Englalande wearþ seoc mid hire þriddum blodgelimpe in brægne ond from þæm wearþ hemiplegia hire wynstran side ond heo is .lxx. wintru eald. God helpe hie.
- Her wearþ widcuþ þæt in Texase Joseph Nagyvary nu mæg macian fiðela gode swa geo Stradivarius macode. Geo Nagyvary fand þæt Stradivarii timber wæs lange under sæ wætre in Venetia-lacu for heddærne ond þær hit brosnode lytel; ond nu Nagyvary fand þæt Stradivarius settede on his fiðelum þæt ator borax for þæm wuduwyrm ne foreten hie.
1) Barrow in Furness (UK) (partly Old Norse; this etymology is proved by a c.1150AD form "Fuþþernessa").
2) the Cheshire Show at Tabley.
3) Great Orton near Carlisle.
(Back)
Anno MMI Eastermonað
- i d: Her ofer sæ neah Hainan iege in Cinalande Americisc sceawerelyftcræft ond Cinalandisc guðlyftcræft slogon gehwæðer oðerne ond þæs lyftcræftes drifere aswealt ond þæt Americisc lyftcræft wearð gedered ond hit þurfte cuman to Hainane ond .xxiv. in him ond Cinaland segde þæt America sceolde secgan "we sind sarige", ond on xii dæge Cinaland afreogede þa .xxiv..
- Her æt fotðoðorplege in Johannesburge fyftig aswulton oððe ma þurh þringunge þonne hie scufedon ond brucon edor.
- xi d: Her in seochuse in Gyldeforde2) forðferde Harry Secombe se mæra truð þurh carcinomate prostatico, ond he lifde .lxxix. wintru, ond on .xx. dæge man hine byrgede æt Cranlea in Suðrige3).
- xvi d: Her man feng Dragan Obrennovic neah Zvornik in Bosniam, ond on .xviii. dæge he eode fore demum æt Den Haag for þæm þe his Serbisca hloð ofsloh fyf þusend Muslimiscra þonne he nom Srebrenica.
- Ond giet in Brytene is wiðcweðung ymb þa vaccinationem feo wið þære seocnesse fota ond muða.
- Her wæs utberstung ond fyr in ele-odene æt Ceolwulfingaholme1) neah Grimsbý ond wearþ wen wanan eles in Brytene.
- Her Elizabeth .ii. cwen Englalandes wearþ .lxxv. wintru eald.
- xx d: Her in Korea-lande wæs halig begong æt Imjin-ea forde in beorgum æt norþan Seoul ceastre ond on Solma-ri hylle þe nu hatte Gleawceasterhyll, for þæm þe ymb þisne dæg in geare .mcmli. seo Gleawceaster-hloð Bretlandes fyrde fuhton .iv. dagum þær wið here formanigra Cinalandiscra ond Norþkoreiscra ond se here ahte wælstowe gewald ac teon þusend þæs herges wurdon ofslægene ond þenden se here ne miht þurhgan manige menn cwomon to werianne Suðkoream.
- xxii d: Her in Montenegro wæs folccyre ond greatost dæl ceos þæt Montenegro wurþe freo of Jugoslaviae.
- Her in Colombiae twegen guðlyftcræftas fundon Fernando Costa þenden he fleag in his lyftcræfte ond forniededon hine to eorðe ond æweardas fengon hine ond in æghwylcum monðe he ciepede .xx. þusenda kilogramma þæs atores cocaine.
- Ymb þisne dæg in Englalande wearþ widcuþ ymb þone cealf Phoenix æt Mænebyrig4) in Defnum, ond þurh þissum her Blair fyrmestscealc lagode þæt man ne scule ofslean gesunde feo þe wuniaþ nea seocum feo. Ond mann gehaten Paul Stamper æt Deorhame in Cumbralande wæs seoc mid þære seocnesse fota ond muða.
- xxviii d: Her æt Baikonure in Kazakhstane Dennis Tito fleag mid twæm Russiscum woruldrummannum of eorþe in rodore to þæm International Space Station ond he geald .xl. milliones punda to fleoganne ond he wæs se ærest þe geald to ganne in woruldrume. Ond on .vi. dæge Þrimilcemonþes he cwom eft to eorþe in Kazakhstane ond segde þæt he hæfde gebeon in Paradise.
- xxix d: Her Shimon Perez Israheles utlandscealc eode to Cairo (þe in Arabgereorde hatte al-Qâhira) to sprecanne mid Hosni Murarak Aegyptes foresittende to secanne frið betweox Israhele ond þæm Palestiniscum, and Shimon Perez eac eode to Jordane.
- Her in Trafalgar Square in Lundene wæs mærung for þæm þe on þissum dæge in geare .mcmxciv. þæt apartheidisce ric endode in Suþafricae, ond Nelson Mandela wæs þær.
- xxx d: Her Nelson Mandela eode to Loidise5).
1) Killingholme.
2) Guildford.
3) Cranleigh in Surrey.
4) Membury.
5) Leeds (Yorkshire). The name is of Celtic origin.
(Back)
Anno MMI Ðrimilcemonað
- Ðrimildcmonað MM - Eastermonað MMI: In þissum geare feoll mara regen þonne feoll ær on Brytene in twelf monaþum siððan Napoleon rixode.
- i d: Her in Lundene wæs micel scawung wið þæm capitalismum ac læssa þonne in geare .mm., ond manige æweardas heoldon þa scaweras in Oxford Circus weg-gemete. Ond sume þara scawera sylfe hæfdon helm ond scyld.
- iv d: Her wearþ widcuþ þæt sind acennede .xxx. cildru þe habbaþ þreo ieldran, forþy hie sind geeacnode in glæse1) ond man settede in þæm æge mitochondria þe cwomon of oðerra wife.
- Her Iohannes Paulus .ii. papa eode to Athenae in Greclande ond he wæs se ærest in .mcc. gearum.
- Her eode fore demum sum Barry George forðy in geare .mcmcxix. he asceat Jill Dando.
- Her Kim Jong-nam sunu Kim Jong-il foresittendes Norðkoreae fleag dyrne to Japane ond his gewrit leag þæt he wæs sum oðer mann ond man asendede hine to Cinalande for þæm he ga to hame. Ond in Norþkorea regen ne feoll in .lx. dagum fore þissum dæge ond is wen unwæstmes ond hungres.
- v d: Her se papa fleag to Damascus ond eode in þæm miclum Muslimiscum temple þe hatte Omayyad, ond þærinne is licrest Iohannis Baptistae heafdes, ond he gebadd þæt sie frið betweox Muslimum ond Cristnum ond Iudeum. Ond he spræc mid Bashar al-Assad foresittende Syriae. In Syriae wuniaþ .xiii. milliones, ond twegen milliones hira sind Cristnas.
