<HTML><HEAD><meta http-equiv="Content-Type"content="text/html;charset=utf-16">
  <TITLE>The New Anglo-Saxon Chronicle for 2000 AD</TITLE></HEAD><BODY>
  <CENTER><B><FONT SIZE=+1>THE NEW ANGLO-SAXON CHRONICLE 2000 AD: TIDUNGA ON
ENGLISCE MM AD</FONT></B></CENTER>

  <A NAME="MONTHS"></A><B><FONT SIZE=+1>Pointers to monthly sections</B></FONT>
  <A HREF="#Y00JAN">2000Jan</A> <A HREF="#Y00FEB">2000Feb</A>
  <A HREF="#Y00MAR">2000Mar</A> <A HREF="#Y00APR">2000Apr</A>
  <A HREF="#Y00MAY">2000May</A> <A HREF="#Y00JUN">2000Jun</A>
  <A HREF="#Y00JUL">2000Jul</A> <A HREF="#Y00AUG">2000Aug</A>
  <A HREF="#Y00SEP">2000Sep</A> <A HREF="#Y00OCT">2000Oct</A>
  <A HREF="#Y00NOV">2000Nov</A> <A HREF="#Y00DEC">2000Dec</A>
  <br><A HREF="nasc.htm#YEARS"><I>(Back to main page)</I></A>

  <hr><A NAME="Y00JAN"></A><B><FONT SIZE=+1>Anno MM Æfterra Geola</FONT></B>
  <br>- Þes winter in Mongolian wæs swiþe heard mid deopum snawe and fordyde
hira hors ond hira feo ond hira sceapas, ond in hira gereorde hit hatte
<i>chagân dzud</i>, þe segþ þone hwitne þrea.
  <br>- In þissum monaþe cwom seo seocnes <i>influenza</i> strang in Englalande.
  <br>- i d: Twa þusend geara.
  <br>- v d: Her twegen Bryttisce menn ond an Bryttisce wif cwomon to þæm
suþernan <i>polum</i> ond hie gewodon an fotum ofer Antarctica-lande of særiman
æt Patriot-hyllum.
  <br>- vii d: Her man wolde sendan Latvisce mann Kalejs gehatenne of Englalande
to Australian for þæm þe he dyde yfel ond guþmán for þæm Nazium ond he wæs ærra
in Australian, ac he forecwom ond eode to Australian freolice.
  <br>- viii d: Her wif .lvi. wintra bær .iii. cildru ætgædre æt Sunnyside in
Washington underrice in American ond heo wæs giet ealdmodor.
  <br>- Her cwom to lande in Francrice micel ele þe wæs in ele-berendum scipe
Erika gehaten þe sanc an .xii. dæge Geolmonaþes, ond sare afýlede þone særiman.
  <br>- xi d: Her neah Man-iege stormwind sanc Hwitearniscne<i>1)</i> bát Solway
Harvester gehaten ond .vii. fisceras aswulton in sæ, ond þæs bates nama wæs
gewriten æt Cyrice-Cúþbeorhte<i>2)</i>. Ond ealle þisra menn wunodon an
Hwitearn-iege. Ond on .xxvi. dæge Midsomermonaðes man ræred þone bat of sæ.
  <br>- xv d: Her in Belgrade sum asceat Arkan þe dyde micle guþmán in Bosnian,
ond on .xxv. dæge he wearþ gebyrged.
  <br>- xvi d: Her neah Guatemala ceastre se fyrbeorg Pacaya onwac.
  <br>- xxv d: Her fyf Bryttisce wif gengon on fote ofer Antarctican snawweste
to þæm suþernum <i>polum</i>.
  <br>- xxvi d: Her wæs great ond deop snaw in norþeasternum dælum Americae.
  <br>- Her æt Stockholme in Sweolande wæs gemot þeoda þæt hie geræden hu man
tæce ymb þone <i>Holocaustum</i>.
  <br>- xxvii d: On þissum dæge in geare .mcmxlv. wearþ gefreogede se hearmmæra
deaþstede æt Auschwitz, ond forþy þæm ærdæge þa Brytlandiscan witan lagodon þæt
þes dæg eallra geara sceal in Bretlande in gemynde þæs <i>Holocausti</i>.
  <br>- xxviii d: Her in Israhela land feoll snaw deopora þonne wæs in fyftig
gearum, ond in Jerusaleme se snaw læg to .xv. inceum.
  <br>- xxx d: Her in greatum regne in Transylvanian þæt ator <i>cyanide</i>
rann ut of loca-lace æt þære golddelfunge Baia Mare Aural neare Oradea ceastre
in Romanian, ond on .xv. dæge Solmonaþes hit cwom in Tisa-ea þe eac hatte Tisza,
ond cwom in Danube ea, ond acwelle unrim fisca ond dyde sarne hearm.
  <hr><b>1)</b> <i>Hwitearn</i> = Whithorn (in SW Scotland).
  <br><b>2)</b> <i>Cyrice-Cúþbeorht</i> (reversed part order due to Celtic
influence?) = Kirkcudbright (in SW Scotland).
  <br><A HREF="#MONTHS"><I>(Back)</I></A>

  <hr><A NAME="Y00FEB"></A><B><FONT SIZE=+1>Anno MM Solmonað</FONT></B>
  <br>- i d: Her dema sendede to carcerne Dr.Shipman for þæm þe he acwellede
.xv. menn ond wif mid þæm atore <i>diamorphine</i>, ond sume secgaþ þæt he
acwellede .cl.
  <br>- Her man fand þæt an Dominicisc wif Elizabeth Israel gehaten wæs .cxxv.
wintru eald, ond heo wæs þeowes dohtor, ond heo is ieldest in worulde.
  <br>- Her lyftcræft feoll in heahsæ neah þæm Elpendban-særiman in African, ond
.clxix. menn aswulton, ac teon wurdon generede.
  <br>- iii d: Her in Chechnia-lande þa Chechniisce wæpnedmenn alætton Grozny
ond eodon in þa hean Caucasus-beorgas, for seo Russisce fyrd wæs giet great ond
strang.
  <br>- Her forðferde George Levett, ond in geare .mcmxlviii. he worhte micle to
macianne Israhela landes lyftfyrd þonne wæs great pleo þara Arabþeoda.
  <br>- iv d: Her dyferas fundon þa lic þara manna þære Solway Harvester ond
brohton hie to lande.
  <br>- vii d: Her Afghanisce menn fengon lyftcræft ond brohte hit to Stanstede
in Eastseaxnum, ond in him wæron manige Afghanisce, ond manige hira woldon
wunian in Englalande, for se Taliban nu ricode Afghanistan swiþe hearde.
  <br>- xi d: Her to eastdælum Suþafricae ond to Mozambique cwom se greatost
regen in .xxx. gearum ond great flod fordyde þone hærfest ond þa strætwegas.
  <br>- xii d: Her þa witan Englalalandes fengon ric in Norþiralande.
  <br>- xxi d: Her in Suþafrican þa wyrste wealdfyr in .xl. gearum fordydon
micel wild land ond manige wingeardas.
  <br>- xxii d: Her se hweolstorm Elina cwom of India-heahsæ to Mozambique
betweonan Beira ond Inhambane ond rann in Zimbabwe ond ofereode micel land mid
winde ond greatum regne ond fordyde þone wæstm, ond þæt wæter rann to eastan ond
macode þa flodas deoporan.
  <br>- xxiii d: Her in æfne forþferde Stanley Matthews se swiþe mæra
fotðoðormann, ond he lifde .lxxxv. wintru, ond þæm .iii. dæge Hreðmonaðes he
wearþ gebyrged.
  <br>- xxv d: Her in þæm Philippin-iegum se fyrbeorg Mayon onwac.
  <br>- xxvi d: Her giet flod in Mozambique wearþ deopora, for þæm þe wæs sar
ond great regen þær ond in Suþafrican ond in Zimbabwe þe rann to eastan in
Limpopo-ea ond in Save-ea. Ond wæron þær ane fyf wingwindendas to nerianne menn
of eallum þæm deopum ond widum flodum, ond ane þreo hira habbaþ windels, ond
Suþafrica ne giet sendede maran, for in Suþafrican eac wæs wen greatra floda.
Ond wæs wen þæt oþer hweolstorm gehaten Felicia cume to þæm landum; ac he cwom
to ende ofer sæ ond ne cwom to lande. Ond in Botswana eac great regen dyde
hearm, ac mæste dæl þisses wætres sceal rinnan binnan lande to Makgadikgadi
sealtwonge ond ne to sæ.
  <br>- xxvii d: Her in Íslande se fyrbeorg Hekla onwac.
  <br>- xxviii d: Her Suþafrica sendede eac þreo wingwindendas to Mozambique.
Ond Kariba-lacu wearþ full, and æfter þæm Zambezi-ea flodwæter rann eac to
Mozambique, ac Cahora Bassa-lacu heald þæt wæter. Ond giet oðer hweolstorm
Gloria gehaten cwom to Mozambique ond eac to Madagascare, ond from þæm in
æfterdagum Frencisc wingwindendberend ahte alættan Mozambique ond gan to
Madagascare to nerianne menn of flodum.
  <br><A HREF="#MONTHS"><I>(Back)</I></A>

