THE NEW ANGLO-SAXON CHRONICLE 2006 AD: TIDUNGA ON ENGLISCE MMVI AD
Pointers to monthly sections 2006Jan 2006Feb 2006Mar 2006Apr 2006May 2006Jun 2006Jul 2006Aug 2006Sep 2006Oct 2006Nov 2006Dec
(Back to main page)
Anno MMVI Æfterra Geola
- Þes winter wæs Russiae cealdost in .xxx. gearum ond in Moskvan se cyle wearþ -30ºC.
- In þissum wintre wæs great wana regnes in Brytene.
- i d: Her wurdon strange wealdfyr in Australiam norð Sydney ceastre ond hit bærnede sume hus.
- Her wæs utberstung fyrlyfte in Sago col-delfunge neam Tallmansville in Westvirginiam underrice in þæm USAn ond delferas wæron þærinne ond seo utberstung macode þa atorlyfte carbon monoxide, ond on .iii. dæge man fand ánne hire libbende seocne ond twelf deadne.
- ii d: Her æt Bad Reichenhall in Baiern1) landes suðernan mearce hrof ísfótslídunghealles3) feoll þurh gewihte snáwes ond byrgede healf oððe maran þara þe wæron þærinne ond .xi. þara fotslidera aswulton ond man ne mihte findan manige.
- iv d: Æt West-Ánstíge2) lytle ærra Cristemæsse geares .mmv. sum dyrne freogode .lx.-gerim wildswína of túne ond hie deredon gærs-æcras ond wyrtgeardas delfende mid hira násum. Ond on þissum dæge on Exanmórum in Defnum wæs se æresta wildswínhuntoð in Brytene in .ccc. gearum, ac man sohte fón hie libbende. Ond þes huntoð wæs mid horsum ond quadbikeum ond foxhundum, ac áne twegen þara bára cwomon eft to hira locan. Ond se wilda bár is swiðe færlic ond wís ond strang deor ond mæg ofslean mann mid his túxum ond geo Ælfríc wrát ymb bárhuntoðe in his Colloquiis.
- Her Ariel Sharon fyrmestscealc Israheles wearþ swiðe seoc þurh strangre bledunge in brægne ond sníðendlæcas worhton on him seofon stundas in Hadassah seochuse in Ierusaleme.
- v d: Ymb þissum dæge þreo cildru ánes huses néas Dogubayazit ceastre in Turclandes eastan aswulton þurh þa fugliscan influenzam, ond hie wæron þa æreste buton in Suðeastasiam.
- viii d: Her man fand þæt mann ond twa cildru neah Ankara in Turclande wæron seoce mid þære influenzam fugla H5N1.
- xi d: Her in Old Bailey demongbolde in Lundene þær Abu Hanza is fore demum wearþ widcuð þæt Abu Hamza wolde þæt eall woruld sie Muslim ond khalifa (þe in Niwenglisce hatte caliph) sitte rixiende in þæm Hwitan Huse in Washington in Americam.
- xii d: Her in Atlas-sæwe middan suð Azores-iega lytel sæstorm wearþ se hweolstorm Zeta, ond hit is se .xxvii.oða Norðatlassæwisca hátlandisca hweolstowm in ánum geare. Næfre ærra wæron máran þonne .xxi. swylce in ánum geare.
- Her æt Meccan in Saudiscre Arabiam .cccxlv. oððe maran aswulton þurh þringunge æt þære deofolstánunge æt Jamarat-brycge in þæm Hajje, ond .cclxxxix. wæron in seochuse þurh þis.
- Her in Turclande seo fuglisca influenza wearþ widora in mannum ond fuglum.
- xix d: Her æt Canaveral-næsse Atlas-5 fyrspere bær þæt woruldrumscip New Horizons of eorðan to þæs þe hit fare to Plutone ond Plutonis mónum.
- xxiii d: Her in Nairobi þe is Kenyan heafodceaster bold feoll þenden man bytlede hit ond acwellede þreo ond wundode .lxx.-gerim ond heald manige under his sylfe, ond án aswealt æfterra in Kenyatta seochuse.
- Her in Montenegro lande in Suðeuropam folcberende irenweggewægnoð fór of Bijelo Polje to Bar hæfne ond hit fleag of his weg-irenum æt Bioce neam Podgorica ond his sláwend5) ne worhte ond hit feoll in deopum nearwum stándæle Moraca-ea ond .xxxix. aswulton oððe maran ond .cxxxv. wurdon gewundode ond .lxxv. hira wæron cildru gánde to hira hámum of skiðunge4).
- xxiv d: In þissum wucum heard forst ond great cyle fór west of Siberiam ond Russiam ofer Easteuropam, ond her snaw feoll in Athenai in Greclande.
- xxv d: Her wæs heahfolccyre in Westiordanum ond Gazalande, ond Hamas feng .lxxvi. þara .cxxxii. stóla witenagemotmanna ond feng to rice. Ond Hamas wearþ in geare .mcmlxxxvii.. Ond in æfterdagum wæron gefeoht Fatahiscra wið Hamasiscum, ond Palestinisce æweardmenn wæron mid him.
- xxvi d: Her Brytenes þeodtogan segdon þæt he woldon sendan .mmmccc. fyrdmenn wið Talibaniscum ond Al-Qaediscum to Afghanistanes suðan þe is scire Nîmrûz, Helmand, Kandahâr, ond þærinne is great wéstenn Dasht-i-Margo þe segþ Déaþwéstenn, ond eac Registan land.
- xxvii d: Her wæs eorðstyren maran þonne .cc. mila under Banda-sæ in Indonesiam, ond his miht wæs Richter 7.7.
- Her wæs strang wealdfyr on Table-beorge in Suðafricam.
- xxix d: Her in greatum bolde in Chorzów þe ærra hátte Hindenburg in Silesiam in Pola lande wæs gemot culfrehyrda ond holharahyrda ond þæs boldes hrof feoll under gewihte snawes ond .lxvi. folca aswulton ond maran þonne .cxl. wurdon gewundode ond man me mihte findan manige.
- xxxi d: Her in Lancaster House in Lundene Hamid Karzai foresittend Afghanistanes spræc mid Tony Blair fyrmestscealce Brytenes ond oðrum.
1) Baiern hátte in Boclædene Bavaria ond hit swa hátte for þæm þe geo hwilum þæt Celtisce folc Boii wunode þær.
2) West Anstey in Devon.
3) In Niwenglisce seo ísfótslídung hatte skating ond þæt word skating is of Niðerlandiscum schaats ond geo hit wæs sam word mid "sceanca" for þæm þe geo man band sceancbán deores to ælcre fet for ísfótslídunge.
4) skiing (Old Norse word).
5) brake.
