<HTML><HEAD><meta http-equiv="Content-Type"content="text/html;charset=utf-16">
  <TITLE>The New Anglo-Saxon Chronicle for 2002 AD</TITLE></HEAD><BODY>
  <CENTER><B><FONT SIZE=+1>THE NEW ANGLO-SAXON CHRONICLE 2002 AD: TIDUNGA ON
ENGLISCE MMII AD</FONT></B></CENTER>

  <A NAME="MONTHS"></A><B><FONT SIZE=+1>Pointers to monthly sections</B></FONT>
  <A HREF="#Y02JAN">2002Jan</A> <A HREF="#Y02FEB">2002Feb</A>
  <A HREF="#Y02MAR">2002Mar</A> <A HREF="#Y02APR">2002Apr</A>
  <A HREF="#Y02MAY">2002May</A> <A HREF="#Y02JUN">2002Jun</A>
  <A HREF="#Y02JUL">2002Jul</A> <A HREF="#Y02AUG">2002Aug</A>
  <A HREF="#Y02SEP">2002Sep</A> <A HREF="#Y02OCT">2002Oct</A>
  <A HREF="#Y02NOV">2002Nov</A> <A HREF="#Y02DEC">2002Dec</A>
  <br><A HREF="nasc.htm#YEARS"><I>(Back to main page)</I></A>
 
  <hr><A NAME="Y02JAN"></A><B><FONT SIZE=+1>Anno MMII Æfterra Geola</FONT></B>
  <br>- In þissum monðe niw seocnesse gehaten se <i>Norwalk virus</i> wearþ
strang in Brytene and heo is swiðe heard ond oferbrædende ond heo eac hatte seo
winterspíwungseocnesse and for his mihte swiðe manige ne mihton gan to weorce
oððe to leornungstedum, ond manigra seochusa læcnung wearþ gederod. Ond man
ærest fand hie æt Norwalk ceastre in Ohio underrice in Americam.
  <br>- i d: Her man lagode þæt in Brytene nis pleoh þære seocnesse fota ond
muða, buton in Norðymbralande, ac neah Hagustaldeshame<i>1)</i> man móste
ofslean .mmc. sceapas for þæm þe man fand þæt seo seocnesse ærra wæs in sumum
hira ond hie wurdon ongean hale.
  <br>- Her giet wæs wen guðe betweox Indiam ond Pakistane.
  <br>- Her wearþ widcuþ þæt in Kabule Americisc spellgewritungmann bohte twegen
cyrcolwyrdas<i>2)</i> ond in him wæron swiðe manige ærendgewritu heretogena
Al-Qaedan. Ond sume hira wæron ymb macunge seocnesswæpna ond atorwæpna ond
Al-Qaeda het þeos macunge <i>Al-Zabadi</i> ond þæt nama segð in Arabgereorde
"seo meolc þe wearþ cealer". Ond in Arabgereorde "al qâ`ida" segþ "se fyrdsetl".
Godes miltse sie.
  <br>- Her twelf þeoda þæs EU in Europan ongunnon neotan þone niwan sceatt
gehaten <i>euro</i>, ac ne Brytene ond Denemearc ond Sweoland.
  <br>- Her in Niðerlande seo <i>euthanasia</i> wearþ æwlic.
  <br>- Her giet wæron strange fyr ymb Sydney in Australiae ond fyr besat Sydney
ond .dccl. þusend æcras wealdes wæron forbærnede, for þæm þe þæt treow
<i>eucalyptus</i> macaþ micelne ele in his leafum.
  <br>- Her in Argentinam Eduardo Duhalde feng to rice ond he was se fyfþa
foresittend in twæm wucum.
  <br>- iii d: Her in Afghanistane seo fyrd besat Mullah Omar þone Taliban-togan
neah Baghran ceastre in Helmand scire ond .md. menn mid him ond ahte wælstowe
gewald ac Mullah Omar gedígede on scúfendtwáhwéole<i>3)</i>.