  <hr><A NAME="Y00MAR"></A><B><FONT SIZE=+1>Anno MM Hreðmonað</FONT></B>
  <br>- ii d: Her General Pinochet wearþ gesended of Englalande to hame to
Chile, for þæm þe sume segdon þæt þurh ieldo ond seocnesse he ne miht gan fore
deman. Ac æfter þæt he cwom to Chile-lande he wearþ ongean hal.
  <br>- iii d: Her nu sind .xv. wingwindendas in Mozambique.
  <br>- Her æt Den Haag wearþ gebrohte fore deman se Croatiscan heretoga Blaskic
for guþmáne for þæm þe he lædde menn þe acwelledon ond bærnedon .c. Muslimisce
menn æt þæm wice Ahmici in geare .mcmxcvii..
  <br>- viii d: Ymb þisne dæg þæt flodwæter rann from Mozambique.
  <br>- xi d: Her hweolstorm macode great flod in norþwesternum dæle Australian.
  <br>- xii d: Her se papa Johannes Paulus .ii. ond sume þære <i>Curiae</i>
segdon <i>mea culpa</i> for manigum yflum ond hearmum þe þeowas þære
Romacatholiscan Cyrice geodagum hæfdon gedon.
  <br>- xiii d: Her se Bosnisca Serbisca heretoga Radislav Krstic wearþ
gesendede fore demum æt Den Haag in Neþerlande for þæm þe his here ofsloh manige
Muslimisce menn þonne hie nomon Srebrenica ceaster.
  <br>- Her wæs heahceosung in Hispaniam.
  <br>- xx-xxi dd: Her in þissum dagum in suþwestdæle Ugandan man fand þusend
manna oþþe maran þe godcundlic <i>sectus</i> ofsloh ond bebyrgede, ond se
<i>sectus</i> forewitegode þæt woruldes ende sie on ærestum dæge geares .mm..
  <br>- xxi d: Her se papa Iohannes Paulus .ii. cwom to Amman ceastre in Jordane
ond in æfne to Jerusaleme. Næfre ær papa cwom to Israhela lande. Ond he is se
ærest papa in .cd. gearum þe nis Italisc.
  <br>- xxii d: Her se papa cwom to Beþlehem. Ond Cormac Murphy O'Connor wearþ
Romacatholisce arcebiscep Westmynstres.
  <br>- xxiii d: Her se papa cwom to Yad Vashem þær is micel gemynde þæs
<i>Holocausti</i>, ond þær he métte Iudeisce wif þe he nerede of þæm Nazium
þonne he wæs geong preost in Pola lande.
  <br>- xxiv d: Her se papa cwom to Galilé-sæ ond spræc þær Iesus spræc þa
<i>Sermonem in Monte</i>.
  <br>- xxv d: Her se papa cwom to Nazareth þær engel segde þa
<i>Annunciationem</i> to Marian Iesuses moðore ond in æfne he eode to Geþsemane
wyrtgearde.
  <br>- xxvi d: Her se papa gebadd æt þæm Westernum Wealle in Ierusaleme, for
forgifenesse for þæm hearmum þe Cristnas dydon to Iudeum in manigum gearum. Ond
he eode in þa Cyrice þæs <i>Sancti Sepulchri</i> þær geo læg Iesuses lic, ond he
afleag to hame to Roman.
  <br>- Her wæs heahceosung in Russian, ond Vladimir Putin feng to rice.
  <br>- xxxi d: Her in suþwestdæle Hokkaido-iege in Japane se fyrbeorg Usu onwac
ond dunnade þæt land, ond man þurfte alædan þa ceasterware þreora ceastra from
his pleo.
  <br><A HREF="#MONTHS"><I>(Back)</I></A>

  <hr><A NAME="Y00APR"></A><B><FONT SIZE=+1>Anno MM Eastermonað</FONT></B>
  <br>- In þissum monaþe wearþ widcuþ werum seo sara drygþ in Ethiopiam, ond þis
wæs þridda gear þonne þæs landes regen ne cwom, ond se wæstm ond þæt feoh sind
deade. Ond þider menn sendaþ fod, ac is wen þæt guþ wile derian þa fedung, for
þæm þe þa Ogadenware sind Somali cynn ond gemang him is unæwlic fyrd gehaten
ONLF þe secþ beon freo of Ethopian, for þæm þe in Ethiopan sind manige cynn, ond
Ethiopiae heafodcynn þe rixaþ in Addis Ababa is Amharisc; ond eac is guþ
betweonan Ethiopian ond Eritrean, ond Eritrea ær lange wæs dǣl Ethiopiae.
  <br>- In þissum monaþe sumor cwom to norþdælum ond westdælum Indiae mid sarre
hæte þe fordrygede þæt land ond his wiellas ond ofsloh manig feoh, ond
sumorregen ne sceal cuman fore Midsumermonaðe, ond sumorregen ne cwom in gearum
.mcmxcviii. ond .mcmxcix., ond fyf <i>million</i>as Indiscra sind in pleo
hungres.
  <br>- In þissum monaðe wæs micel spæc betewox Microsoft ond sumum Americae
rixienda ymb ceapunge hnesceware ond heardware for circolwyrdum.
  <br>- ii-v d: Her winter cwom ongean to Englalande mid forste ond snawe ond
acwellede manige geonge lamb.
  <br>- vi d: Her forþferde Habib ben Ali Bourguiba þe rixode Tunisian of geare
.mcmlvi. to geare .mcmlcccvii., ond he lifde .xcvi. wintru. Ond ær þæt he feng
to rice Tunisia ne rixode hire sylfe siþþan Roma nom þæt land of Hannibale þe
rixode geo in Carthagine.
  <br>- ix d: Her wæs heahceosung in Greclande.
  <br>- xiv d: In Zimbabwe in þissum monaðe wæs gewinn, for þæm þe heahceosung
wæs neah, ond wæs wen þæt Mugabe ne healde to rice, ond for þy sume gehaten
<i>war veterans</i> (þe is: guþieldran) nomon be mihte land of þæm hwitum
geburum, ond þas guþieldran secgaþ þæt hie fohte for freodome mid Mugabe wiþ þæm
rice þæs Ian Smith, ond on þissum dæge in þæm gewinne an hwit mann and twegen
swearte menn wurdon ofslagen, ond on .xviii. dæge an oþer hwit mann; ond Mugabe
foresittend ne spræc wið þæm deaðum. In Zimbabwe sind twegen þeod, Shona ond
Matabele, ond þa Matabele eac hatton Ndebele, ond geo wæs guþ betweox him, ond
Mugabes hyldu is for þæm Shona. God bringe rihtne ende.
  <br>- xix d: In þissum monaðe wæs spæc ymb þone cild Elian Gonzelez, ond in
blotmonaðe .mcmxcix. he ond sume oðre Cubisce aflugon of Cuban to Floridan in
bate, ac seo bat sanc in heahsæ ond his moðor adranc. Ond manige his cynnes þe
sind in Floridan wyscodon þæt he bide þær, ac Juan Miguel Gonzalez his fæder
wyscode þæt Elian ga ongean to Cuban mid him. Ond on þissum dæge deman in
Atlanta ceastre lagodon ðæt he mæg bidan in American oþþæt Federaliscan deman
geceosen ymb hine in Þrimilcemonaðe. Ac in nihte .xx. ond .xxi. daga
Eastermonaðes ean warnunge Federalisce menn mid strangum fyrwæpnum swilce sie
wið heardum wearge nom hine be mihte þenden he sleop of his huse in Miami ond to
Washingtone ond to his fædre, ond manige ond Miami ceastre burhtoga wæron
yrremod æt þæm.
  <br>- xx-xxi d nihte: Her wingwindend Weala landes æwearda feoll on hus in
Cardiff ceastre, ac þa þreo menn in him ne wurdon gewundod.
  <br>- xxiii d: Her Abdullah .ii. cyning Iordanes eode in bate of Aqaban to
Eilate ond mette sume þeodtogan Israhela landes.
  <br>- xxiv d: Her Philippinisce sæweargas macodon onscyte on þone dyfungstede
on Sipadan-iege ond anomon .xx. gislas to Jolo-iege (þe man segþ `Hholo').
  <br>- xxv d: Ymb þisne dæg seo fotðoðorgeferscipe Manchester United sceolde
bycgan Niþerlandiscne mann Ruud van Nistelroy, ond his weorð sceolde beon
.xviii. ond healf <i>million</i>as punda, ond næfre ær wæs swylce weorð
forðoðormannes, ac on þissum dæge man fand þæt wæs wen þæt he ne miht lacan, for
þæm þe his rihtan cneowes <i>ligamentum mediale</i> wæs gedered, ond eaðe mæg
eac þæs cneowes <i>ligamentum cruciatum 1) anterius</i>, ond he eode to hame to
Niþerlande. Ond he sceolde alættan his plege þenden þæt cneow hælede, ac he giet
plegode hearde, ond on .xxviii. dæge þæt <i>ligamentum cruciatum 1) anterius</i>
bræc æt Eindhovene æt his fotðoðorgeferscipe, ond þurh anum geare he nyle beon
hal to lacanne, gif he a læcþ ongean. Ond his weorð æt fotðoðore wearþ naht, þe
ær was swiðe micel. Swa God scæwþ þæt se mihtigost mæg weorþan lytel.
  <br>- xxviii d: Her in American deman segdon þæt Microsoft sceal weorþan
getwæmde, ond an dæl sceal syllan þa rihtendgesamnung þe hatte Windows, ond se
oþer dæl sceal syllan þa gefremminge þe rinnaþ under Windows, ond þæt Microsoft
sceal macian widcuþ þa frumregolas sumra his gefremmunga. Ond on .xxix. dæge
Microsoft badd wiþ þære demunge.
  <br>- Her in Zimbabwe Chenjerai Hunzvi ond þa hwitan geburas sohte frið, ac is
lytel wen þæt feoht ond beot swiðriaþ. Ond he háteþ his sylfne Chenjerai Hitler
Hunzvi ond is folctoga þara guþieldran þe secaþ fón land of þæm hwitum geburum.
ac on xxix dæge Mugabe foresittend segde þæt he wolde fón land of þæm hwitum
geburum. Ond in æfterrum dagum wæs mara swylc gewinn.
  <hr><b>1)</b> Here medical Latin uses <i>cruciatus</i> as "arranged in cross
shape" and not as its classical Latin meaning.
  <br><A HREF="#MONTHS"><I>(Back)</I></A>