- vi d: Her se papa eode to Quneitra on Golan-hiehðum.
- Her Israhelisce fyrdmenn foron in Beit Jala wic on Palestiniscum lande, forþy ær þær menn scuton æt Israheliscum lande. Ond in æfterrum dagum wæs ongean micel gewinn ond deað in Westiordanalande. God bringe frið ond rihtne ende on þæm lande þær geo þu for ond spræc on eorðe in mannes lice.
- vii d: Her Ronnie Biggs þe wæs sum þara Great Train Robbers cwom eft to Englalande of Brazil-lande ond he wæs .lxxi. wintru eald ond seoc ond he ne miht sprecan wel þurh þrím blodgelimpum in his brægne ond he wæs in Brazile .xxxv. gearu æfter þæt he afleag of carcerne in Englalande.
- viii d: Her se papa eode to Malta iege, ond geo Sanctus Paulus cwom þær þurh forlidennesse.
- xiii d: Her in Californiae þurh heortcoðan forðferde Douglas Adams þe wrat þa boc "The Hitchhiker's Guide to the Galaxy" ond gelice, ond he lifde .xliv. wintru.
- Her in Floridae forðferde Perry Como se mæra singere, ond he lifde .lxxxviii. wintru.
- xx d: Ymb þisne dæg in Siberian þæs wintres ís mealt in suðan ac ne in norþan ond for þæm seo swiðe micel ea Lena wearþ swiðe full ond ne miht flowan in hire wege for forstandendum íse ond þa ceastra Lensk ond Yakutsk wurdon sare gederede þurh flode, ond Russia sendede guðlyftscipu þe alyfedon feallan utberstendas to secanne brecan þis ís. Ond geo Lenin nemnede his sylfne for þære ea, ond ærra he hatte Ulyanov.
- Ond ymb þisne dæg in Englalande seo seocnesse fota ond muða wearþ strang ymb Setl3) in Eoforwicscire.
- xxii d: Her neah Kaikoura on Niwsælandes4) Suþiege scip sanc ond hit bær .xxxvi. þusend punda atores for acwellunge músa ond wearþ pleoh for hwalum þe wuniaþ in þære sæ þær.
- xxiv d: Her in Talpiyot in Ierusalemes westdæle wæs weddung in miclum sele genemnedum Versailles ond .dcl. intreppetedon on upflore ond se flor bræc þurh hira gewihte ond feoll ond .xxv. aswulton oððe ma. Ond se sele næs rihte getimbrod ond ærra man anom feower his stapola to macianne an rymet widora. Ond seo bryd ond se brydeguma wurdon gewundode ac hie libbaþ.
- xxvii d: Her in Konungstunlace5) in Cumbriae dyferas fundon Donald Campbelles lic.
- xxvii-xxviii dd: Her in Glodwick in Ealdholme6) wæs heard gefeoht betweox Asiatiscum ond hwitum menn ond æweardum, ond hie macodon fyr.
- xxxi d: Her Elizabeth cwen Brytenlandes eode to Norþwege7) ond spræc mid Harald cyninge Norþweges.
- Her in Johannesbyrig in Suðafricam forðferde se Zuluisca cnapa Nkosi Johnson þurh þære seocnesse AIDS þe wæs in him þonne he wearþ acenned, ond he lifde twelf wintru, ond he wearþ mær þonne he maðelode to þæm þeodum ymb þa AIDS. Ond in Zulugereorde "nkosi" segþ "cyning".
1) in vitro.
2) Cardiff (in Welsh, Caerdydd).
3) Settle.
4) New Zealand.
5) Lake Coniston in Cumbria in England.
6) Oldham (Lancs) in England.
7) Norway.
(Back)
Anno MMI Midsumermonað
- i d: Her in morgne fore sunnupgonge wæs eorþstyren under sæ to norþan Cornweala in Englalande, ond his miht wæs Richter 3.6.
- Her in Nepales cynehealle genemned Narayanhiti in Kathmandu wæs wiðcweðung ymb mægðe Devyani Rana þe Dipendra æþeling wolde weddan, ond Dipendra asceat mid fyrstæfe Birendra cyning his fæder, ond Aishwarya cwen his modor, ond Nirajan his broðor, ond Shruti his sweostor, ond teon oþre, ond feower þara teon wæron Nepales cynecynnes. Ond æfterra he sceat his sylfne ond sare wundode his brægn ond he næfre ongean wacode, ac sum lagode þæt he wearþ cyning. Ond Gyanendra æþeling Birendran broðor wearþ ricend1). Ond Birendra Bir Bakram Shah Dev cyning lifde .lv. wintru ond he rixode .xxix. wintru. Ond sume secgaþ þæt se cyning Nepales is se Hinduisca god Vishnu in lichaman.
- iii d: Her Dipendra aswealt in seochuse ond he lifde .xxix. wintru, ond he rixode .ii. dagas, ond Gyanendra feng to rice.
- Her þæs papan lic Johannes .xxiii. wearþ ongean gebyrged in Sancti Petri mynstre in Romam ceastre, ond he forþferde on þissum dæge in geare .mcmlxiii.
- iv d: Her in Westjordanum forðferde Levi Ben Abisha Ha'cohen heahpreost þara Samaritaniscra Iudea æt Gerizim-beorge hira haligum stede, ond he lifde .lxxxi. wintru, ond hie nu sind anne .dcxxxix., ond sume wuniaþ in Tel Avive in Israhele ond sume wuniaþ æt Gerizim-beorge. Ac geo hie wæron .mcl. þusend ond hie wunodon in manigum stedum. Ond hie sind þa ænige gemang þæm Iudeum þe giet ofsleaþ lamb æt Paschatide.
- viii d: Her in Brytene wæs heahfolccyre ond Tony Blair ond se mægenwerod Labour fengon ongean to rice.
- x d: Her æt Rótalandwætre2) fischafoces3) geong cwom ut of æge ond hit wæs fyrmest in Englalande in .cl. gearum oððe marum.
- Her in Terre Haute carcerne in Americam man ofsloh Timothy Veigh for þære æwe mid atore þurh geholodum nædle forðy on .xix. dæge Hreðmonaðes geares .mcmxcv. he ofsloh .clxix. menn mid utberstende æt Oklahoma City.
- Her se papa nemnede þreo niwe sanctos.
- Her wearþ widcuþ þæt þæt handfeorrsprecungnett4) mæg rædige findan þa mæran guðlyftscipu genemnedan stealth aircraft ond þara lyftcræfta macung foræt .mcd. milliones punda.