Anno MMVI Solmonað
- ii-iii niht: Her þæt scip Al Salam Boccaccio 98 fór of Duba in Saudiscre Arabiam to Safaga in Ægypte ond hit bær .mcclxxii. geborene ond his .cc.-gerim scipmanna ond .ccxx.-gerim wægna, ond fore middanneahte hit sanc in storme in þære Readan Sæwe middan, ond æfterra man nerede .cccxliii.-gerím libbendra, ond þusendgerim adruncon in sæwe. Ond þara geborenra .mclviii. wurdon Ægyptisce ond .xcix. Saudisce ond siex Syrisce ond feower Palestinisce ond fyf elleshwanon. Ond mæste hira wæron Ægyptisce þe worhton in Arabiam, ac manige hira wæron in Arabiam for þæm Hajje. Ond þyncþ þæt þis is of unwedere and ne of egesweargdóme.
- iii d: Her in Romam in Italiam forðferde Romano Mussolini se truð ond fággelicnessmæcere ond he lifde .lxxviii. gearu, ond his fæder wæs Benito Mussolini þe geo rixode Italiam.
- Ymb þisne dæg manige Muslimas wurdon swiðe ierremode for þæm þe in Heorfestmonaðe geares .mmv. seo Denisc ærendwritung Aftenposten scawode hleahtorlice fágunga þe scawodon Muhammad witegan mid his wlite.
- vii d: Her in Haiti þeodlande wæs heahfolccyre.
- Her dema sendede Abu Hamza to carcerne for seofon gearum for þæm þe oft æt Finnesburgmasjide in Lundene he oft ceallede þa Muslimas to dónne jihâd ond weargdom ond morðor. Ond ærra he wæs Ægyptisc ond hátte Mustafâ Kemal Mustafâ ond he cwom to Brytene in geare .mcmlxxix.. Ond his nama segþ Hóces Fæder ond he léas bá his handa in guðe in Afghanistane.
- viii d: Her in Cyningadæle in Ægypte menn fand níw Ealdægyptisc stánen byrgunghol ond in him fyf oððe siex lic, ond þis wæs seo æresta swylca findung siððan Howard Carter fand Tutankhamunes cyninges byrgung in geare .mcmxxii., ond man mæg rædan ymb þis her.
- ix d: Her in Miami in Floridam forðferde Freddie Laker ond he lifde .lxxxiii. gearu.
- xi d: Her Sharon foresittend Israheles wæs giet swiðe seoc ond læcas utsniðon dǣl his greatoran ropan þe læcas hátaþ colon.
- xii d: Her snaw feoll in Niw-Eoforwice ond Washington ceastre in Americam ond læg to twæm fotum diepþe.
- xv d: Her .cl. Bryttisce sæfyrdmenn flugon to Kabule lyftfyrdsete ond hie willon gan to Helmand scire.
- xvii d: Her æfter teon dagum regnes wæs great horhslidung of beorge in Suðernre Leyte provinciam in Philippin-iegum ond hit byrgede Guinsaugon wic neah Saint Bernard ceastre ond man nerede .lvii. ond is wen þæt .mdccc. deade.
- xx d: Her man árǣdde þæt .mmvi. geares great fotðoðorplegung þe hatte Cup Final nill beon þæt Wembelea ac in Caerdydd þe eac hatte Cardiff in Weala suðan, for þæm þe þa Australiscan bytleras Multiplex ne mihton gehátan þæt se niwa plegungstede æt Wembelea woldon beon fullfremmod for þære plegunge.
- xxi d: Her wearþ widcuð þæt in Brytene in geare .mmv. feower cildru in ælcum teon wurdon acennede utan weddunge.
- xxii d: Her in Samarrâ' in Iraqe æt sunnupgonge sume Sunnisce macode greate utberstunge in þæm Gyldenan Masjide þe eac hatte se Askarîya scrín ond his hrof feoll ond hit is fordón. Ond þær sind gebyrgede þara Shî`isce teoþa ond endleofonþa imâmas ond Muhammad witega wæs hira ealdfæder. Ond hit is swiðe halig stede for þæm Shî`iscum. Ond þa Iraqisce Shî`isce wurdon swiðe ierremode æt þissum ond is pleo folcguðe betweox þæm Sunniscum ond þa Shî`iscum. Ond in wrecungum Shi`isce bærnedon ond bræcon siextig Sunnisce masjidas. Ond ofsloh oððe wundode twentig mid seaxum in Samarrâ' in nihte ..xxii-xxiii. daga. Ond in þæm .xxiv. stundum æfterra man ofsloh .liii. Sunnisce in Baghdâde to wrecanne. God sende frið.
- xxiii d: Her ymb siexðre stunde morgnes hrof greates ceapungboldes in Moskvan in Russlande feoll under gewihte snawes ond aswulton feower oððe maran ond sume segde þæt .c.-gerim sind under gefallenum.
- Her in morgne æt Túnbrycge1) in Cente réaferas stǣlon maram þonne .liii. milliona gerim punda sceatta of bolde in locan þe se weardwerod Securitas werode. Ond þis is seo greatost reafung þa á wæs in Brytene, ond þa reaferas lícettedon þæt hie wæron æweardas. Ond in æfterdagum æweardas fewngon sume þara manna ond micel þara sceattwritunga.
- xxviii d: Her in Baghdâde utberstunga ofslogon siextig-gerim Shî`isce.
1) Tonbridge in Kent.
Anno MMVI Hreðmonað
- In þissum monðe se Bryttisca mann Karl Bushby eode an fote .lviii. míl of Alaskan to Chukotskiy-næsse in Siberiam ofer Bering-nearwe an íse ond he wunode in Cyningestune an Hule2) ond ærra he wæs feollhleofyrdmann, ond Dimitri Kieffer wæs mid him. Ond an .i. dæge Eastermonðes hie cwomon to Provideniya in Siberiam.
- i d: Her snaw cwom to Brytene.
- ii d: Her wæron twa utberstunga neah þæs USAn ambahthuse in Karachi in Pakistane.
- vii d: Her sume macodon twa utberstunga in Varanasi ceastre in Indiam ond se stede eac hatte Benares, ond hie acwelledon .xx. ond wundodon .cxxv., ac of þissum ne wearð folcgefeoht.
- x d: Her Ugandan rixieras lagodon þæt æt Owen Falls wæterpyndinge man alyfie áne feowerðan dǣl þæs Níles flawan ut of Victoria-lace, to þæs þe Victoria-lacu weorðe ongean full, for þæm þe in Eastafricam is lang heard dryhþ ond is wen hungres for .xiii. millionum. Ond Ægypt ne lufaþ swylce pleo for hira ea wætre.