  <hr><A NAME="Y00MAY"></A><B><FONT SIZE=+1>Anno MM Ðrimilcemonað</FONT></B>
  <br>- i d: Her in Lundenbyrig wæs scawung wiþ þæm <i>capitalismum</i>, ond heo
wearþ yrre ond nið ond forspillednesse ond menn deredon þa licnesse þæs mæran
guþtogan Winston Churchill mid yflum writungum ond giet þone guþdeaþhaligne
<i>Cenotaphum</i>.
  <br>- iii d: Her siþ ond late þa twegen Libyisce menn Abdelbaset Ali Mohmed
al-Megrahi ond al-Amin Khalifa Fhimah eodon fore deman æt Camp Zeist in
Niðerlande for þæm þe hie forspilledon þæt Americisce lyftscip æt Lockerby in
Scotlande in geare .mxmlxxxix. ond ofslogon .cclxx. menn. Ond man hæfde gelagode
þæt se démungstede sie dæl Scotlandes þenden þa twegen wæron in carcerne þær ond
seo spæc rann, ond æt ende man demde þæt al-Megrahi wæs gyltig ond Fhimah næs
gyltig. Ond Camp Zeist wæs geo Americisc guðlyftsciphyð.
  <br>- Her on Basilan-iege in þæm Philippinum seo fyrd nerede sume gislas þe
Muslimisce wealdweargas feng ymb fyftig dagas ær, ond mæst dæl hira wæron
Cristene cildru of ceastre on Basilane, ac sume þara gisla wurdon ofslægen.
  <br>- iv d: Her in Englalande wæs ceosung for burh-witenagemotum, ond Ken
Livingstone wearþ ceastertoga in Lundenbyrig.
  <br>- Her swiðe deriende wælwyrm cyrcolwyrda gehaten `Love bug' oþþe `I love
you' asprang of Manila ceastre ofer worulde þurh þæm <i>email</i> ond dyde micel
hearm.
  <br>- ix d: Her in New Mexico underrice in American strang wealdfyr asprang to
Los Alamos ceastre ond bærned .cd. hus oþþe ma, ac man segþ þæt nis pleo for þæm
cyrnwæpengeweorcstede<i>1)</i>.
  <br>- Her Bryttisce feallhleofyrdmenn<i>2)</i> ond sæfyrdmenn</i>3)</i> eodon
in Sierra Leone in African to nerianne Bryttisce menn þe wunodon þær, for heard
ond wælgiefre wealdhere gehaten RUF þe fohte lang wiþ þæs landes folce wearþ
pleo for Freetown þe is seo heafodceaster. In Sierra Leone se RUF hæfde gefangen
fyf hundræd fyrdmenn þæs UN.
  <br>- x d: Her þæt Indisca folc wearþ mara þonne an <i>billion</i>.
  <br>- xiii d: Her in Niþerlande micel fyrweorc-oden utbærst neah Enschede ond
tobærned .cd. hus, ond ofsloh .xx. menn oþþe ma, ond wundode .dlxii. menn.
  <br>- xiv d: Her in Sierra Leone UN-isce ond Sierra Leonisce fyrdmenn fuhton
wiþ þæm RUF æt Masiaki ond ahton wælstowe gewald. Ond se RUF freogede xl UN menn
þe hie hæfdon gefangen.
  <br>- Her þæt gewinn in Zimbabwe giet rinnþ, ond guþieldran fengon micelne
feoh-tun gehaten Gwenoro þe Ian Smith áh, ond ærdagum he rixode Zimbabwe þonne
hit hatte Rhodesia.
  <br>- Her Ethiopia ond Eritrea fuhton æt Badme, ond þa Ethiopisce ahton
wælstowe gewald.
  <br>- xvii d: Her in Freetown UN-isce fyrdmenn fengon Foday Sankoh heretoga
þæs RUF, ond wæs gefeoung æt þæm, ond neah Freetown lyftfelde wæs gefeoht
betweox Brytticum feallhleofyrdmannum ond þæm RUF.
  <br>- Her twegen Bryttisce sæfyrdmenn cwomon to þæm norþernan <i>polum</i>,
ond hie eodon on fotum þurh eallum siþe.
  <br>- Her in København þe is Denemearce cyneceaster wæs heard gefeoht betweox
Arsenaliscum ond Galatasarayiscum fotðoðorfylgerum.
  <br>- xix d: Her wearþ geboren Leo sunu þære Claire Blair wif Englalandes
heahþegnes.
  <br>- xx d: Her forþferde seo mæra writere Dame Barbara Cartland, ond heo
lifde .xcviii. wintru.
  <br>- xxii d: Her in Sierra Leone se RUF freogede .xxix. UN-isce gislas.
  <br>- Her þa Bryttisce þeodtogan segdon þæt hie woldon lagian þæt deman magon
fón mándædwyrcan æht.
  <br>- Her forþferde se mara truð Sir John Gielgud, ond he lifde .xcvi. wintru.
  <br>- xxviii d: Her in Sierra Leone eall þara UN-iscena gisla nu sind freo.
  <br>- Ymb þisne dæg in geare .mcmxl. manige lytle batas neredon .cccxxxviii.
þusend fyrdmenn Bretlandes ond fyrda þe fuhton mid him, æfter Hitleres here
bærst þa scyldburh æt Sedan ond foredraf hie to Francrices særiman æt
Duncyrice<i>4)</i>. Forþy her manige þara bata woldon faran ongean to Duncyrice,
ac for strangum unwedere anne twegen mihton cuman. Ond on .xxxi. dæge .lxi. þara
bata eodon to Dofre<i>5)</i>, ond mid him wæs MTB 102, þe in geare .mcmxl. wæs
se swiftost Bryttisca guðsæcræft. Ac hie ne mihton faran to Duncyrice þæm dæge
forðy giet wæs unweder, ac on þæm oðrum dæge Midsumermonaðes .lviii. hira foron
of Dofre to Duncyrice, ond HMS Somerset lædde hie. God sie geðancod þæt næs
swylc unweder þær in geare .mcmxl..
  <br>- xxix d: Her in Lundene æweardas fengon sum Barry Michael George for þæm
þe on .xxvi. dæge Eastermonaðe geare .mcmxcix. he asceat Jill Dando, and on .ii.
dæge Æfterra Liða man fand þæt he wæs gyltig.
  <br>- Her in Fiji-iegum seo fyrd nom þæt rice æfter þæt þurh endleofan dagas
wæs gewinn gemang þæm Fijiwarum æfter þæt mann nomon sume Fijiisce þeodtogan swa
gislas.
  <br>- xxx d: Her in Norþiraland ongean wearþ gegifen þæt rice to Stormonte,
and sum Catholicisce and sum Protestantisce rixiaþ. God gife þæt ongean ne wearþ
gewinn þær.