- xxviii d: Her þurh heortcoðan forðferde Thomas Winning cardinalis þære Romacatholiscre cyrice Scotlandes, ond he lifde .lxxvi. gearu.
- xix d: Her in Bulgariae wæs folccyre ond Simeon II wearþ foresittend oððe fyrmestscealc ond he ær wæs cyning Bulgariae oððæt Communistae awurpon hine of his cynestole ymb gear mcmxlix.
- xxiii d: Her in Peru rices suþdǣle wæs heard eorðstyren ond his miht wæs Richter 7.9 ond hit fordyde swiðe manige boþl ond ofsloh manige menn.
- xxiv d: Her giet is gefeoht in Macedonian.
- Her se papa gaf missa to manigum under rodore æt lyftfelde æt Kiev in Ukrainian.
- Her in Albay scire in þæm Philippinum se fyrbeorg Mayon onwac.
- xxix d: Her man brohte Slobodan Milosevic of Serbian to Scheveningen carcerne in Niðerlande. ond on .iii. dæge Æfterra Liða he eode for demum in Den Haag for guðmándædum.
1) regent.
2) Rótaland = Rutland.
3) fischafoc = osprey.
4) mobile phone network.
(Back)
Anno MMI Æfterra Liða
- In þissum monþe Mars worulde wearþ under greatum wolcnum dustes ond windstorme hatora þurh 30ºC.
- viii d: Her .cv. hæftas forflugon of Carandira carcerne neah Sao Paulo in Brazile þurh þyrelwege þe hie delfedon, ac man ongean feng .xxvii. hira.
- ix d: Her giet is gefeoht in Macedoniam.
viii-x dd: Her þreo dagas in Kingstone in Jamaicam wæs strang gefeoht betweox mándædhergum ond on .x. dæge se fyrd fór wið him.
- xiii d: Her in Washingtone in Americam wif acennede seofon cildru ætgædre ond fif hira wæron cnapan ond twegen hira wæron mæden.
- Her in Hebron ceastre in Westiordanum Israhelisce scriðdracan1) fuhton wið Arabiscum wæpnedmannum.
- xxi d: Her in Genoa in Italian wæs gemot ymb þa globalizationem ond scyldæweardas fuhton hearde wið sceawerum ond æweard asceat anne sceawere.
- xxii d: Ymm þissum dæge in Sicilian se fyrbeorg Etna onwac strangora þonne wæs in nigon gearum ond wæs pleoh for Nicolosi ceastre.
- Her in Barents-sæ Bryttisce ond Russisce dyferas ongunnon weorcan to ræranne þæt undersæscip Kursk.
- xxiii d: Her Indonesiae witan awurpon Wahid foresittend of his cynestole ond Megawati Sukarnoputri dohtor Sukarnos feng to rice, ond se Sukarno wæs se fyrmest foresittend Indonesiae. Ond in Sanskritgereorde Mêghawatî segþ "heo þe hæfþ regenwolcen" ond hire nama nis of þone megawatt, for þæm þe regen feoll þonne heo wearþ acenned ond in swylcum landum is nied regnes for þæm wæstmum.
- Her under þære Atlas-sæ man fand þæt guðscip Hood þe sanc in guðe wið þæm Nazium.
- xxiv d: Her in Sri Lankan Tamilisc folchere gehaten þa Tamil Tigers slogon Colombo lyftfeld ond bærned .viii. guðlyftcræftas ond .iii. oðre lyftcræftas ond wurdon ofslægene .vii. æweardas ond .xiii. þæs herges.
Ymb þisne dæg man segde þæt is wæter under grunde in Jupiteres monan Callisto, ond þæt mæg beon lif in þæm wætre.
- Her wæs heard regen ond flod in Pakistane ond wearð wæter in manigum drygum eam.
- xxv d: Her in þæm Philippin-iegum se fyrbeorg Mayon onwac.
- xxix d: Her Andrew æþeling alætte þa scipfyrd ond he þegnode hire .xxii. gearu.
- Her æt þæm Westwealle in Ierusaleme Israhelisce scyldæweardas fuhton wið Arabas þe wurpon stanas æt Iudeiscum geweorðerum. Ond se Westweall is se án dæl þæs Iudeiscan hearges þe giet standeþ.
- xxx: Her in Westiordanum utberstend ofsloh siex Arabas þenden hie macodon hit. Swa geo segde Iesus: "He þe lifþ be swurde, wile asweltan be swurde.".
1) army tank.
(Back)
Anno MMI Weodmonað
- ii-iii d: Her in Gillinga Brádwege in Gillingum1) in Lundene æt middannihte sum Irisce dyrnhloð macode utberstung in wægne ond hit wundode menn ond dyde hearm.
- iii d: Her in Den Haag in Niðerlande dema sendede þone Bosniscan Serbiscan heretogan General Radislav Krstic to carcerne for .xlvi. gearum for þæm þe he one his menn ofslogon maran þonne seofon þusend Muslimisce þonne hie fengon Srebrenica ceastre on .xiii. dæge geares .mcmxciv..
- vi d: Her forðferde Poul Anderson þe wrat manige woruldrumspell, ond he lifde .lxxiv. wintru.
- ix d: Her on Englalande wæs heard wind ond regen ond sume spinnwind.
- xix d: Her in seochuse in Suðtune in Suðrige forðferde Donald Woods þurh carcinomate ond he lifde .lxvii. wintru ond he fohte heard wið þære apartheide in Suðafricam.
- x d: Her giet in Zimbabwe menn gehaten guðieldran nomon land be mihte of hwitum geburum, for þæm þe Mugabe wæs forht þæt he ne healde his ric.
- Her sum Nadine Molroy-Sloan segde þæt Niel ond Christine Hamilton ond sum oðer mann wæron on wifcyððe mid hire be mihte, ond seo Nadine wunað in Grímsbý. Ond se Niel wæs ær ricscealc þære cwene þenden þa Conservativi mægenwerod rixode. Ac on .xxviii. dæge þa Lundeniscan æweardas segdon þæt ean tweo þa Hamiltonas wæron ellor æt þære dædes tide, swa forespreocan hataþ alibi, ond þæt Nadine segde hearmfulre untreowþe.
- xii d: Her æt Vidyayevo on Barents-sæ riman wæs halig begong for þæm þe suncon in þæm undersæscipe Kursk, ond Vidyayevo wæs þæs Kurskes hyð.
- Her forðferde General Sir Walter Walker þe fohte lange in Malaya wið greatum yflum Communistiscum wealdherge, ond he lifde .lxxxviii. wintru.