  <br>- iv d: Her in Tiana wice in Sardiniam forðferde Antonio Todde ond he
wearþ acenned on .xxii. dæge Blotmonaðes in geare .mdccclxxxix. ond he lifde
hundendleofontig ond þreo gearu ond he wæs se ieldest libbende in þære worulde
ond he wæs sceaphyrde.
  <br>- vi-vii dd: Her in midde nihte ongann heard regen ymb Sydney ond
acwencede mæste þara wealdfyra ond þa fyrmenn mæredon. Ac giet sind wealdfyr ymb
Perth in Westaustraliam ond þæt land wæs swiðe dryg ond wæs wen þæt manige
wealddeor aswelten.
  <br>- vii d: Her Blair fyrmestscealc Bretlandes eode of Indiam to Islamabade
in Pakistane to secanne frið, ond in æfne he eode to Afghanistane.
  <br>- Ymb þissum dæge cwomon cyle ond deop snaw to Easteuropam ond in Moskvan
.ccc. aswulton of cyle ond deop snaw feoll in Athenae ond sare derede Greclandes
goldappelwæstm<i>4)</i> ond snaw eac feoll in Damascus ond in Israhele ond in
Eastiordanum. Ond cyle stod þær manige dagas.
  <br>- x d: Her ond in æfterrum dagum Americisce nomon .dxcvii. Talibanisce ond
Al-Qaedisce hæftas to locan æt Guantanamo-cofan on Cuba iege ond hie nemnedon
þone locan "Camp X-ray".
  <br>- xii d: Her heard regen cwom to Kabule ond þa Kabulware geblissedon. Þurh
eallum þara geara þara Talibana wæs heard lang dryhþ ond unwæstm ond hungor ond
Vrtra se greata draca dryhþe rixode þæt land: ac nu sið ond late se god Indra
cwom berende his lígetgár ond ongean ofsloh Vrtram, swa geo menn writon in þæm
Indiscum haligum Véda-writungum. Ac regen ne cwom to eallum Afghanistane.
  <br>- Her man lagode þæt eac in Norðymbralande nis pleoh þære seocnesse fota
ond muða.
  <br>- xvii d: Her in Dem.Rep.Congo lande þe ær hatte Zaire neah Rwanda-mearce
se micla fyrbeorg Nyiragongo onwac færlice ond greate ea gemoltenes stanes
fleowon of þæm beorge swifte swa rinnende hors ond of niwum acleofungum in
grunde ond forgrand manige wic ond fleowon þurh Goma ceastre ond in Kivu-lacu
ond seo ceaster bærnede ond ymb .xlv. aswulton ond .d. þusend ceasterware ond
feldware afliemdon ond manige hire eodon to Rwandan, ac in æfterrum dagum hie
cwomon ongean to hámum. Ond Nyiragongo onwac in gearum .mcmlxxvii. ond .mcmliv.
ond .mcmxliii., ond in geare .mcmlxxvii. .mm. aswulton in swiðe swiftum
gemoltenum stane.
  <br>- Her in Afghanistane Salang-þyrelweg under Hindu Kush beorgum wearþ
edniwode ond wægnas mihton gan þurh him.
  <br>- Her menn segdon þæt mæg beon þæt Osama Bin Laden is dead of seocnesse
his lundlagena, for þæm þe afliemende ond wuniende dyrne he ne mihte beran mid
him <i>dialysis</i>searu. Ond his cynn cwom of Haðramaut-lande in Yemene.
  <br>- xx d: Her in Goma menn stælon wægna fyr-ele<i>5)</i> of heddærne ond hit
wearþ to fyr þurh hæte gemoltenes stanes ond macode micel utberstunge ond ymb
.c. aswulton.
  <br>- xxii d: Her æt Goma man macode niwne strætweg for hweolum ofer þæm
gemoltenum stane þe nu hæfde geworden heard.
  <br>- Her æt þæm Old Bailey in Lundene feower cnapan eodon fore demum for þæm
hie ofslogon Danilola Taylor.