- x-xi d: Her in nihte in demungboldcarcerne in Den Haag in Niðerlande þenden man lange demde hine forðferde þurh heortcoðan þe in Boclædene hatte infarctio myocardiaca Slobodan Milosevic þe ærra rixode Serbiam, ond he lifde .lxiv. gearu; ond his widwe ond his cynn wæron in Moskvan in Russlande.
- xiii d: Her Elizabeth .iii. cwen Brytenes wæs in Sydney in Australiam.
- Þreo Bryttisce weridon carcern in Jericho in Eastiordanum þærinne wæron Ahmad Saadat ond oðre ond Israhel wyscede fon hine for morðre sumes Israheles ricscealca. Ond on þissum dæge in æfne þa þreo Bryttisce áeodon for pleo ond swifte Israhelisce fyrdmenn foron þærinna ond fengon Ahmad Saadat, ond þa Palestinisce wurdon swiðe ierremode æt þæm.
- xxv d: Her man bær Slobodan Milosevices lic in lyftcræfte of Den Haag to Belgrade in Serbian.
- xxvi d: Her ond in æfterdagum æt Sorbonne universitate in Parise Frencisce scyldæweardas CRS fuhton wið strætfeohtendum.
- Her Iraqes niwa witenagemot métton ond wurdon ingesworene.
- Her ymb Samarrâ' in Iraqes middan .dcl. Americisce ond .dccc. Iraqisce foron mid wingwindendum þæs 101st Airborne Division ond guðwægnum ongunnon faran wið Sunniscum wiðfeohtendum, ond hie fengon .xli. ond findon hordas wæpna, ond þeos farung hátte Operation Swarmer.
- Her æt Celtanhamme1) in Englalande fyf hors aswulton in ánum dæge in þæm horsrinnungum.
- xviii d: Her in Serbiam wæs funneralis þæs Slobodan Milosevic in Belgrade ond .lxxxm. eodon þider, ond man byrgede hine in his cynnes huses leactune æt Pozarevac.
- xix d: Her wæs heahfolccyre in Belarus lande.
- xx d: Her se Friðsæwisca hweolstorm Larry sloh Innisfall in Cwenelande underrice in Australiam ond his wind wæs .cl. mila in stunde ond bræc manige hus ond fordyde wæstm þæs sucrum ond þara bananena, ond hit wæs se strangost storm þe sloh Cweneland in marum þonne .lxx. gearum.
- xxiii d: Her in Baghdâdes westan Bryttisce sundorfyrdmenn gehaten SAS fundon ond freogodon þa Canadiscan gíslas Harmeet Sooden ond Jim Loney þe Sunnisce weargas heoldon feower monðas, ac man ne feng ænigne þara wearga.
- xxviii d: Her wæs heahfolccyre in Israhele ond Ehud Olmert ond se mægenwerod Kadima fengon to rice.
- xxix d: Her wæs eclipsis þære sunnan ond his fullnesse rann of Braziles norþeastan ofer Atlas-sæwe ond Ghana ond Sahara-wéstenne ond Libyam ond oðrum dǣlum Africae ond Turklande to Mongoliam. Ond hit wæs dǣllic æt Kurukshêtra in Haryana underrice in Indiam ond þær manige Hinduas baðodon in Brahmasarovar haligum lace þenden hit rann. Ond maran þonne .mmmccc. eodon to Libyam of Americam ond Europam to seonne hit.
- xxx d: Her in æfennihte æt Al Muharraq in Bahraine in sæwe betweox Arabian ond Persian se bát Aldana þæs bátcynnes gehatenes dhow oððe banûsh fór berende .clxxx.-gerim folca for wynne ond .xxv. hira wæron Bryttisce ond þurh oferládunge hit wealwode ond .lviii. adruncon maran ond twelf hira oððe maran wurdon Bryttisce ond man nerede .lxvii. ond man ne mihte findan .xiii. oððe maran.
- xxxi d: Her in morgne wæs eorðstyren in Lorestan provincia in Iranes westan, ond his miht wæs Richter 6.1, ond hit acwellede .lxx. oððe maran, ond hit wundode .mcclxv., ond hit derede .cccxxx. wic, ond se greatost hearm wæs ymb Brujerd.
- Her Charles æþeling ond Camilla his wif wæron in Jaipur ceastre in Rajasthan underrice in Indiam.
- Her Karl Bushby ond Dimitri Kiefer cwomon to Chukotka-næsse þe is Siberiae easternan ende ond hie foron on fotum of Alaskam over gefrorenum Bering-nearwe in íse in sárum wintercyle ond oft hie þorfton swimman. One hie hæfdon handhócas swa sciphlæstera oþþe ísberan cléa to apullianne sylfe eft on ise of sæwe. Ond hie foron .cl. mila, ac hit wære .lvii. mila rihte, for þæm þe sæflawunga scufodon þæt ís.
1) Cheltenham.
2) Man nu háteþ þisne stede Hull, ac geo rihte Hul is þæt nama þære ea þære ceastre.
Anno MMVI Eastermonað
- ii d: Her Jack Straw ond Condolezza Rice eodon to Baghdâde.
- iv d: Her in Niðerlande æweardas fengon greatne hord þæs átores cocaine ond his weorð wæs .cl. millionas Bryttiscra punda.
- v d: Her wearþ widcuþ þæt on særiman æt Cellardyke sæhyðe in Fife scire in Scotlande sum fand swiðe seocne ylfete ond æfterra hit aswealt ond man fand þæt hit aswealt þurh þá influenzam fugla M5N1. Ond se M5N1 acwellede .cviii. folca in geare .mmiii. ond æfterra.
- vi d: Her in Tadjoura-cofan neah Djibouti in Eastafricam folcberewnd bát sanc þurh overládunge ond .cxiii. adruncon in sæwe ond man ne mæg findan manige.
- Her in Kathmandu in Nepale ongunnon manige dagas strætgefeohtes Kathmanduwara wið scyldæweardum secendra þæt Nepales cynecynn alætte of rice ond wiscendra þa democratiam.
- vii d: Her twegen oððe þreo weargas in wiflicum gewædum macodon utberstunga in Shî`iscum masjide in Baghdâde ond acwelledon .lxx.. Ond in þissum geare manige Sunnisce afliemdon of Sunniscum dǣlum Iraqes ond manige Shî`isce afliemdon of Sunniscum dǣlum Iraqes.
- xi d: Her þæt mannlease woruldrumscip Venus Express cwom to Venus worulde. Ond ealle stedas on Venuse sind genemnede for wifum ond gydenum, buton þa Maxwell-beorgum. Ond Venuses lyft is swiðe hát ond swa hell.