- xx d: Her Kirkjuváge2) in Orkneyjum iegum wæs seo fyrmest feoceapung in Brytene in six monðum.
- xxv d: Her in Oslo mynstre Håkon æðeling Norþweges cyninges weddede Motte-Marit Tjessem Hoiby ond heo ær acennede sunu ac Håkon nis his fæder.
- xxvi d: Her Indonesisce bat sanc in India-heahsæ ond hit bær .cdxxxiv. ond se mæsta dæl wæron Afghanisce ond sume wæron SriLankisce ond Pakistanisce, ac Norðwegisce scip Tampa gehaten fand hit ond nerede ealle hira, ond sume hira wæron seoc. Ond hie nom þæt scip ond in æfterrum dagum drifon þæt scip in Australisce wæter ymb Christemæsse-iege ean leafe. Ond on .xxviii. dæge Australisce SAS-menn nom þæt scip ond æfterra feddon hie ac ne alyfodon hie cuman on land, for Australiae ríctogan ne lufodon þæt swiðe great flod Asiisces folces cumen. Ond on .ix. dæge Hærfestmonaðes Australisc fyrdberend nam hie of þæm Tampan ond wolde beran hie to New Zealand ond to Nauru iege, ac on .x. dæge Australisce deman demdon þæt man sceal beran hie to Australiae micellande.
- xxviii d: Her in Ramallah in Westiordanum Israhelisce guðwingwindend asceat mid twæm fyrsperum Mustafa Zibni þe eac hatte Abu Ali Mustafa ond hit sceat þurh mile feorrnesse oððe maran, ond hit derode þone boðl lytel buton ane þone bur þærinne he sæt. Ond he lifde .lxiii. gearu ond he wæs an þara fyrmestra þe macodon þone PLO, ond Israhel segde þæt he wæs morðorheard guðtoga ond friðes unfreond, ac þa Palestinisce secgaþ þæt he wæs hæleð. Ond Israhelisce scriðdracan foron in Beit Jala in Westiordanum ond wæron þær twegen dagas.
- xxx d: Her ongean Slobodan Milosevic eode fore demum æt Den Haag in Niðerlande.
- Her wæs heahfolccyre in EastTimore ond se mægenwerod Fretelin feng to rice.
1) Gillingas = Ealing in west London: the name means "the sons or people of Gilla".
2) Kirkwall in the Orkney Islands; the name is Old Norse for "Church Bay".
(Back)
Anno MMI Hærfestmonað
- v d: Her in þæm Philippin-iegun menn ongunnon drygian micel lacu þe wearþ in Pinatubo fyrbeorges muðe, for þæm hit ne utberste ond macie flod.
- Her .xviii. aswulton in wealdfyre in Kruger wilddeortune in Suðafrican.
- x d: Her wæs heahfolccyre in Norðwege.
- xi d: Her in American .xix. Muslimisce wælwulfas mid lytlum seaxum fengon feower folcberende lyftcræftas ond ofslogon hira driferas. Ond hie drifon twegen hira swa swa hie slogon þone mæran greatan boðl in Niw-Eoforwice þe hatte World Trade Center ond hit feng to heardum fyre. Ond hie drifon anne þara lyftcræfta swa swa hit sloh þone Pentagon-boþl in Washingtone. Ond hie woldon drifan þone feowerþan swa swa hit fealle on Camp David þær hwilum wunaþ se foresittend, ac sume þe wurdon geborene in him fuhton wið þæm wælwulfum to nimanne his drifungsetl, ond hit feoll to eorðe in feldum neah Shanksville eastan of Pittsburgh in Pennsylvaniam underrice. Ond æfterra se World Trade Center feoll ond ofsloh fyftig æweardas ond .cccxliii. fyrfeohteras þe hæfdon gegan þærinne. Ond man segde þæt þes dæd is swa seo onfeallung æt Pearl Harbor and þæt hie willað wrecan in guðe þes deade ond huntan þa wælwulfas on ænigum lande. Ond .mmdccxcii. aswulton in Niw-Eoforwice ond .ccxiv. æt þæm Pentagone ond .xl. æt Shanksville, ond ealle hira sind .mmmlxxxiv. Ac in Winterfylleð geares .mmiii. man segde þæt .mmdccl.-gerim aswulton in Niw-Eoforwice. Ond þa sind ma in anum dæde in American siþþan wæs gefeoht æt Antietam in Maryland underrice in hærfestmonaþe geares .mdccclxii. ond .xxiiim. ond .c. wurdon ofslagen in bæm fyrdum ond æfter þrim dagum seo norþerna fyrd ahte wælstowe gewald. Ond manige þes dæd wæs of Osama bin Laden þe wunode in Afghanistane. Godes miltse sie.
- xi-xii dd: Her Israheles fyrd fór mid scriðdracum in Jenin in Westiordanum ond fohte mid Palestiniscum.
- xii d: Her Israheles fyrd fór in Jericho in Westiordanum. Ond begen þisra ceastra sind land þæs Palestinisces rices.
- xiv d: Her in Niw-Eoforwice fore sunnupgonge ond þurh dæge wæs heard regen mid þunre ond þis micle oðstod þa ahredderas. Ond æt þæm World Trade Center man fand teon þara æwearda libbende.
- Her wearþ widcuþ þæt man fand gode læcunge for þære saran seocnesse felles manna gehatenum psoriasis.
- xvi d: Her on hylle æt Saricha in Afghanistanes norþan man bebyrgede Ahmad Shah Massoud þe hatte se Panjshirisca Leo, ond he ond his fyrd fuhton lange hearde for freodome wið þæm Talibane, ond he lifde .xlix. wintru, ond man ofsloh hine on .ix. dæge æt Hoza Bahauddin neah to Tajikistan-mearce. Ond æfterra seo fyrd fór to Mazar-e-Sharif to Tajikistan-mearce to metanne þa Americiscan fyrde. Ond in Iraniscum gereordum þæt nama Panjshir segð "Fyf Leon".
- Ond in Afghanistane is great hungor for þæm þe wæs heard dryhþ fyf gearu and great dæl his folces afliemde to Pakistane secende wæter ond fodan. Ond wæs twa gearu dryhþ in Tajikistane.
- Her se Taliban ceallode for jihâde wiþ þæm USA, ond se jihâd is se Muslimisca haliga guð. Ond America ascode þæt þa Taliban gielden Osman Bin Laden to ganne fore deman for mándædum.
- xx d: Her se papa spræc to fyftig þusenda Muslimum ond Romacatholiciscum æt Astana þe is Kazakhstanes heafodstede, ond se stede ær hatte Akmolinsk ond Tselinograd ond Akmola.