  <hr><b>1)</b> <i>cyrn-</i> = nuclear (as in atom or biological cell) (compare
German <i>Kern-</i>).
  <br><b>2)</b> <i>feallhleo</i> = parachute (c.f. German <i>Fallschirm</i>).
  <br><b>3)</b> <i>sæfyrd</i> = the Marines.
  <br><b>4)</b> <i>Duncyrice</i> = Dunkirk (French "Dunkerque", Flemish
"Duinkerke").
  <br><b>5)</b> <i>Dofer</i> = Dover.
  <br><A HREF="#MONTHS"><I>(Back)</I></A>

  <hr><A NAME="Y00JUN"></A><B><FONT SIZE=+1>Anno MM Midsumermonað</FONT></B>
  <br>- i d: Her sum læg utberstend in Hamersmiþþebrycge<i>1)</i> in Lundene,
ond hit utbærst, ac seo brycg ne feoll ond hit dyde lytel hearm.
  <br>- Her in Wasserbillig wice in Luxembourge æweard asceat ond wundode mann
þe heald .xxv. gislas ond manige þara wæron cildru, ond hie freogodon ealle þara
gisla.
  <br>- Her Elizabeth cwen Englalandes wæs æt symble mid Camilla Parker-Bowles
þe Charles æþeling lufode ær.
  <br>- iii d: Her wæs halig begong in Duncyricehyðe on Francrices særiman ond
þær wæron manige þe wurdon generede þær in geare .mcmxl. ond manige þara lytlena
bata þe neredon hie.
  <br>- Her in Norþhymbrum in Englalande wæs great regen ond flod.
  <br>- iv d: Her in þæm Solomon-iegum sume wæpnedmenn gehaten Malaita Eagles
fengon þa heafodceastre. Ond giet is gefeoht in Sierra Leone.
  <br>- v d: Her under sæ be westan Bengkalu ceastre on Sumatran wæs heard
eorþstyren ond his miht wæs Richter 7.9, ond hit acwellede .ciii. menn oþþe ma.
  <br>- vii d: Her wæs gefeoht in þæm Solomon-iegum. Ond giet is gefeoht in
Sierra Leone.
  <br>- viii d: Her Americae þeodtogan lagodon þæt Microsoft sceal weorþan
getwæmed.
  <br>- Her in Athenae in Greclande twegen menn ascoton Brigadier Stephen
Saunders þe wæs Bryttisc ambahthusmann.
  <br>- x d: Her forþferde Hafez al-Assad foresittend Syriae, ond he lifde
.lxix. wintru, ond he rixode .xxx. wintru, ond Bashar his sunu feng to rice. Ond
in Arabgereorde "al-Asad" segþ "se leo". Ond on .xiii. dæge Hafez al-Assad wearþ
gebyrged æt Qardaha wice þær he wearþ acenned.
  <br>- xii d: Her lytel lyftcræft feoll in Mæresea<i>2)</i> neah
Liferpóllyftfelde<i>3)</i> þenden hit bær seocne mann of Man-iege to
Liferpole<i>3)</i>, ond eall fyf menn þe wæron in him adruncon.
  <br>- xiii-xv dd: Her þeodtogan Norþkoreae ond Suþkoreae metton in Pyongyang
þe is Norþkoreae heafodceastre, ond næfre ær wæs swylc gemot siþþan Korea wearþ
getwæmde in geare .mcmxlv..
  <br>- xvi d: Her forðferde Nagako widwe Hirohitos caseres Iapanlandes, ond heo
lifde .xcvii. wintru, ond heo acennede eahta cildru, ond heo wæs moðor Akihitos
caseres.
  <br>- xix d: Her án cyleberende<i>4)</i> wægn cwom of scipe æt Dofre hyðe ond
in him hyðweardas fundon .liv. menn ond .iv. wife þe sohton cuman in Englaland
wiþ æwe ond hie wæron ealle deade of lyftleasnesse, ond twegen menn þe giet
lifdon. Ond hie eall sind Cinalandisce ond man segþ þæt hie cwomon of Fujian
lande. God frefre hira cynn ond þa menn þe þurfton utberan þa lic.
  <br>- Her on Halmahera iege in Indonesian wæs gefeoht betweox Cristenum ond
Muslimiscum wicwarum ond .cxiv. hira wurdon ofslægen.
  <br>- xxii d: Her .xv. geonge menn aswulon in fyre in boþle in Childers
ceastre neah Brisbane in Australian, ond .vii. hire wæron Bryttisce oþþe Irisce.
  <br>- xxiv-xxv d: Her wæs heahceosung in Zimbabwe, ond Mugabes fylgeras
fengon ymb healf þara witenagemotmannscipa.
  <br>- xxvi d: Her menn hæfdon gefunden eall manncynnes <i>genoma</i> þe is
gewriten in his DNA, ond man segþ þæt hit hæfþ .mmm. <i>milliones</i> stafa, ond
seo findung wæs teon geara geweorc.
  <br>- xxix d: Her Elian Gonzales ond his fæder flugon to hame to Cuban.
  <br>- Her <i>carcinoma</i> anom John Aspinall þone wilddeorhyrde, ond he lifde
.lxxiv. wintru.
  <hr><b>1)</b> <i>Hamersmiþþe</i> = Hammersmith (in west London) (the name
means "smithy where hammers are made").
  <br><b>2)</b> <i>Mæresea</i> = the river Mersey (the name means "Border
River").
  <br><b>3)</b> <i>Liferpól</i> = Liverpool. The name means "liver pool", where
"liver" described the consistency of the ground, Liverpool started as a fishing
village by a tidal creek, which was later made into the Old Dock, which has
since been filled in.
  <br><b>4)</b> <i>cyleberende</i> = cold-carrying = refrigerated.
  <br><A HREF="#MONTHS"><I>(Back)</I></A>