- Her Israheles witenagemot lagode þæt þurh seocnesse Ariel Sharon ne mæg giet rixian ond þæt on .xiv. dæge Ehud Olmert will fón to rice swa fyrmestscealc.
- xvi d: Ymb þisne dæg regen ond mieltende snaw macodon þone hiehstan flod Danube-ea in .c. gearum in Serbiam ond Rumaniam ond Bulgariam.
- xviii d: Her in Indonesiam se fyrbeorg Merapi onwac ond manige afliemdon of his pleo.
- Her Elizabeth .ii. cwen Brytenes segde þæt heo nill alættan hire ric þurh ieldo.
- xxi d: Her Elizabeth .ii. cwen Brytenes wearþ .lxxx. gearu eald.
- xxiv d: Her man macode þreo urberstunga æt Dahab sæwynnstede on Sinailandes easternan riman ond hie acwelledon .xx. Ægyptisce ond þreo utlandisce.
- xxv: Her in deopre golddelfunge æt Beaconsfield in Tasmaniam lytel eorþstyrung macode stánslidunge ond þara .xiv. delfera .xi. cwom of þære delfunghole libbenda þæm dæge ond on .ix. dæge þrimilcemonðes æfter micelre headre delfunge man nerede twegen libbenda ond ánne deadne, ond man wrat ymb þisse nergunge her.
- xxvi d: Her in Ukraine æt tide 1.23 þære morgentide wæs minuti swígung ond bella cyrica swegodon for gemynde for þæm þe æt þære tide on þissum dæge in geare .mcmlxxxiv. cyrnofen æt Chernobyle utbærst ond dyde greatne hearm.
Anno MMVI Ðrimilcemonað
- i d: Her in Camp Bastion fyrdsetle in wéstenne nea Lashkar Gah in Helmand scire in Afghanistane Americisce fyrdmenn alætton hira stedas to .mmmmd. Bryttiscum fyrdmannum to werianne wið þæm Talibanum. Ond nigon in ælcum teon dællum þæs atores heroin in þæm worulde is of Afghanistane ond micel þæs is of Helmande.
- iii d: Her Armenisc folcberend lyftcræft fleag of Yerevane in Armeniam to Sochi in Ukrainiam ond þenden hit cwom to Sochi wæs heard regenstorm ond hit ongann fleogan eft to Yerevane ac man bád hit cuman to lande æt Sochi ond hit sloh land ond eall ..cxv. þærinne aswulton, ond hira ..xxiii.-gerim wæs Russisc ond án wæs Gruziyisc1) ond án wæs Ukrainisc ond þa oðre wæron Armenisce.
- Her neah Tonga-iegum in Friðsæwe wæs eorðstyren ond his miht wæs Richter 8.1 ond wæs wén þæt hit macie tsunami.
- vii d: Her in Khan Yunis in Gazalande Fatahisce fuhton wið Hamasiscum ond in þæm gefeohte man ofsloh þreo ond wundode teon.
- xiii d: Her Indonesiae ric het þæt þa moton aflieman þe wuniað neah Merapi fyrbeorge on Java iege for pleo þæt hit utberste, for þæm þe Merapi macode æsc ond gemoltenne stán.
- xiii-xiv dd: Her in Sao Paulo ceastre in Brazile manige mándædhloðmenn foron wið æweardboldum ond in gefeohtum .lii. aswulton ond .liii. wurdon gewundode ond hie wæron æweardas ond mándædhloðmenn ond sume þe ne wæron in þm gefeohtum, for þæm þe þa mándædhloða wæron ierremode for þæm þe man sendede .dcclxv. hæftas to niwum carcerne þe is .cdx. mila þanon.
- xviii d: Her wæs gefeoht in Helmand scire in Afghanistane ond aswulton .lxxxvii. Talibanisce ond .xv. oðre.
- xx d: Her in morgne man macode utberstunge in Sadr-ceastre in Baghdâde ond hit acwellede .xix. Shî`isce þe onbidon folcberende wægn tó gánne to geweorce ond wundode .lviii..
- xxiv d: Her wæs great fyr æt Istanbul lyfthýðe, ond man segþ þæt hit cwom of misgelimpe bytlunggeweorces ond ne of feorhtweargdome.
- xxvii d: Her in morgne wæs eorðstyren æt Bantul ceastre suð Yogyakarta ceastre in Java iege in Indonesia ond his miht wæs Richter 6.3 ond æfterra wæron strange æfterstyrena. Ond .vim. oððe maran aswulton ond .xxxm. wurdon gewundode ond hit fordyde swiðe manige bold in Bantul lande ond .ccm. oððe maran sind húslease. Ond man ne miht brucan Yogyakarta lyfthyðe for þæm þe his rinnungweg is gebrocen ond his bold sind gefallene. Ond manige heolperas wæron giet néa for pleo Merapi fyrbeorges. Ond se micla Hinduisca hearg gehaten Prambanan neah Jakarta wearþ lytel gedered.
- Her Benedictus .xviii. papa segde mæsse in pearroce neam Krakow ond æt Auschwitz deaðstede in Pola landes suðan. Ond in foredagum he eode to manigum stedum in Pola lande.
1) Gruziya is þæt Russisce nama for lande in Caucasus-beorge þe in Niwenglisce hátte Georgia, ond his Gruziyisce nama is Kartvel.
Anno MMVI Midsumermonað
- In þissum monðe æt Tregothnan in Cornwealum man sendede to ceapunge Brytenes fyrmestne wæstm leafa þære Camellia sinensis þe in Niwenglisce hatte tea.
- i d: Her lytel æfte middannihte in chemiciscum odene æt Billingahame1) on Tees-side wæron twa strange utberstunga fyrlyfta ond of þissum wearð fyr.
- iii d: Her in Forest Gate in Lundene máran þonne .ccl. æweardas foron in huse ond twæm ódenum to fónne Muslimisce feorhtweargas ond cyanide-atorwæpn, ac hie ne fundon swylc, ond sum scéat ánne þara wearga.
- vi d: Oþ þisne dæg in þissum geare maran þonne .vim. wæron ofslægene in Baghdâde.
- vii d: Her in Iraqe æt 6.15 tide in æfne twa Americisce F15 guðlyftcræft tobrucon hus neah Baquba ond þærinne ofslogon Abu Musab al-Zarqawi ond he wæs heard heretoga þæs Al-Qaeda ond he ond his hloð ofslogon manige in manigum gearum, ond in Iraqe þa æweardas ond þa Shî`isce ond þa Americisce wæron swiðe geþancfulle. Ond þonne he wæs cild he lifde in Ammâne in Eastiordanum ond æfterra he wæs in Afghanistane mid þa Talibanum.
- xv d: Her Elizabeth .ii. cwen Brytenes wearð .lxxx. gearu eald ond wæs halig begong for þissum in Sancti Pauli mynstre in Lundene.