- xxi d: Her Americisce fyrdmenn ond guðlyftcræftas flugon to lyftfelde neah Tashkent in Uzbekistane. Ond Jack Straw Brytlandes utlandscealc fleag to Teheran, ond swylc næfre wæs siððan Islamisce mægenwerod ond se Ayatollah Khomeini feng to rice in Irane in geare .mcmlxxix.; ond æfterra he fleag to Israhele.
- Her eac on þissum dæge, on suþwestan Francarices, utbærst `sweartgoldmacung' geweorchus, ond .xxix. aswulton ond ma þonne .mm. wurdon gewundode. Fela sægdon þæt þis wæs dæd Islamiscra wælwulfa. Ond sume hatað þone eorþ-ele þæt swearta gold.3)
- xxv d: Her þa Taliban segdon þæt hie nyllað gieldan Osama Bin Laden ond þæt seo gieldung wære Islames ende. Ond her wearþ wen friðes betweox Russiam ond Chechenlande, ond þara Chechena þeodtoga hatte Aslan Maskhadov, ond in Turkiscum gereordum "Aslan" ond "Arslan" secgaþ "Leo".
- xxvi d: Her in Afghanistane seo norþerna fyrd feng siex byrig of þæm Talibane, ond fore woruldes eagum bærnede micle fætelsas þæs atores heroin þe hie feng of Talibaniscum heroinceaperum.
- xxvii d: Her in Zug ceastre in Helvetiam2) sum Friedrich Leibacher fór in Zug underrices witenagemothus mid fyrdlicum fyrwæpne ond asceat þreo ricscealcas ond .xi. þara witena ond æfterra his sylfne, ond he wundode .xiv., for þæm þe he wæs yrremod þæt he he wæs gedémed for wægendrifunge þenden ealo wæs in him. Ond in Helvetiam underric hatte canton.
- xxx d: Her man fand þa seocnesse fota ond muða neah Æppelbý in Cumbriam, ond ne ma æfterra in Brytene. Ond man fand þa seocnesse in .mmxxx. deorum. Ond Brytenes ric segde þæt þenden heo rann man ofsloh .mmmmlxviii. þusenda feo ond sceapa ond swina for hire, ac oðre segdon þæt þæt fulle rim wæs teon millionas ond .dcxlix. þusenda, for þæm þe þa rímeras ne rimedon geonge cealf ond lamb þe wæron mid hira modrum.
1) The Anglo-Saxon Chronicle entry for 457AD has .iiiim. for 4000.
2) Latin name of Switzerland. Or would "Swíteraland" be suitable here?
3) With thanks to Mathieu Combaz mathieu.combaz@wanadoo.fr for this entry.
(Back)
Anno MMI Winterfylleð
- i d: Her þreo Islamisce wælwulfas þæs dyrnherges genemnedes Jaish-e-Muhanmmad macodon utberstung in wægne niehst Kashmir landes æwmacera huse in Srinagare ond hit ofsloh .xxix. oððe ma ond wundode .lx. ond derede manige boþl, omd æfterra wæs fyrwæpengefeoht. Godes wrecung sie wið eallum þe tæcaþ to cildrum ánne swylc hearmmodnesse ond naht gód, swa is ofer-oft in Islamiscum landum.
- Her wæs heahfolccyre in Bangladeshe.
- v d: Ymb þisne dæg Russisc lyftcræft fleag of Tel Avive to Siberiam ofer Sweartsæ ond in fyrdtæcunge þurh wanhydignesse sum Ukrainisc fyrdmann asceat hit mid hætsecende ond eall þara .lxxvii. in him aswulton.
- vi d: Ymb þissum dæge forðferde Emilie Schindler wif þæs Oskar Schindler, ond heo lifde .xciii. gearu.
- vii d: Her ond in æfterrum dagum in Afghanistane æfter æfne Americisca ond Bryttisce sylfstierende fyrspere ond guðlyftcræftas slogon Kabules ond Kandahares lyftfelde ond sume Bin Ladenes hereseta neah Jalalabade. Ond wæs folcgewinn in Quetta in Pakistane, for þæm þe þa Quettisce sind Pushtunisce cynn ond manige hira sind holde for þæm Talibane. Ond in Pakistane wuniað fyf cynn: Baluchi ond Brahui in westan, ond Punjabi in norðeastan, ond Sindhi ymb Indus-muðan, ond Pushtun in þæm heam beorgum in norðwestan. Ond þa Pushtun eac hatton Pathan. Ond þara Brahuiscena gereord is Dravidianisces cynnes swa Tamil ond Telugu. Ond in Afghanistane wuniað manige cynn: Uzbek ond Turkmnen in norþan ond hira gereord sind swa Turcisc, ond Pushtun ond Hazara ond Aimak ond Tajik in greatostum dǣle, ond Baluchi ond Brahui in suðe, ond eac þa Nuristani þe eac hatton Kafîr ond Kalasha. Ond lange is micel gewinnes ond guðe betweox þissum folcum.
- viii d: Her in Barents-sæ þæt undersæscip Kursk wearþ aræred of sægrunde.
- Her æt Milan lyftfelde in Italian folcberende lycrcræft rann on grunde ond sloh lytel lyftcræft gehaten an Cessna rann fore him þurh misgelimp ond wanhydignesse ond æfterra hit sloh boþl, ond .civ. aswulton in þæm folcberebde ond feower in þæm Cessnan ond teon oððe ma in þæm boðle.
- xvii d: Her æt Súðend-lyftfelde .xxxii. milliona weorða cocaines feoll of lyftcræfte ond þa þe bæron hit wurdon gefangene.
- Her seo seocnesse anthrax cwom to þæm Congress-huse in Washingtone.
- Her in Jerusaleme sum asceat Rehavem Ze'ev ond he wæs an Israheles þeodtogena, ond on .xviii. dæge Israhelisce scriðdracan foron in Jenin ond Ramallah ceastra in Westiordanum, ond æfterra Israhel ne alyfede þæt Yssser Arafat ga to Beþleheme æt Cristes mæssdæge for þæm þe he ne feng þa asceotende.
- xxiii d: Her se woruldrumcræft Odyssey cwom to þære worulde Mars ond þær worhte wel, ond hit fleag .cclxxxv. milliona mila.
- xxiv d: Her Israhelisce scriðdracan foron in Beit Rima wice neah Ramallahe in Westiordanum ond fuhton wið Palestiniscum wæpnedmannum ond ofslogon sume ond fengon sume ond man segde þæt þá menn ascuton Rehavem Ze'ev.