  <hr><A NAME="Y00JUL"></A><B><FONT SIZE=+1>Anno MM Æfterra Liða</FONT></B>
  <br>- In þissum sumere wæs heardra dryhþ in d<i>æ</i>lum Kenyan þonne wæs in
hundteontig gearum, ond manige feo aswulton, ond sume þæs Masai folces drifon
hira oxan in Niarobi ceaster seocende wæter ond græs.
  <br>- i d: Her Carl .xiv. Gustav cyning Sweolandes ond Margrethe .ii. cwen
Denemearces openodon niwe swiðe lange brycg þe scytt of København to Malmö ofer
Öresund wætre. Giet wæs niw brycg ofer Storebælt þe scytt of Nyborg on Fyn iege
to Naksskov on Sjælland iege, micel wundor ofer widum wætre, ond nu man mæg
drifan of Germaniae to Sweolande ean scipe.
  <br>- v d: Her in Greclande ond Bulgarian weder wearþ swiðe hat mid strangum
wealdfyrum þe in æfterrum dagum fordydon manige <i>oliva</i>treowas ond micel
dæl Samos-iege in Aegea-sæ wearþ forbærned.
  <br>- ix d: Her Festus Mogae foresittend Botswanae segde þæt wæs fær þæt in
æfterrum gearum seo seocnesse AIDS wille ofslean mæstne dæl his folces.
  <br>- Her forþferde Lord Robert Runcie þurh <i>carcinomate</i> ond he ær wæs
arcebiscep æt Cantwarabyrig<i>1)</i>, ond he lifde .lxxxviii. wintru, ond on
.xxi. dæge he wearþ gebyrged.
  <br>- xi d: Her Clinton foresittend ond Ehud Barak ond Yasser Arafat ongunnon
metan æt Camp David in American to secanne frið.
  <br>- Her in Nigerian þeofas brucon ele-ædre æt Adeje wice neah Warri ceastre,
to stelanne ele, ond se ele wearþ to fyre ond ofsloh hundræd menn.
  <br>- Her in Mozambique giet micel land is under flode.
  <br>- Her in Baikonure in Kazakhstane Russia upsendede fyrspere Proton gehaten
þe bær dǣl niwes micles woruldrum-wices "International Space Station"
gehatenes, ond se dæl hatte Zvezda, þe segþ Steorra, ond þes dǣl foræt
.ccclx. <i>milliona dollara</i>, ond þis woruldrumwic sceal weorþan fullfremmede
in geare .mmv..
  <br>- xii d: On þissum dæge eallra geara in Norþiralande sind scawunga þara
Orangiscena manna, ond in þissum geare wæs lang gewinn æt Drumcree for þæm þe þa
æweardas ne alyfaþ þæt þa Orangisce menn gan andlang anum wege þær
Catholicisce menn wuniaþ.
  <br>- Her in Fiji-iegum George Speight freogede þe æftemeste þara .xxvii.
gisla þe he nom in Fiji-landes þeodtogahuse on .xxx. dæge Þrimilcemonaðes, ond
he wille þæt þa Indisce þe wuniaþ on Fiji ne healden ric ofer þæm Fijiwarum, ond
on .xviii. dæge he ond his menn eodon ut of þæm þeodtogahuse.
  <br>- xx d: Her regen macode greatne flod in Sweolande.
  <br>- xxii d: Ymb þisne dæg þeodtogan metton on Okinawa iege to gerædanne hu
hie willen animan þa forgrindendre byrðen eftgieldunga of earmum þeodum; ac sume
secgaþ þæt þis gemot foræt mara sceattas þonne eall þe earm þeod swa Cameroon
mot eftgeidan.
  <br>- xxv d: Her þenden hit fleag uppe of grunde Concorde lyftscip feoll to
eorþe on boþl giesthuses in Gonesse ceastre be westan Paris Charles de Gaulle
lyftfelde ond aswulton hundræd Germanisce menn þe hit bær ond his nigon scipmenn
ond fyf þe worhton in þæm giesthuse, ac an Centisc mægð hleop of þæm giesthuse
and nerede hire feorh. God frefre hira cynn. Ond sume secgaþ þæt þenden hit rann
to afleoganne án his hweol-ecga tobærst ond dæl fleag in muþ anes his scufenda
ond derede hit.
  <br>- Her in Camp David endodon hira gemot Ehud Barak ond Yasser Arafat, ond
hit ne brohte frið, for þæm þe hie ne mihton gecweðan ymb Jerusalemes ealde
ceastre ond eastdæle. Ond on .xxx. dæge sume metton ymb þis in Jericho.
  <br>- Her in Fiji-iegum George Speight wearþ worht hæft be fyrdmannun þe
werodon anne weg ond he wearþ gesett in carcerne. Ond ofer nihte man tiehþ
fyrstafas, ond in æfterrum dagum his gesiðas giet macodon gewinn.
  <hr><b>1)</b> <i>Cantwaraburh</i> = Canterbury (= "fort of the
Kent-dwellers").
  <hr><i>With thanks to Andrew Smith for the entry about Fiji for the 25th.</i>
  <br><A HREF="#MONTHS"><I>(Back)</I></A>

  <hr><A NAME="Y00AUG"></A><B><FONT SIZE=+1>Anno MM Weodmonað</FONT></B>
  <br>- iv d: Her Elizabeth Englalandes cwene moðor wearþ hundteontig wintru
eald, ond þy on .xi. dæge Æfterra Liða wæs micel mærung for þissum ond halig
begong in <i>Scti</i> Paules cyrice in Lundene ond .mmd. menn wæron þær ond þa
cyningas Belgiae ond Norþweges ond se heahheretoga Luxemburge. Ond on .xix. dæge
Æfterra Liða wæs ongean mærung. Næfre ær mann oþþe wif Englalandes cynecynnes
lifde hund wintru.
  <br>- v d: Ymb þisne dæge in Eastengle aras seo hearmweorcende seocnesse swina
þe hatte swinfefor ond of þæm wearþ micel pleo for swinum in Englalande.
  <br>- xii d: Her in þæm miclan Russiscan cyrnmihtan<i>1)</i> undersæscipe
Kursk torpedoscufend utbærst in his wæpenholdunge ond of þæm manige oþre his
torpedena utbærston ond bræcon þæt scip ond hit sanc to botme Barents-sæwe ond
.cxviii. menn in him. Ond .xix. dæge Bryttisc scip Normand Pioneer gehaten cwom
to þæm stede ond mid him lytel undersæbat LR5 gehaten to secanne nerian ænige
þæs Kurskes menn þe giet libben, ond Norþwegisce dyferas eac eodon þider, ac hie
fundon þæt nænig giet lifde.
  <br>- xxi d: Her wæron greate stormas on Englalande mid spinnwindum ond miclum
hægle.
  <br>- xxii d: Ymb þisne dæg wæron micle wealdfyr in American westdælum.
  <br>- xxiii d: Her lyftcræft feoll in sæ neah Bahrain lyftfelde ond .clxiii.
in him ond ealle hira aswulton ond mæste hira wæron Ægyptisce.
  <br>- xxv d: Ymb þisne dæg in Norþiralande gewinn wearþ betweox twæm dælum
þara Protestantiscra Ulsterwara ond sume menn wurdon gescoten. God bringe frið.
  <br>- xxv d: Her in Sierra Leone wealdhloð gehaten West Side Boys feng .xi.
Bryttisce fyrdmenn, ond on .xxx. dæge hie freogodon fyf hira.
  <br>- xxvii-xxviii d: Her in Moskvan wæs fyr in Ostankino
<i>2)</i>feorrseoung-senderes torre ond .iv. aswulton ond hit is se hiehst boþl
in Europan buton anum, ond of þissum great dæl Russiae is ean feorrseounge.
  <hr><b>1)</b> <i>cyrn-</i> = nuclear (of atom or in biology) (c.f. German
<i>Kern-</i>).
  <br><b>2)</b> <i>feorrseoung</i> = television; <i>feorrseond</i> = television
set.
  <br><A HREF="#MONTHS"><I>(Back)</I></A>