- Her in æfne in Tarin Kot lande in Oruzgan scire in Afghanistane Bryttisce ond Amerisce fuhton wið Talibanum ond ofslogon .xlviii. Talibanas.
- xxvii d: Her ond in æfterdagum andlang þæm ealdan Western Front in Francrices norðan ond in Belgalande wæs gemynde for þæm þe on þæm fyrmestan dæge in Æfterran Liða geare .mcmxvi. ongann se swiðe deaðhearmmæra gefeoht æt Somme-ea.
- Her Israheles fyrd fór in Gazaland, æfter þæt on .xxiv. dæge Hamasisce ánóm ánne Israheliscne fyrdmann.
1) Billingham.
Anno MMVI Æfterra Liða
- In þissum monðe wearþ heard dryhþ in Kenya lande ond aswulton swiðe manige feo; ond in Englalande wæs sár ond great hætu ond dryhþ ond micel land wearþ brun.
- i d: Her man openode niwne irenweg of Golmud in Tsinghai lande ofer Tibet heahwonge to Lhasa in Tibete, ond hit is .dcl. mila lang, ond 80% dǣl his is maran þonne .xiiim. fet over sæ, ond his hiehste stede is .xvim. ond .dcxl. fet ofer sæ þær hit gæþ ofer Tanglha beorgum.
- ii d: Her in Francrices norðeastan æt Thiepval-gemyndebolde ond Lochnagar-seaðe ond Ulster-gemyldebolde wæs halig begong for gemynde for þæm þe aswulton in þæm greatan gefeohte æt Somme-ea in geare .mcmxvi., ond Charles æþeling wæs þær. Ond John Allington wæs þær ond he wæs .cx. gearu eald ond he fohte in þæm gefeohte. Ond in þæm gefeohte aswulton oððe wurdon gewundode .cdxxxiim. Bryttisce ond manige oðre.
- iii d: Her in Valencia ceastre in Hispaniae eastan undergrundlic irenweg-gewægnoð fleag of his wege þenden hit cwom neah Jesus stoppungstede æfter þæt án his hweola bræc, ond .xli. aswulton ond .xl. wurdon gewundode. Ond man segde þæt hit ne wæs weargdæd.
- iv d: Her æt Caaveral-næsse se woruldrumscytel Discovery fleag of grunde, ond æfterra hit cwom to þæm International Space Station.
- Her in Ecuador lande se fyrbeorg Tungurahua onwac. Seo her ond her.
- vi d: Her Israheles fyrd fór in Gazalandes norðan to secanne weargas ond wearð gefeoht.
- xix d: Her folcberede lyftcræft fleag of Moskvan to Irkutske in Siberiam ond þenden hit cwom to lande hit ahweorf of þæm rinnungwege ond sloh bold ond wearð to fyre ond .cxxii. aswulton oððe maran ond sume libbedon.
- Her in Jihâd ceasterdǣle in Baghdâdes westan Shî`isce wæpnedmenn ascuton .xliii. Sunnisce to wrecanne.
- Her in Helmand scire in Afghanistane Bryttisce oððe Americisce fyrdmenn ofslogon .xxx. Talibanisce.
- xi d: Her in folcberende irenweg-gewægnoðum in Mumbai ceastre þe geo hátte Bombay in Indiam seofon utberstunga acwelledon .cc. oððe maran ond wundodon .dcc.. Ond æfterra Indisce æweardas fengon .cccl..
- xii d: Her Israhelisce scriðdracan foron in Gazalandes midden wið Khan Yunis.
- xiv d: Her in Siciliam se fyrbeorg Etna onwac.
- Ymb þissum dæge ongann guð beoweox Israhel ond þa Lebanoniscum Hezbollah.
- xvi d: Her se hwewolstorm Bilis sloh Cinalandes suðeastan ond acwellede .cxv. oððe maran.
- xvii d: Her wæs eorðstyren under sæwe neah Java ieges suðernan særiman in Indonesiam ond his miht wæs Richter 7.7 ond hit macode tsunami þe sloh særiman ond Pangandaran ceastre ond acwellede .dxxxvii. ond man ne mæg findan .ccxviii..
- On þissum dæge Lundenes weder wearþ hát swa Cairo.
- xviii d: Ymb þissum dæge Bryttisce scipfyrdscipu ond oðru greatexx scipu foron to Lebanones særiman to nerianne .xiim. Bryttisce ond manige oðre Europeisce, for giet Israheles lyftfyrd sloh Hezbollahisce stedas in Lebanone ond Hezbollah sendede fyrsperas in Israhel ond man segde þæt Syria ond Iran macodon fyrsperas ond gifon hie to þæm Hezbollahum. Ond Israhel eac sloh wegas to þæs þe Hezbollah ne mage faran. Ond hit sie seo greatost folcberung siððan seo Dunkirk-nergung. God bringe frið.
- Her in morgne æt Canaveral-næsse se woruldrumscyten Discovery cwom to eorðan ond hit wæs in woruldrume .xiii. dagas.
- Her in Kufa ceastre neah Baghdâde sylfacwellung-utberstung neah Shî`iscum scrine sloh .xlvi..
- xix d: Her Israhelisce fyrdmenn foron in Lebanone on grunde to secanne sume Hezbollahisce wæpn æt ánum stede.
- xx d: Her Ethiopisce fyrdmenn foron in Somaliam ond cwomon to Baidoa.
- xx-xxi dd: Her Israhelisce fuhton hearde twæm dagum wið Hezbollahiscum æt Maroun al-Râs wice in Lebanones suðernan riman ond ahton wæstowe gewald.
- xxi d: Her ond in æfterdagum Israhelisce fuhton wið Hezbollahiscum æt Binnt Jbail wice in Lebanones feorran suðan, ond Binnt Jbail wearþ eall tobrocen in gefeohte.
- xxxi d: On þissum dæge Hezbollah sceat .lxxxiii. fyrsperas in Israheles norþan. Ond se USA lagode alyfiende þæt Israhel giet feohte. Ond þeos guð macode great ond sár hergunge ond afliemunge Lebanoniscra. God macie frið ond rihtne ende.
- Her ond in æfterdagum Israhelisce ond Hezbollahas fuhton æt Ayta ash-Sha`b in Lebanones suðan.
- Her in Cuba iege for seocnesse Fidel Castro alyfede Raúl his broðor hwilene fon to rice and weorðan rixiend.
Anno MMVI Weodmonað
- x d: Her in Brytene man fand gerædunge to macianne manige utberstunga in filcberendum lyftcræftum ond æweardas onfeng menige.