- xxviii d: Her wæs eorðstyren in Ligoraceasterscire in Englalande ond his miht wæs Richter 3.8.
- Her in Sancti Dominici cyrice in Bahawalpur ceastre in Pakistane Muslimisce wæpnedmenn ofslogon .xvi. Cristnas ond anne Muslimiscne weard.
- xxx d: Her Tony Blair Brytlandes fyrmestcealc eode to Damascus to sprecanne mid Syriae þeodtogan ac lytel gód waerð of þissum.
(Back)
Anno MMI Blotmonað
- i d: Her Tony Blair eode to Israhele ond æfterra to Gaza.
- ii d: Ymb þisne dæg se hweolstorm Michel sloh Cubam.
- viii d: Her snaw feoll in Scotlande ond Norðymbrum ond Eastenglum.
- ix d: Her in Afghanistane seo norðerna fyrd nom Mazar-e-Sharif ond fuhton wið þære Talibane æt Bagram lyftfelde neah Kabule.
- viii d: Her in Greclande .xii. Bryttisce ond .ii. Niðerlandisce eodon to lyftcræftscawunge æt Kalamata guðlyftfelde ond þær æweardas fengon hie ond segdon þæt hie unæwlice hie macodon onlicnesgefengas5) ond heoldon hie in Nafplion carcerne. Ac æfterra man demde þæt þis næs unæwlic ond hie áne unæwlic writon tæglrím guðlyftcræfta. Ond on .xiv. dæge Geolmonaðes man freogode hie ond on .xv. dæge Geolmonaðes hie flugon to hame.
- x-xii dd: Her þæs Talibanes here afliemde swa fyr of ealle lande be norðan Hindu Kush beorgum, buton Kondûz ceastre, ond on .xii. dæge hie cwomon to teon mílum of Kabule, ond seo norðerna fyrd begunnon besittan Kondûz. Ond seo norðerna fyrd lagode þæt in þæm landum wife ne moton beren þone burqa. Ond on .xi. dæge Abdolkarim Barahui ond his landfyrd nomon Nimruz scire ond Zaranj ceastre.
- Ond in Iraniscum gereordum þæt nama "Hindu Kush" segð "Hinduiscra Wæl", for þæm þe geo þa Muslimas fengon Iran ond Afghanistan ond manige Afghanas lange forhogodon Islam ond Allah, ac hie geheoldon hearde to hira ealdum godum Indra ond Yama ond oðrum, ond man mæg rædan ymb þás godas in þæm Hinduiscum haligum Véda-writingum; ond ymb .m. geare æfter Christi acennednesse Muslimisce wælwulfhergas unrihte ond blodige ofslogon swiðe manige hira oþþe macodon hie þeowas for þæm þa þe giet lifdon gieldeden ond wurðen Muslimas. Wæron oðre Holocausti fore þæm þe man nu wel cnæwð. Ond þara beorga Hinduisce nama is Pâriyâtra Parvat; ond þonne Alexander casere Macedoniae fohte þær hie hatton Paropamisus, þe in Avesta-gereorde segþ "hearra þonne earn mæg fleogan".
- Her in Algiers ceastre swiðe heard regen macode flod ond horhflawunga ond .dcccl. aswulton oððe ma.
- xii d: Her lyftcræft feoll to eorðe on Rockaway næsse in Queens in Niw-Eoforwice ond his .ix. scipmenn aswulton ond .ccxlvi. þe ridon in him ond .v. on grunde ond fyr wurdon. Ond þær wunodon cynn manigra þe aswulton æt þæm World Trade Center. Ond his tægl feoll of him fore þæt hit feoll to eorðe.
- xiv d: Her in Afghanistane seo norðerna fyrd nom Kabul, ond þa Kabulware geblissodon micle. Ond Talibanisce menn stalodon swiðe micel þær fore þæt hie forflugon to Kandahare. Ond was micel gefeoung þæt þa Taliban aeodon, for þara Talibana ric wæs swiðe heard.
- xv d: Her .c. menn Bretlandes SBS cwomon to Bagram lyftfelde neah Kabule.
- xvi d: Her in Afghanistane landfyrd Nangarhar-scire nom Jalalabad of þæm Talibane, ond hire fyrdtoga wæs Maulvi Younis Khalis, ond Osama bin Laden ond manige Arabas afliemdon of Jalalabade to Tora Bora wice in neam beorgum. Ond on .xv. ond .xvi. dagum þa Taliban forluron micel land betweox Hindu Kush beorgum ond Kandahar: on .xv. dæge scire Konar, Laghman, Nangarhar, Ghazni, Paktia, ond on .xvi. dæge scire Oruzgan, Zabol, Paktika. Ond sume segdon þæt þa Taliban forflugon of Kandahare ond sume Arabisce heremenn fengon to rice þær ond wæs hream in þære ceastre. Ond in þæm wuce Americisc lyftcræft ofsloh Mohammed Atef ond he wæs heahgesið Bin Ladenes ond wolde fon to his rice gif he aswelte.
- Her in Kondûze sum Arabisce Al-Qaeda heretoga ond his menn nomon mara þonne .c. hea Kondûzware swa gislas ond ofslogon .cl. Afghanisce Talibanmenn þe woldon afleon, for þæm þe þær ærra .m. Afghanisce Talibanmenn ond Mirai Nasery hira heretoga aeodon of gefeohte ond of þæm herge. Ond in Arabgereorde "al-qaeda" is rihte "al-qâ`ida" ond segð "seo sittende" oððe "se staðol" oððe in fyrda gereorde "þære fyrde heahgesetl"6).
- Her wæs heahcyre in Kosovo ond Ibrahim Rugova and his mægenwerod LDK fengon to rice.
- xxi d: Her in Malaya forðferde Sultan Salahuddin Abdul Aziz Shah cyning Selangor underrices ond he wæs for his hwile cyning Malaysiae. Ond Idris his sunu feng to Selangores rice.
- xxii d: Her gemaðel ymb þa besittunge æt Kondûze endode ean friðe ond gefeoht ongann þær, ond þærinne sind .xvm.4) Talibanmenn ond .xm. hira sind utlandisce swa Arabas ond Chechnas ond Pakistanisce.
- Her æt Portesmuðan in Englalande Elizabeþ þære cwene modor eftfulwode þone lyftcræftberend Ark Royal æfter þæt hit wearð edniwode, ond heo wæs .ci. wintru eald.