  <hr><A NAME="Y00SEP"></A><B><FONT SIZE=+1>Anno MM Hærfestmonað</FONT></B>
  <br>- v d: Her Papa Johannes Paulus Secundus geinseglede segen <i>Dominus
Jesus</i> þe asægde þæt gesyntu sie onfunden fulfremedlicost anan þurh þære
Romaniscan Catholican Cyrican.
  <br>- vi d: Her ongunnon gewinn ond acwellunga manna in West-Timor ond
wingwindendas flugon fram East-Timore to West-Timore to ahreddanne menn þara
Geanlæhtena Þeodscipa<i>1)</i> þe landhere heold þær.
  <br>- Her wæs ceosung in Australiae, ond se folc ceas þæt Elizabeth .ii. sceal
giet beon hira cwen ond þæt hie nyllað habban foresittend.
  <br>- vii d: Her in Francrice wægndriferas ond oþre þe drifaþ for geweorce
ongunnon besittan ele-odena for þæm þe hie wurdon yrremode ymb þone weorþ
<i>diesel</i>eles, ond of þæm wearþ great wana eles in Francrices.
  <br>- viii d: Her manige in Englalande ongunnon don gelice æt ele-odene æt
Stánhláwe<i>3)</i> in Legeceasterscire, ond æfter þæm menn dydon gelice æt
manigum oðrum ele-odenum, ond of þæm wearþ great wana eles in Brytene.
  <br>- Her in warehuse in Bogotan in Colombian æweardas fundon undersæscip þe
sume Colombisce ond Russisce mánhloðmenn macodon þætte hie dyrne beren
<i>cocaine</i> ond he is hundræd fet lang ond wel gemacode swa in scipfyrde. Þa
mánhloða sind strange, gif hie magon macian undersæscip dyrne.
  <br>- Her se wealdhere þe is in Jolo iege freogede feower hira gisla.
  <br>- x d: Her in Sierra Leone æt sunnupgonge Bryttisce feallhleofyrdmenn ond
SAS-menn flugon to Feri-Bana ond Magbani wicum in wealde ond fuhton wið þæm West
Side Boys wealdhere ond ahton wælstowe gewald ond ofslogon .xxv. hira ond fengon
Foday Kallay hira heretoga ond .xvii. oþre hira ond freogede hira siex gislas.
Ac se wealdhere fohte hearde ond twegen fyrdmenn wurdon sare gewundode ond án
þisra æfterra forþferde, and he wæs mann þæs SAS. Ond in æfterrum dagum .xlv.
menn þæs wealdheres gebugon.
  <br>- Her Canadisc seocendbat St.Roche gehaten cwom to heahsæ ond hit hæfde
gerunnen þurh þæm swiðe isfærmærum `North-West Passage' in buton nigon wucum ond
hit næfre fand forstandende ís. Wel þis scæwþ ða wearmung þæs eorþes, for þæm þe
geo Frobisher rann þurh þæm wege ond his scip wæs twegen wintru gefroren in ise.
  <br>- xiv d: Her fore sunnupgonge æt Stánhláwe<i>3)</i> þa besittende alætton
þone stede ond hira hloðtoga segde þæt þa oðre æt oðrum stedum sceoldon don
gelice, for þæm þe hie ne wyscedon þæt se wana eles do maran hearm in Brytene.
  <br>- Her wearþ widcuþ þæt Robert Ballard ond sume in lytlum undersæbate
fundon under .cccxi. fotum wætres neah Turclandes norþernan særiman stede ealdes
wices, ond þis scæwþ þæt seo Swearta Sæ (þe in Boclædene hatte <i>Mare
Euxinum</i>) rás feorr swiþe cwice ond ymb .mmmmmdc. gearu fore Xtes
acennednesse fordranc formicel land þeoda þonne sæ þurhbærst greatne hrycg eorþe
in Bosporus oþþe Dardanelles nearwum þenden seo sæ sláwe rás þenden seo Ís-tíd
endode, ond þa <i>Sancta Biblia</i> amearciaþ hit ond hit is Noahes flod.
  <br>- xv d: Her in Sydney in Australiae ongunnon þa .xxxvii.þan Olympiscan
plegan.
  <br>- xvi d: Her seo Philippinisca fyrd fór mid mihte to Jolo iege ond fohte
hearde wiþ þæm wealdhere.
  <br>- Her ymb Portesmuðan anes monaðes regen feoll in twæm stundum ond macode
flod.
  <br>- xvii d: Her wæron mærunga in Brytene for þæm þe in geare .mcmxl.
Bretlandes lyftfyrd þe hatte seo RAF fuhton lange in lyfte ofer Brytene wið
Hitleres lyfthere þe hatte seo Luftwaffe ond seo RAF ahte wælstowe gewald.
  <br>- xviii d: Her swummon Australisce menn ond hraðlice æt þæm Olympiscum
plegum in hiera lande, fulneam suðlanda ytmæstum, æt Sidney ceastre in
Australian. Swa sceal menn hiera gold winnan, þurh lic-þytignesse. Þa Ian
Thorpe, se is gehaten "Thorpedo", hie gelædde.
  <br>- xix d: Her wearþ widcuþ þæt in Cambodian ond Suðvietname great ond
forecumende sumorregen macode greatne flod þære Mekong-ea ond he draf manige of
hira husum ond fordyde þone wæstm. Ond in þissum monaðe in Bengal-lande regen
macode greatne flod ond unwæstm.
  <br>- xx d: Her æfter æfen sum sceat lytelne utberstendne fyrspere in þæt
MI6-boþl neah Westmynstre in Lundenbyrig ond in þæm boþle is mycel dyrngeweorc
to werianne Englaland.
  <br>- xxv d: Her wæs heahceosung in Jugoslavian, ond sume secgaþ þæt Koštunica
hæfþ getalode maran þonne healf ond sceal fon to rice, ac Milosevic segþ þæt hit
is læssa þonne healf ond sceal beon oþre ceosung, ond is wen gewinnes. Ond is
wen þæt manige þara scyldæwearda willen healdan mid Koštunican gif weorþe
strætgefeoht.
  <br>- xxvi d: Her in Prag ceastre ongann gemot þæs World Bank, ond þæm .xxvii.
dæge ongunnon þær greate scawunge ymb þa byrðne eftgieldunga earmra þeoda, ond
æweardas fuhton hearde wið þæm mid bordum ond sticcum ond teagorlyfte.
  <br>- xxvii d: Her in heardum winde ond mónleasum nihte æfter æfne scip
gehaten Express Samina sloh stan in Aegea-sæ neah Paros iege þonne his scipmenn
alætton hira stedum to seon fotðoðor. Ond hit sanc swifte, ond hit bær ymb
.dxxxl. menn, ond ymb hundræd hira aswulton in sæ for anum sige mid þoðore on
gærse. Ond Paroses særimaweardtoga aswealt þurh heortcoðan<i>2)</i> þenden he
nerode sumne of sæ. Ond þa scipmenn willað gan fore deman for morðre.
  <br>- xxviii d: Her in Denemearce wæs ceosung ymb þa niwan mynete <i>euro</i>,
ond mara dæl þara Dena ceos þæt Denemearc healde his agenra mynete þe hatte
<i>krone</i>.
  <br>- xxviii d: Her Ariel Sharon eode to þæm Templbeorge in Ierusaleme ond he
is Israhelisc fyrdtoga, ond manige Arabas wurdon ierremode æt þæm, ond ongann
strætgefeoht Israheliscra æwearda wið Palestiniscum in Eald-Ierusaleme ond oðrum
stedum. God bringe frið ond mæste to þæm stedum þær geo þu eode swa mann ond
menn nemnedon þé Iesus Christus.
  <br>- xxx d: Her an Grecisca scip Zeus .iii. gehaten sloh stanas neah Naxos
iege ond sanc ond hit bær .li. ac hie ealle wurdon generede.
  <br><A HREF="#MONTHS"><I>(Back)</I></A>
  <hr><b>1)</b> <i>Geanlæhtan Þeodscipas</i> (pl.) = United Nations.
  <br><b>2)</b> <i>heortcoþa</i> = heart attack.
  <br><b>3)</b> Stanlow in Cheshire. (The name means "stone mound"; Stanlow
Point is a small low rise where there was an abbey once.)
  <hr><i>With thanks to:-
  <br>Andrew Smith for the entry about the Pope for the 5th and for part of the
entry about Timor for the 6th.
  <br>Leigh Harrison for the Olympic Games entry for the 18th.</i>
  <br><A HREF="#MONTHS"><I>(Back)</I></A>