- Her se swiðe strang hweolstorm Saomai sloh Zhejiang underric in Cinalande ond ofsloh .cxi. ond man ne mæg findan feower, ond maran þonne .md. þusenda Cinalandisce afliemdon of Saomais miht.
- xii d: Ymb þisne dæge wæron strange wealdfyr in Hispaniae norðwestan þe hatte Galicia ond feower ooððe maran aswulton ond æweardas onfengon maran þonne twentig þe macodon þa fyr.
- Her Israheles lyftfyrd sloh Burj ash Shamali wice néane Tyre ceastre ond electricitasoden æt Sidon ceastre.
- Her Israhel ond Lebanon segdon þæt will beon wæpngestand betweon hira æt sunnupgonge on .xiii. dæge. Ond oð þissum dæge aswulton þusend-gerim Lebanonisce ond Hezbollahisce ond .cl.-gerim Israhelisce. Ond Israhel bǣdde þæt þa Hezbollahas ne beren wæpn. - xii-xiii dd: Her Israhelisce scriðdracan foron in Lebanone to cumanne andlang Litani-ea to þæs þe þe Hezbollahas ne magen aflieman to norðan. Ond in æfterdagum wæs giet gefeoht betweox Israhel ond þæm Hezbollahum.
- xiii d: Her Israheles lyftfyrd sloh Ali-al-Nahri ceastre in Bekaa-dæle ond Tyre ceastre riman ond Beirutes suðan. Ond Israhelisce fyrdmenn fuhton hearde wið Hezbollahum æt Ghandouriyeh ond ahton wælstowe gewald ond Ghandouriyeh is eall tobrocen in gefeohte.
- Her in Sealhforde neam Mameceastre in Englalalde wæs great fyr dieseleles in heddærne.
- xiv d: Her æt siex stundum morgnes wearþ wæpngestand betweox Israhele ond þæm Hezbollahe.
- xv d: Her Israheles fyrd foron ut of Marjuyûn ond Qlaiah ond Ghandouriyeh, ac man segde þæt hie will ealle foron ut of Lebanone oððæt Lebanones fyrd ond strang UN-isc fyrd cumen to healdanne Lebanones suðan. Ond manige Lebanonisce afliemiendas cwomon ongean to hira hamum. God bringe frið ond asende þa guðspreceras.
- xvi d: Her in Ecuador lande se forbeorg Tungurahua utbærest strange and fordyde þreo túnas: Chilibu ond Choglontuz and Palitagua, ond man ne mæg findan .lx. folca. Ond in Quechua-gereorde Tungurahua segþ "þrotu fýres".
- xxi d: Her in æfne wurdon strange wealdfyr on Khalkidiki-næsse in Greclande ond hundrædas siðienda þorfton aflieman to særimasandum oððe elleshwider, ond man þorfte beran .dc. of Kassandra næsse to Siþonia næsse.
- xxii d: Her in Lundene .xi. eodon fore deman for þære greatan gerædunge þæt hie macien utberstunga in folcberendujm lyftcræftum, ond eac .xi. sind in carcerne for þissum.
- Her neah Donetsk in Ukrainiam folcbereld lyftcræft feoll to grunde þenden hit fleag of Anapa on Sweartsæwe riman to Sancto Petersbyrig ond hit bær .clxx. ond teon hira wæron his scipmenn ond ealle aswulton.
- xxiv d: Her wearþ widcuþ þæt gerím Brytenes folces is nu mara þonne .lx. millionas.
- xxix d: Her in New Orleans ceastre in Americam wæs halig gemynde for þæm .mclxx.-gerime þe aswulton þonne Katrina hweolstorm macode great flod on þissum dæge in geare .mmv.. Ond fore þæm flode healf million folca wunodon þær ond æfterra ánne teon þusenda habbaþ ongean gecumen þider to hira hámum.
Anno MMVI Hærfestmonað
- ii d: Her twelf mila west of Kandahar ceastre in Helmand scire in Afghanistane Bryttisc Nimrod lyftcræft feoll in eorðe þenden hit sohte Talibanisce in Panjwahi lande ond hit bær twelf lyftfyrdmenn ond sæfyrdmann ond fyrdmann ond aswulton ealle þe wæron þærinne. Ond þis ne wearþ þurh sceotunge.
- Her æt Cráwbeorge1) in Suðseaxnum æweardas macodon farunge in Islamiscre scole gehatenre Jamî`a Islâmîya ond onfengon menn.
- iv d: Her Steve Irwin se mæra sæwilddeora lihtgelicnessmacere swamm mid scuban on Australiae easternan riman ond he swamm neah ofer fisc þæs cynnes þe hatte Dasyatidae in Boclædene ond sting ray in Niwenglisce ond hit ofsticode hine in heorte mid his atortanum tæglseaxe ond he aswealt ond he lifde áne .xliv. gearu. Ond Dasyatidae ofslogon áne .xvii. manncynnes in eallum tide, swa man wát. Ond æfterra on Cwenelandes særiman in Australiam wæs onwrecung wið Dasyatidum. Ond on .xix. dæge wæs gemynde for him in Sydney ceastre in truðstede þe hátte se Crocoseum, ond .vm. wæron þær.
v d: Her in Nipponlande Akihino æþeling ond Kawashima Kiko his wif acennedon sunu, ond man þorfte hine utsniðan swa hatte sectio Caesariana. Ond Akihino is se oðerra sunu Akihitos caseres Nippones. Ond ærra hie acennedon twa dehter. Ond he is se fyrmest mannlica cild acenned in Nippones cynecynne in .xl. gearum. Ond ærra wæs wen þæt man þurfe macian niwe æ alyfiende þæt wif mage weorðan casere Nippones.
- viii d: Her wearþ widcuþ þæt se langa dryhþ in Ethiopiam endode mid heardum regne ond great deop flod ond is great deað wæstma ond oxna, ond mæst in Amhara provinciam. Godes miltse sie.
- Her wearþ widcuþ þæt in Helmand scire in Afghanistane Bryttisce fyrdmenn hæfdon ofslægene þusend Talibanas.
- x d: Her wearþ widcuþ þæt in Afghanistanes norþan ond westan dryhð fordyde þone wæstm ond is wén hungres.
- Her forðferde Taufa'ahau .iv. cyning Tonga ieges ond his modor wæs Salote cwen ond Tupouto'a his sunu feng to his rice.
- xv d: Her se papa segde þæt geo Manuel .ii. casere æt Constantinopole segde þæt micel yfel wearþ of Islame, ond manige Muslimas wurdon ierremode æt þissum.