- Her in Afghanistane seo norðerna fyrd sohte adrifan here .dc. Talibana ond Araba ymb Maidan Shahr ceastre in Vardak scire ond hit is .xx. míla of Kabule ac se here ahte wælstowe gewald. Ond æfterra Americisce guðlyftcræftas slogon þa Talibanmenn þær ond æt Kondûze.
- Her wæs folccyre æt Gipeswice1) in Eastenglum in Englalande ond þæt mægenwerod Labour ahte geweald.
- Her wæs great fyr gemang stolum in Peterburh2)-mynstre in Englalande ond þæs mynstres innoð ond his hrofes fæga underside wurdon gederede mid hrúme3).
- Her in Englalande sum Steve Bennett upsendede fyrspere genemned Nova fyf þusend fet in lyfte ofer Morecambe Bay.
- xxiii d: Her in æfne neah Nablus in Westiordanum Israhelisc wingwindend ofsloh Mahmûd Abu Hanoud ond he was án heretoga þæs Islamiscan dyrnherges Hamas.
- xxiv d: Her þa Taliban gieldedon Maidan Shahr, ond .m. Talibanmenn eodon of Kondûze, and seo norðerna fyrd fór in Helmand scire.
- xxv d: Her in Afghanistane seo norðerna fyrd nom Khanabad ond gefeoht wearð in Kondûz ceastre. Ond sume Pashtûnas fuhton wið þæm Talibane ond nomon Dolangi lyftfelde in Kandahar scire ond .mcc. Americisce sæfyrdmenn flugon þider in wingwindendum ond huldon þa lyftfelde ond heton hit Camp Rhino. Ond Afghanisce folctogan eodon to Petersberg gásthuse æt Königswinter neah Bonn in Germaniam to maðelianne. Ond æt Qala-i-Janghi byrig þe wearð guðhæftcarcern æt Mazar-e-Sharif .dcc. utlandisce Talibanisce hæftas þe wurdon gefangene æt Kondûze nomon wæpen of weardum ond fuhton oð .xxvii. dæge to utganne ond seo norðerna fyrd ond Bryttiscea ond Americisce ofslogon ealle hira buton .lx. ond hie wæron ealle gewundode, ond sume þære norðernan fyrde aswulton. Ond þær hie nomon Americiscne mann gehaten John Walker Lindh þe hæfde geworden Muslim ond fohte mid þæm Al-Qaeda.
- Her wæron strange spinnwind in underricum Alabama Mississippi California ond .xxv. aswulton.
- Her lyftcræft feoll to eorðe neah Zurich im Helvetiam ond .xxiv. aswulton ond .ix. lifdon.
- xxvi d: Her in Afghanistane seo norðerna fyrd nom Kondûz ond fyf þusend Talibaniscra gieldedon.
- Her æreste sume menn macodon clone manncynnes, ac hie ne alyfedon hit libban æfter þæt hit wearþ siex cellulae.
- Her Bretlandes cwen macode Jack McConnell Scotlandes fyrmestscealc.
- Her Israheles fyrd aeode of Jenin in Westiordanum.
- xxiv-xxvi dd: Her þreo dagas Nepales fyrd fuhton wið Maoistum ond .cl. aswulton.
- xxvii d: Her se Hubble Radio Telescope fand woruld þe gæð ymb þone steorran HD219458 ond hit is in Pegasus ond hit is .cl. leohtgearu feorr ond lyft is ymb hine ond mæg beon þæt lif is þæron.
- xxxix d: Her ongann gefeoht ymb Kandahar.
- xxx d: Her in Los Angeles forðferde George Harrison þurh lungecarcinomate ond he wæs án þara feower mærena truða gehatenra þa Beatles ond he lifde .lviii. wintru. Ond his lic wearþ forbærned, ond sume segdon þæt man wolde sceadan his æsce in haligre Ganges-ea in Indiam.
- Her in Afghanistane seo norðerna fyrd feng Ahmed Abdel Rahman ond he is an þara heretogena þæs Al-Qaeda.
1) Ipswich.
2) Peterborough.
3) soot.
4) This and similar are by analogy of .iiiim. for `4000' in an Anglo-Saxon Chronicle entry for 457AD.
5) photographs.
6) foundation, basis, (army) base.
(Back)
Anno MMI Geolmonað
- i d: Her in Japane Masako wif Naruhito æþelinges acennede dohtor ond hit is hire fyrmeste cild. Ond Masako is .xxxviii. wintru eald ond is sumu wen þæt þurh ieldo heo nyle acennan ongean. Ond gif heo ne acenneð sunu, Naruhito æþeling nyle habban yrfeweard, oððe man mote lagian þæt wif mæg fon to Japanes rice. Ond wif feng to Japanes rice in geare .mdcclxii. ond næfre æfterra. Ond on .vii. dæge þæt cild wearð genemned Aiko.
- ii d: Her in Israhele Hamasisce wælwulfas macodon utberstunga in Ierusaleme ond in Haifan ond .xxv. aswulton, ond on .iii. dæge Israhel sendede his fyrd ond guðlyftcræftas in Palestinisc land in Westiordanum ond brucon sume boðl, ond hie fordydon Gaza lyftfeld. Ond on .iv dæge hie stodon ond bebudon þæt Yasser Arafat fenge wel þone Hamas. Ond Yasseres ric feng sume þæs Hamas, ac ne genog for Israheles hæse, ac Palestinisce wurdon yrremode.
- Ymb þisne dæg in Americam se swiðe micla geférscipe Enron wearþ unworcelic for wanan sceattum ond he mote gieldan fela hundræda milliona dollara.
- v d: Her ymb Tora Bora holas in þæm Hwítum Beorgum neah Jalalabade in Afghanistane landfyrd ond Americisce lyftcræftas ongunnon feohtan wið þæm Al-Qaeda ond nomon anne scriðdracan.
- Her Gul Agha ond Haji Gullalai ond hira fyrd fuhton hearde wið here Arabiscra Al-Qaedena ymb Kandahar lyftfeld ond ahton wælstowe gewald ond ofslogon manige hundrædu þara Araba. Ond in micelre Al-Qaediscre hol-delfunge æt Turnak-worðigum neah Kandahare hie fundon micelne hord þæs atores cyanide ond þæs cyrn-atores uranium. Ond be misgelimpe Americisce lyft-utberstend ofsloh .iii. Americisce and .v. Afghaniscre fyrde ond wundode .xix. Americisce ond ymb .xx. þære Afghaniscan fyrde.
- Her æt Petersberge in Germaniam þa Afghanisce folctogan gecwæðon ymb niwe rixiendas, þæt ealle sien .xl., ond þisra .xi. sien Pashtunas ond .viii. Tajikas ond .v. Hazarisce ond .iii. Uzbekas ond .iii. oðerra folca.