  <hr><A NAME="Y00OCT"></A><B><FONT SIZE=+1>Anno MM Winterfylleð</FONT></B>
  <br>- i d: Her in Sydney in Australiae endodon þa .xxxvii.þan Olympiscan
plegan.
  <br>- Her in Norþwice<i>1)</i> in Englalande forþferde se mándædmæra Reggie
Kray þurh <i>carcinomate</i> þære blædre, ond he lifde .lxvi. wintru. Ond on
.xi. dæge he wearþ gebyrged in Lundene.
  <br>- iv d: Her æt Kolubara in Serbiae col-delferas fuhton wiþ manigum
scyldæweardum, ond þa coldelferas ahton gefeohtstowe gewald, ond fyf dagas fore
þissum hie alætton hira geweorc.
  <br>- v d: Her æt manigum stedum in Serbiae formanige foron ætgædre wið
Milosevices rice, ond æweardas wiðstodon manigum hira, ac healf <i>million</i>es
hira cwom to Belgrade middanceastre, ond manige scyldæweardas ne fuhton wel wiþ
him ond sume eodon mid him, ond se folc nomon Iugoslaviae witenagemothus ond
forbærned hit, ond hie eac nomon þæt feorrseounghus, ond Vojeslav Koštunica feng
to rice ond seo <i>democratia</i> nu sið ond late cwom to Iugoslaviam. Ond
Milosevic afliemde to eastan to Bor ceastre in Serbiae ond werode his sylfne in
delfunge æt his hame. Ac in Serbiam is eac þæt Serbisca witenagemot, ond hit
giet hieldþ for Milosevice.
  <br>- vi d: Her Letsie .iii. cyning Lesotho-landes demde þæt Thabo Mbeki
foresittend Suðafricae sceal gieldan ane cu swa wite for þæm þe he ne eode to
þæs cyninges weddunge, ond se cyning miht swa beodan for þæm þe Mbekis moðor
wearþ acenned in Lesotho rice.
  <br>- xi d: Her forþferde Donald Dewar Scotlandes fyrmestscealc<i>2)</i> þurh
bledunge in his brægne, æfter þæt he feoll in stræte neah his huse in
Eadwinebyrig<i>3)</i>, ond he lifde .lxiii. wintru, ond on .xviii. dæge he wearþ
gebyrged in Glascú<i>6)</i>.
  <br>- Her elpend acennede geongne in Legeceaster<i>4)</i>-deortune in
Englalande.
  <br>- xii d: Her in Englalande in Hamtunscire ond Suðseaxnum ond Cente ond
Suðfolce swiðe heard regen macode deop flod.
  <br>- xvi d: Her in Sharm el Sheikh in Sinai-lande ongann gemot to secanne
frið gemang Israhele ond þæm Palestiniscum.
  <br>- xvii d: Her æt Hæþfelde<i>5)</i> in Heorotfordscire in Englalande
irenweg-gewægnoþ afleag of his wege ond tobræc ond feower menn aswulton ond
manige wurdon gewundode, ond æfterra wearþ widcuþ þæt hit wearþ þurh gebrocenum
weg-irene. Ond in æfterrum wucum manige dælas Englalandes irenwega wurdon
eft-gelegde, ond manige siðas on irenwege wæron slawe oþþe ne eodon.
  <br>- Her Elizabeþ .ii. cwen Englalandes eode to Romam ond spræc mid þæm
papam.
  <br>- xviii d: Her in Sydney in Australian ongan þa Paralympiciscan plegan.
  <br>- xix d: Her se Dalai Lama eode to Norþiralande to secanne frið.
  <br>- Her giet wæs gefeoht in þæm Palestinwara stedum.
  <br>- xxviii d: Her in Bugganóran<i>9)</i> in Suðseaxnum strang spinnwind
derede mara þonne hundteontig botl ond dyde micelne hearm.
  <br>- xxix d: Her in Chile Pinochet eode in seochus for þære seocnesse
<i>pneumonia</i>.
  <br>- Her in Sydney in Australiam endode þa Paralympiciscan plegan.
  <br>- xxix-xxx dd: Her on Englalande wæs great storm mid winde ond flode, ond
mæst in suðe ond fyllede manige treowas on irenwegas ond strætwegas, ond æt þæm
Nædlum stanum æt ende Wihtlandes wind wearþ hund mila in stunde. Ond æt
Seolesiege<i>7)</i> in Suðseaxnum wæs spinnwind. Ond in Norþymbrum wæs snaw. Ond
in æfterdagum wæs giet regen, ond man ne mihte gan to Eoforwice<i>8)</i> buton
in bate oþþe þurh lyfte.
  <hr><b>1)</b> Norwich.
  <br><b>2)</b> First Minister.
  <br><b>3)</b> Edinburgh.
  <br><b>4)</b> Chester.
  <br><b>5)</b> Hatfield.
  <br><b>6)</b> Glasgow.
  <br><b>7)</b> Selsey.
  <br><b>8)</b> York.
  <br><b>8)</b> Bognor Regis.
  <br><A HREF="#MONTHS"><I>(Back)</I></A>

  <hr><A NAME="Y00NOV"></A><B><FONT SIZE=+1>Anno MM Blotmonað</FONT></B>
  <br>- In geare .mm. in þæm þrím monþum Hærfestmonaðe Winterfylleðe Blotmonaðe
þe ætgædre hataþ <i>autumnus</i> in Boclædene ond hærfest in Englisce feoll in
Brytene mara regen þonne wæs siþþan menn ongunnon weder-gearwritunga in geare
.mdcclxvi..
  <br>- v d: Her in Englalande giet is wind ond regen ond micel flod.
  <br>- Her in Addis Ababa ongean wearþ gebyrged Haile Selassie þe ær wæs lange
casere Ethiopiae, ond he forleas his ric in geare .mcmlxxiv., ond he forþferde
in geare .mcmlxxv..
  <br>- vi d: Her Elizabeth Englalandes cwene modor feoll æt hame ond bræc hire
wynstran wiðoban<i>1)</i>.
  <br>- Her in Nigeriae ele-berend sloh wægnas æt æwearda strætforstandunge on
wege þe sciett of Ibadan to Ife ond hit wæs full of fyr-ele for wægnum ond twa
hundteontig oþþe ma swulton in fyre.
  <br>- vii d: Her in <i>Sctae</i> Mariae seochuse in Mameceastre in Englalande
wurdon getwæmde getwinnas þe menn heton Mary ond Jodie ac hira rihtan naman sind
Rosie ond Gracie Attard, ond hie wurdon acennede on .ii. dæge Weodmonaþes, ond
hie wæron geanlæhte be hira hupebanum swa læcas hataþ <i>ischiopagus</i>, ond
hira ieldran wunodon in Xaghra on Gozo iege neah Maltan. Ond Mary forþferde for
þæm þe þa twegen ætgædre hæfdon ane heorte. Ond in ærdagum wæs æwspæc ymb þis,
for hira ieldran segdon þæt God ne wyscede þæt an hira aswelte to nerianne þa
oðerre. Ond on þæm .xix.þan dæge Æfterran Geolan Mary wearþ gebyrged in Gozo.
Ond on .xxvii. dæge Midsumermonaðes geares .mmi. Gracie eode to hame in Gozo.
  <br>- Her in Americae wæs heahceosung, ac þa rim wæron swiðe nea, ond in
Floridam menn þurfton efttalian, ond menn wiðcwæðon, ond þurh manige dagas man
ne wiste hwa wolde beon se .xliii.oþa foresittend þæs USA.
  <br>- Her in Lundene sume brucon in þone <i>Millenium Dome</i> mid strangum
delfendum wægne þe hatte JCB, to stalianne frætwa, ond þara frætwa weorþ is
.cccl. <i>million</i>as punda, ac æweardas fengon hie. Ond hit wære seo greatost
þiefþ frætwa þæt a wæs. Ond on .xviii.þan dæge solmonaðes geares .mmii. man
brohton hie fore demum ond sendede hie to carcerne.
  <br>- Her forðferde Ingrid Denemearces cwene modor, ond heo lifde .xc. wintru.
  <br>- xi d: Her wæs great ond heard fyr in irenweg-gewægnoþe þenden hit rann
þurh þyrelwege in Kitzsteinhorn beorge neah Kaprun in þæm Eastriciscum Alpum,
ond .cl. oþþe ma wurdon forbærnede oþþe atorlyft of þæm fyre ofsloh hie, ond
mæste dæl hira wæron þær for winterplegum. God sie mid hira sawlum ond mid hira
cynnum.
  <br>- Ond giet is flod in Brytene, ond is wen þæt eall se regen in Brytene
wile macian flod oþ Eastermonaðe geares .mmi., for þæm þæt land is wæterfull ond
ne mæg healdan ma wæter. Ond ymb Seljaby in Eoforwicscire is niw lacu greatora
þonne Vinundar-mere<i>2)</i>.
  <br> Ymb þisne dæg wæs sar and great regen in Niwsuðweala underrice in
Australiam, ond dæl þæs landes micel swa eall Brytene wearþ under flode, ond his
wæstm wearþ fordon. Ond in gearum .mcmxcviii. ond .mcmxcix. dryhþ fordyde his
wæstm.
  <br>- Her in Sogn og Fjordane provinciam in Norðwege man openode niwne langne
þyrelwag under heam beorgum of Nyheim in Aurland to Håbakken in Lærdal ond hit
is fyfteon ond healf mila lang ond hit is se lengest þyrelwag for drifunge in
worulde.
  <br>- xvii d: Her Clinton foresittend eode to Hanoi in Vietname.
  <br>- xviii d: Her Clinton foresittend eode to Ho Chi Minh City þe ær hatte
Saigon ond wæs Suðvietnames heafodstede.
  <br>- xix d: Her Clinton eode to hame, ond in Den Haag in Niðerlande ongann
gemot ymb wederwearmunge.
  <br>- xx d: Ymb þisne dæg in Prag in Czechlande forþferde Emil Zatopek se mæra
Olympisca rinnere, ond he lifde .lxxviii. wintru.
  <br>- xxiii d: Her in Brytene wæron ceosunga for feower witenagemotmannum, ond
se mægenwerod<i>3)</i> Labour ahte ealle. Ond in Americam wæs Þancgifungdæg.
  <br>- xxv d: Her æfter manigum efttellungum ond spacum ond wiðcweðungum sume
segdon þæt George Bush sceal fon to rice in þæm USA, ac in æfterdagum wæron
ongean spacas ond wiðcweðunga, ond giet ne mann feng to þæm rice. Ond snaw ond
forst cwomon to Englalande.
  <br>- xxvi Her in Den Haag in Niðerlande endode seo gemot ymb woruldwearmunge,
ond of hire ne wearþ geþwærnes.
  <br>- xxvii d: Her man ongann delfan niw wæterweg æt Preosttune<i>4)</i> þe
wile sceotan of Lonceaster-wæterwege<i>5)</i> to Ripele<i>6)</i> ea, ond hit is
þæt fyrmest niwa wæterweg in Brytene in hund gearum.
  <br>- Her in Péacháme<i>7)</i> in Lundene cnapan ofslogon be seaxe Nigeriscne
cnapan genemmed Danilola Taylor, ond he lifde teon wintru: þus hie dydon, giet
ean fyrwæpnum.
  <br>- xxx d: Her Englalandes cwen lagode þæt Anne hire dohtor sceal weorðan
cniht þæs Þisles for þæm þe heo manige gearu worhte micel for earmum leodum.
  <br>- Her in Chile dema demde þæt Pinochet wæs hal to ganne fore demum.
  <br>- Her wearþ widcuþ þæt seo swiðe bealoful seocnes Ebola cwom of African to
Pakistane, ond þær is wen maniga deaða.
  <br>- Her æt Kumal in Nepale wealdhere .cl. Maoista oþþe ma fohte wið æweardum
ond ofsloh .xi. hira.
  <br>- Her æt Ibute-Oko wice fiscera on Nigeriae særiman eorþ-ele-ædre weorþ to
fyre ond sixtig swulton in fyre oþþe ma.
  <hr><b>1)</b> collarbone.
  <br><b>2)</b> Windermere (in the Lake District in England).
  <br><b>3)</b> "power-band" = political party.
  <br><b>4)</b> Preston in Lancashire.
  <br><b>5)</b> Lancaster Canal.
  <br><b>6)</b> River Ribble.
  <br><b>7)</b> Peckham in south London (= "peak home").
  <br><A HREF="#MONTHS"><I>(Back)</I></A>