- xxiii d: Her ongann æreste in Lundene in hire fullnesse seo greata Hinduisca weorðung gehaten Durgâ-pûjâ, þe segð Durgâ-weorðung. Ond æt ende on .ii. dæge Winterfylleðes man settede þara goda gelicnessa in Temese æt Puttanhýðe2), ond wæs strang regen ond man segde þæt Durgâ gyden weop forþý heo þorfte gan of Lundene. Ond þa Bengalisce secgað þæe Durgâ is Shivasya wíf.
- xxix d: Her Brazilisc folcberend lyftcræft of Manause to Brazilian ond hit sloh lytel lyftcræft over Amazon-eormenwealde. Ond se lytla lyftcræft settede on grunde rihte æt Serra do Cachimbo ceastre. Ond se greata lyftcræft feoll to grunde on túne in Peixoto de Azevedo ceasterlande ond hit bær .cxlix. ridendas ond his siex scipmenn, ond hit wæs se flyht Gol 1907.
1)Crowborough in Sussex (UK).
2)Putney (UK).
Anno MMVI Winterfylleð
- i d: Ymb þisne dæg Israheles fyrd fór of Lebanone.
- ii d: Her Anne æþelingen Brytenes fleag to Helmand scire in Afghanistane to seonne þa Bryttisce fyrdmenn ond wæs þær twegen dagas.
- Her in scole æt Nickel Mines in Lancaster scire in þæm Amishiscum lande in Pennsylvania underrice mann asceat .xi. geonge mægð ond fyf hira aswulton.
- viii d: Her wæs gemynde for þæm .lxxixm. þe aswulton in þissum dæge in geare .mmv. in eorþstyrene in Pakistaniscum Kashmire.
- ix d: Her Norþkorea utbærst cyrnwæpn, ond manige þeod wurdon ierremode æt þæm. Ond ærra ánna eahta þeod hæfdon cyrnwæpn, ond hie sind se USA, Bryten, Russland, Francric, India, Pakistan, Cinaland, Israhel.
- xiv d: Her in seochuse in Floridan in þære USA wearþ acenned Amillia Taylor, ond hire gewiht wæs teon ynsdan þe is .cclxxxiv. grammas ond heo wæs in cwiðan .xxi. wuce ond .vi. dagas, ond heo libbede, ond on .xx. dæge Solmonaðes geares .mmvii. hire gewiht wæs feower ond healf pund. Gelicnessa: her ond her.
- xv d: Her wæs eorðstyren on Hawaii iege ond hit wæs strangora þonne Richter 6 ond hit derede bold ond þa electricitasberunge.
- xvi d: Her æt Aberfan in Weala suðan wæs gemynde for þæm þe on þissum dæge in geare .mcmlxvi. coldelfungþreaxheap slidde and byrgede Pantglas scol ond þær acwellede .cxvi. cildru ond .xxviii. tæcendas.
- xxv d: Her in Afghanistanes suðan NATOisce fyrdmenn ofslogon .xxxviii. Talibanas.
- xxvi d: Her in Californiam wurdon greate ond sáre wealdfyr þe acwelledon feower fyrmenn ond fordydon manige hus.
- Her neah Scotlandes eastan þæt fiscendbát Meridian sanc ond ealle his scipmenn ond his hyð is Anstruther in Fife scire.
- Ymb þisne dæg Elizabeþ .ii. cwen wæs in Estoniam.
- xxix d: Her æt Abuja in Nigeriae middan Boeing 747 lyftcræft afleag of grunde ond feoll to eorðan ond aswulton ealle .civ. þe hit bær ond sum hira wæs Sultan Maccido sawoltoga .lxx. milliona Nigerialandiscra Muslima, ond sum hira wæs Sokoto underrices underricere.
- xxx d: Her æt sunnupgonge æt Chenagai nea Khar in Bajaur folclande in Pakistane nea Afghanistanes mearce Pakistanisce fyrdmenn fuhton wið weargum æt madrasan ond ofslogon .lxxx.-gerim hira ond þæs madrasan rixere wæs for þæm Talibane ond seo æ wolde fon hine for þæm þe he heolp Al-Qaedisce.
- Her Charles æþeling ond Camilla ducissa Cornweala eodon to Pakistane ond sprecon mid Musharrafe.
- xxxi d: Her in Suðafricam forðferde Pik Botha þe ærra wæs foresittend Suðafricae in gearum þæs apartheides, ond he lifde .xc. gearu.
Anno MMVI Blotmonað
- i d: Her wearþ widcuð þæt æt Nowente1) in Gleawceasterscire in Westseaxnum man macode þisses geares eallre Europae ærest niw wín, ond giet ne Burgundaland in Francrice wæs ærra. Ond Nowentes wingeard hátte Three Choirs, for þæm þe néa sind þrie mynstrecyricean.
- v d: Her in Baghdâde demung demde þæt Saddâm Hussein sceal weorðan gehangen for mándædum wið manncynne ond sum hira is þæt æt Dujail wice in geare .mcmlxxxii. be his hæse man acwellede .cxlviii. for þæm þe menn sohton aweorpan hine of his rice. Ac Saddâm segde þæt he wolde ceosan deaþ be sceotendhloðe.
- xi d: Her wæs Gemyndedæg for eallum þe aswulton on þæm woruldguðum ond æfterra. Ond in Baghdâde wæs gemynd for þæm .cxxi. Bryttiscum þe aswulton in Iraqe. Ond æt Bryttiscum sæfyrdsete in Helmand scire in Afghanistane wæs gemynd for þæm .xli. Bryttiscum þe aswulton in Afghanistane.
- xiii d: Her in morgne in his horserne æt Newmarket forðferde þæt mæra hwita rinnunghors Desert Orchid ond he lifde .xxvii. gearu.
- Her æt Legeceaster wilddeortune se elpend Thi Hi Way acennede sunu, ond he wæs in cwiðan .dcxciv. dagas þe is .xxiii. monðas, ond his fæder is Upali.
- Ond in Iraqe giet Sunnisce acwellað Shî`isce, ond Shi`isce acwellað Sunnisce, ond on þissum dæge man fand .xlvi. deade in Baghdâde, ond manige hira wæron getintregode, ond þis is gelic manigum oðrum dagum.
- xx d: Her Blair fyrmestscealc Brytenes eode to Camp Bastion in wéstenne in Helmand scire in Afghanistane, ond æfterra to Kâbule to sprecanne mid Karzai foresittende Afghanistanes.
- xxi d: Her in morgne in Cristniscum dǣle Beirutes in Lebanone sume ascuton Pierre Gemayel ricscealc ond he wæs Cristen.
- xxiii d: Her in Sadr-ceastre þe is Shî`isc dǣl Baghdâdes sume macodon siex utberstunga in wægnum ond acwelledon .ccii., and æterra wæron onwrecunga.
- xxv d: Her in twæm gefeohtum in Afghanistanes suðan NATOisce fyrdmenn ofslogon .xxv. Talibana, ond án NATOisc aswealt.