- Her in Americam wurdon gefangene .lxxiii. þæs Mafiiscan mándædcynnes Genovese.
- vi d: Her Sophie wif Eadweardes æðelinges wearð seoc ond æt Cyninges Eadweardes .vii. seochuse in Lundene læcas fundon þæt heo wæs eacen ac se brod sæt in oviductum ond ne in hire uterum ond se oviductus bærst ond heo þurfte micel blod, ond heo lifde.
- Her þa Taliban gieldedon Kandahar.
- Her wæs heahfolccyre in Sri Lankan.
- viii d: Her giet Osama bin Laden ond þusend menn þæs Al-Qaeda fuhton in Tora Bora burgholum ond in Spin Ghar wealde, ond sume segdon þæt he lædde hie, ond eastern Afghanisc fyrd ond Americisce ond Bryttisce sundorfyrdmenn ond Americisce guðlyftcræftas fuhton wið him. Ond man ongann beran micel fod to Afghanistane.
- xi d: Her neah Emmanuel in Westiordanum sume Arabas ofslogon .x. Iudeisce ond wundodon .xxx., ond Israhel wæs ierremod æt þæm ond Ariel Sharon segde þæt he ne wolde sprecan mid Yasser Arafat ongean, ond on æfterrum dagum Israhel sendede manige fyrdmenn in Nablus ond Ramallah ond oðrum Palestiniscum landum ond hie fylledon boðl ond fengon manige menn ond fordydon þæt feorrseoungboðl æt Ramallah ond segdon þæt hie woldon huntan þa Hamas-menn in eallum stedum Westiordana.
- Her in Dianae æðelingene Weala seochuse in Beornmundingahame in Englalande wurdon getwæmde þa mægðgetwinnas Eman Mowatt ond Sanchia Mowatt þe wæron geanlæhte be hira hrycgbana endum swa læcas hataþ pygopagus ond hie begen lifdon, ond on Cristes mæssæfne hie eodon to hame.
- Her æt Indiae witenagemothus in Delhi fyf wæpnedmenn ascuton seofon menn ond eac wurdon gescoten, ond mæg beon þæt þis wæs for Kashmire, ond in æfterrum dagum Indiae ond Pakistanes fyrda foron to mearce ond wearð wen guðe.
- xii d: Her æt Hlæwum1) in Suðseaxnum dema sendede Roy Whiting to carcerne for life for þæm þe he ofsloh Sarah Payne, ond he lifde æt Lytelhamtune.
- Her sum seah Osama Bin Laden in Helmand scire.
- xv d: Her .l. menn Al Qaedan gedígedeon of Tora Bora ond cwomon to Pakistane.
- xvi d: Her in Afghanistane seo fyrd nom Tora Bora burgholu ond ofsloh .cc. menn Al Qaedan ond feng .xxxv. ac ne fand Osama Bin Laden, ond in þissum gefeohte man afyllede .ii. Americisce wingwindendas, ond manige þara Anericiscra sweðrodon þurh lyftleasnesse hiehðe, for þæm þe se stede is .ii. mila ofer sæ. Ond Donald Rumsfeld Americae werungscealc eode to Bagram lyftfelde.
- xvii d: Her heard forst ond deop snaw cwomon to Greclande ond to Catalonia-lande in Hispaniam.
- xviii d: Argentina sceal gieldan sceattas ond se principalis þisses debiti is .cxxxi. billionas dollara, ond to maganne gieldan his interest hire þeodtogan sceolde gieldan læssa to hira scealcum, ond on þissum dæge hie lagodon þæt þa sceatthealdendas ne gielden þonne menn biddaþ for hira sceattum2), ond þa ceasterware wurdon swiðe ierremode æt þæm for þæm þe wæs hungor ond hie nomon be mihte swiðe micelne ceap ond bærnedon manige boðl ond fuhton wið æweardum ond .xxvii. aswulton ond on .xx. dæge Fernando de la Rua foresittend alætte his ric ond on .xxiii. dæge Adolfo Rodriguez Saa feng to rice ond his æresta æ wæs þæt Argentina ne gielde for þæm debitum.
- Her neah Mexico-ceastre se fyrbeorg Popocatepetl onwac mihtigora þonne wæs in þusend gearum, ac nænig mann aswealt.
- xxi d: Her Bryttisce sæfyrdmenn flugon to Bagrame ond eode to Kabule.
- Her in Gaza-lande Palestinisce æweardas fuhton wið Hamas-mannum. Ond in Westiordanum se Hamas segde þæt hit noldon feohtan wið Israhele æfterra þissum dæge, ond on þæm .xxii. dæge se Islamisca Jihâd segde þus. Ac þæt gebeot ne lifde lang.
- Her neah Khost in Afghanistane Americisce guðlyftcræftas slogon .x. oððe .xii. wægnas ond ofslogon .lxv. folctogan þe foron to Kabule to gretanne þa niwan þeodtogan, for þæm þe sum forleag þæt hie wæron Al-Qaedisce.
- xxii d: Her niwe þeodtogan fengon to rice in Afghanistane, ond Hamid Karzai wearþ foresittend.
- xxiv d: Her in Ghazni scire in Afghanistane Americisce sundorfyrdmenn fengon Abdul Haq Waseeq ond he wæs an þara Taliban-togena
- xxv d: Her ond in æfterrum dagum ymb Sydney in Australiam .mmmmm. fyrmenn fuhton wið .c. strangum wealdfyrum ond .clxx. hus wurþon forbærnede ond wæs pleoh for Sydney ceastre ond Sydney wæs lange under þystro reces swa sunnan eclipsis, ond wæs heard wana wætres for þæm fyrmannum.
- Her Israhel sendede eahta scriðdracan in wic neane Nablus.
- xxx d: Her æt ceapboðle in Lima in Peru sum gecyðede fyrweorc in strætwege fore sumum ond se fyrweorc utbærst ond macode fyr þe foræt manige ceapboðl ond feower torras husa ond .cclxxvi. aswulton oððe ma.
- Her in Argentinam Adolfo Rodriguez Saa alætte his ric, ond he rixode seofon dagas.
- Her Sarah wif Gordon Brown Bretlandes cancellarii acennede dohtor Jennifer Jane ond læcas þurfton sniðan þæt cild utan of hire wambe fore hire tide ond on .vi. dæge Æfterran Geole Jennifer wearþ seoc mid bledunge in brægne ond man fulwode hie in seochuse, and in æfne .vii. dæges heo forðferde.
1) Lewes in Sussex in England. The name means "the Mounds".
2) froze their bank accounts.
(Back)
(to next year)