  <hr><A NAME="Y00DEC"></A><B><FONT SIZE=+1>Anno MM Geolmonað</FONT></B>
  <br>- ii d: Her Bretlandes witenagemot forgaf eall þæt twentig earme þeoda
sceoldon gieldan to Bretlande.
  <br>- iv d: Her wearþ widcuþ þæt se bealofulla micg <i>Anopheles</i> þe birþ
þone <i>malariam</i> eardaþ in Sceapiege<i>2)</i> be Temesemuðan in Englalande.
  <br>- v d: Her forþferde Colin Cowdrey se mæra criccetmann<i>1)</i>, ond he
lifde .lxvii. wintru, ond he wæs lange seoc, ond he wearþ acenned in Indiam.
  <br>- vii d: Her in Nice in Francrice ongann gemot ymb bysgu þæs EEC, ond in
strætum þær Frencisce scyldæweardas gehatene CRS fuhton mid teagorlyfte wið
gewinnum manna.
  <br>- Her wæs heahceosung in Ghana lande ond Jerry Rawlings aleas his ric,
ond he rixode .xix. gearu.
  <br>- vii-viii dd: Her ongean wæs great flod ond storm in Suðwealum ond
Defnum ond Westseaxnum.
  <br>- x d: Her in American hiehstum æwgemote ongann spæc ymb hwa sceal weorðan
foresittend.
  <br>- xi d: Her in Algiers Ethiopia ond Eritrea macodon frið.
  <br>- Her Ehud Barak fyrmestscealc Israheles alætte his ric ond lagode þæt sie
heahceosung.
  <br>- Her ongean flod ond wind derede irenwegas in Englalande.
  <br>- xii d: Her William æþeling Englalandes cwom to hame of Tortel wice in
Chile landes feorran suþdæle, ond he hæfde gewunod þær ymb .lxx. dagas. Ond he
is þære cwene fyrmestes sunes fyrmest sunu.
  <br>- Her Clinton foresittend wæs in Belfast ceastre in Norþiralande.
  <br>- xiii d: Her in æfne æfter langum spacum ond efttellungum Al Gore forbeah
ond segde þæt George W.Bush sceolde fon to rice in þæm USA.
  <br>- xiv d: Her in Péacháme<i>4)</i> in Lundene æt sunnupgonge æweardas
fengon .xi. cnapan ymb Danilolan deað, ond þæm ilcan dæge hie freogedon anne
hira, ond alyfedon six hira agan ac heton þæt hie giet wæron oncunnede.
  <br>- Her Shlomo Ben-Ami utlandscealc Israheles ond oþer eodon to Gazan ond
metton Yasser Arafat to secanne frið, ond Ehud Barak spræc ymb gifunge to þæm
Palestiniscum þone Templbeorg þær sind nu þa twegen swiðe haligan Muslimiscan
templ þe hatton <i>al-Masjid al-Aksa`</i> ond <i>al-Haram al-Sharif</i>, ac þis
nis gód to manigum Iudeum, for þæm þe þær wæs geo þara Iudea templ. Ac in
æfterrum dagum sume Palestiniscum segdon þæt hie ne woldon macian frið gif
Israhel ne alyfe gan to hira hamum þa Arabas þe afliemdon in geare .mcmxlviii.
þenden Israhel wearþ, ond hie sind swiðe manige ond hira cildru. Ond Muslimisc
templ hatte in Arabgereorde <i>masjid</i> oððe <i>jamî`</i> ond in Niwenglisce
</i>mosque</i>.
  <br>- Her gemot lagode þæt manige fisceras ne mihton fiscian in þa sæm ymb
Brytene ond Francrice, for þæm þe þá fiscas hæfdon geworden swiðe feawe.
  <br>- xv d: Her se gebidende cyrnmihtofen<i>3)</i> æt Chernobyle in Ukraine
endode his geweorc, ond þis næs wynn to þæm ymbwuniendum, for þæm þe six þusend
hira worhton þær.
  <br>- Her in Luoyang ceastre in Cinalande soncræfthus tobærned ond .cccix.
aswulton in fyre.
  <br>- xvi d: Her neah Mexico-ceastre þe geo hatte Tenochtitlan se fyrbeorg
Popocatepetl onwac, ond his nama in Aztecgereorde segþ "récende beorg".
  <hr><b>1)</b> cricketer (NE "cricket" &lt; French <i>criquet</i> = "stick".)
  <br><b>2)</b> Isle of Sheppey.
  <br><b>3)</b> nuclear reactor.
  <br><b>4)</b> Peckham in south London (= "peak home").
  <br><A HREF="#MONTHS"><I>(Back)</I></A>

  <hr><A HREF="nasc2001.htm#Y01JAN"><i>(to next year)</i></A>
  </HTML>