- xxviii d: Her in Bow Street nea Aberystwyth in Wealum fore sunnupgonge spinnwind bræc hrofas .xv. oþ .xx. husa. Ond æt Boarhunt nea Portesmuðan spinnwind bræc hus.
- Her se papa eode to Ankara in Turclande.
- xxix d: her se papa spræc æt Ephesus in Turclandes westan ond man segde þæt Maria Cristes modor aswealt þær.
- xxx d: Her se papa eode to Istanbule ond eode in þone Blawan Masjid þe eac hatte Sultan Ahmet Masjid, ond eac in Aya Sofia masjid þe oð geare .mcdliii. wæs Sanctae Sophiae mynster ond hit wæs seo greatost cyrice in Cristendome.
1) Newent (Domesday Book "Noent", from a Celtic form = "new place").
Anno MMVI Geolmonað
- i d: Her in Philippin-iega norðan se hweolstorm Durian macode horhslidung of Mayon fyrbeorge ond in him greate stánas ond fyrbeorgisc æsc and dyde micelne hearm ond acwellede .dcc. ond windes hrædnes wæs .cxl. mila in stunde.
- v d: Her se hweolstorm Durian fór in suðan Vietnames.
- Her in Thailande man byrgede þa æftemeste þara deadra þæs greatan tsunami ond man ne byrgede oððe bærnede hie ærra for þæm þe man ne fand hwá hie sind.
- vii d: Her in Cyningesholt-ríse1) in Lundenes norðwestan spinnwind bræc .cl. hus ond wundode .vi. folca ond æfterra man ne mæg wunian in .xx. þara husa ond hit rann .xxxvi. secundi.
- ix d: Her in Arabiam sóna in morgne folcberend wægn bær Muslimas þe wundon in Boðltune in Lonceasterscire ond in Lundene to Meccan for þæm Hajje ond æt Râbigh hyðceastre on þæm wege þe scytt of Medinan to Meccan his dryfere sleop ond hit sloh rádes middanweall, ond þærinne .xxxiv. wurdon gewundode ond .iii. aswulton.
- x d: Her in Chile forðferde Augusto Pinochet in seochuse þurh heortcoðan, ond he lifde .xci. gearu, ond he rixode Chile of Heorfestmonaðe geares .mxmlxxiii. oð gear .mcmxc. ond he rixode Chilelandes wæpnedmenn oð geare .mcmxcviii..
- xi d: Her in þæm USA forðferde Elizabeth Holden ond heo lifde .cxvi. gearu.
- xii d: Her ond in ærdagum man fand deade fyf Gipeswicisce 2) hórcwena: áne in streame æt Hyntelesháme on .ii. dæge, ond áne æt Gecoppodum Áce on .viii. dæge, ond áne æt Hnaki-túne on .xi. dæge, ond twá neah Léofantúne on .xii. dage. Ond þés stedas sind neah Gipeswice.
- xiv d: Her wearþ widcuð þæt man will gifan þa Victoria-rode to Bryan Rudd hloðtogan feallhleofyrdmanna þe aswealt in gefeohte wið Talibana in Helmand scire in Afghanistane. Ond in þissum gefeohtum in geare .mmvi. aswulton .vm. Talibanas. Ond .mmmccc. Bryttisce feohton wið þa Talibanas in Helmande.
- xvii d: Ymb þisne dæg in Gazalande Hamasisce fuhton wið Fatahiscum.
- xviii d: Her in morgne æt Trymmaléa Sancti Martini3) in Suðfolce æweardas onfengon sumne Tom Stevens for morðre þara fyf hórcwena.
- xix d: Her in morgne in Gipeswice neah þara hórcwena boldum æweardas onfengon sumne Stephen Wright for morðre þara fyf hórcwena.
- xxi d: In þissum suðworuldlicum sumore wæs se heardost dryhð in Australiam in .c. gearum.
- xxii d: Her æt Gipeswic-demungbolde Stephen Gerald James Wright eode fyrmest fore deman for þæm fyf morðrum.
- xxiv d: Her Ethiopia sendede sceotende guðlyftcræftas wið Mogadishu in Somaliam þær niw Islamisc ric rixiaþ: ond Somaliae ealde ric is nu æt Baidoa ond is guð betweox þes twa ric.
- xxv d: Her in Basra in Iraqe in morgne .m. Bryttisce fyrdmenn foron in Basran æweardbyrig ond fengon þara Greatmándǣdhloð þe sylfe dydon morðre ond yfel.
- xxvi d: Her in Taiwan ieges suðwestan wæs eorðstyen ond his miht ws Richter 7.2. Ond .v. minutas æfterra wæs æfterstyren in Pingtung scire in Taiwane ond his miht wæs Richter 7.1. Ond of þissum ne wearð tsunami.
- Her æt Abule Egbe in Lagos þe is Nigeriae heafodstede þeofas sticodon fyr-ele-æddre ond of þissum wearð fyr þe acwellede .d.-gerim folces ond bærnede manige hus ond áne ciricean ond masjid. Ond seo her.
- xxvii d: Her fyrdmenn Somaliae ærran rices ond Ethiopiae utdrifon Islamisce heremenn of Mogadishu þe is Somaliae heafodceaster.
- Her wingwindend feoll in þá Irisce Sæ þenden hit fleag betweox twæm fyrlyftwiellum, ond ealle seofon in him aswulton.
- xxx d: Her in carcerne in Baghdâde æt siexþan stunde morgnes man heng Saddâm Hussein for mándædum wið manncynnes þe sind morðru .cxlviii. Shî`iscra æt Dujail wice in geare .mcmlxxxii., ond he rixode neahlice .xxv. gearu. Ond þes dæg wæs se forma dæg þara Muslimiscena haligena daga Eid þe onginnaþ þá Hajjtide. Ond þá acwellunga wæron wrecunga for þæm þe sum sohta hine acwellan. Ond þa Iraqisce Shî`isce mæredon æt Saddâmes deaðe.
- Her þæt folcberend scip Senopati Nusantara fór of Borneo iege to Semarang on Java iege ond hit sanc in unwedere ond .d. aswulton oððe maran.
- xxxi d: Þis gear wæs þæt wearmost in Brytene siððan þa wedergearwritunga ongunnon.
- Her æt middannihte æt þisses geares ende Bulgaria ond Romania wurdon dǣlas þæs EEC.
- In geare .mmvi. aswulton þurh wæpen .xxxivm. ond .cdlii. Iraqisce buton fyrdmannum.
1) Kensal Rise.
2) Ipswich, Nacton, Hintlesham, Copdock, Nacton, Levington.
3) Trimley St.Martin
(to next year)