  <br>- Her æt Camp Zeist in Niðerlande Abdelbaset Ali Mohmed al-Megrahi eodon
ongean fore demum, ond on .xiv.þum dæge Hreðmonaðes man sendede him to Barlinnie
carcerne in Glascú in Scotlande for his life.
  <br>- xxv d: Her India upsendede gestyred fyrspere gehaten Agni .ii. neah
Orissa-særiman ond hit mæg fleogan .cdxx. míla berende cyrnwæpen.
  <br>- Her in Houston in Texase Clifford Baxter asceat his sylfne ond he wæs
sum Encones rixiendum.
  <br>- Her æt Ællesæcre<i>6)</i> in Legeceasterscire spinnwind afyllede treow
ond dyde hearm to .c. husum.
  <br>- Her in Kabul deortune forðferde se ealda leo Marjan þurh ieldo ond
lundlagena seocnesse ond he lifde .xxv. wintru oððe ma.
  <br>- xxvii d: Her in Brytene ongean wæs <i>Holocaustus</i>dæg, ond wæs
gemynde-gemot in Brycgwæterhealle in Mameceastre, ond þær mægð léc fyðele þe ær
wæs æht <i>Holocaustus</i>oferlibberes.
  <br>- Her in seochuse æt Kandahare Americisce sundorfyrdmenn ond Afghanisce
fuhton wið siex Arabiscum al-Qaediscum þe wæron þærinne siex wuce ond ofslogon
hie. Ond giet wæs gefeoht wið Al-Qaedum æt Qawar Zili holum neah Tora Bora. Ond
wearþ widcuþ þæt sume Al-Qaedan cwomon of Tibbingatune<i>7)</i> neah
Beornmundingahame in Englalande.
  <br>- Her Hamid Karzai eode to Englalande ond æfterra to Americam.
  <br>- Her æfter æfne æt Lagos in Nigeriam fyr wearþ in ceapstowe ond brædede
to miclum héddærnum þære fyrde in Ikeja fyrdsetle ond utberstendwæpn utburston
ond dydon micel hearm in ceastre ond .dc. aswulton ond manige hira adruncon in
Paco wæterwege þenden hie afliemdon in nihtþystro. Ond sum segde æfterra þæt .m.
aswulton.
  <br>- xxviii d: Her heard wind dyde hearm in Scotlande ond Norðiralande ond
Norðymbrum, ond on Cairngorm-beorgum in Scotlande wind wearþ to .cxli. mílum in
stunde, ond .vi. aswulton.
  <br>- xxix d: Her Ecuadorisc lyftfolcberend feoll to grunde æt fét
Cumbal-fyrbeorges in Colombiae suðdæle ond .xcii. wæron in him ond ealle
aswulton.
  <br>- xxx d: Her in Niw-Eoforwice Hamid Karzai eode to þæm gemyndefullan stede
þe man nu nemneþ Ground Zero þær geodagum wæron þa Woruldceapungtorras, ond
æfterra he eode to Lundene.
  <br>- xxxi d: Her in Lundene æt þæm demungstede þe hatte se Old Bailey feower
cnapan eode fore deman for þæm on .xxvii. dæge Blotmonðes geares .mm. æt
Péacháme in Lundene hie ofslogon Danilola Taylor.
  <hr><b>1)</b> Hexham. The name means "the home of the warrior".
  <br><b>2)</b> computers.
  <br><b>3)</b> motorcycle.
  <br><b>4)</b> orange harvest.
  <br><b>5)</b> petrol / gasoline.
  <br><b>6)</b> Alsager (Cheshire (UK)).
  <br><b>7)</b> Tipton (near Birmingham (UK)).
  <br><A HREF="#MONTHS"><I>(Back)</I></A>

  <hr><A NAME="Y02FEB"></A><B><FONT SIZE=+1>Anno MMII Solmonað</FONT></B>
  <br>- i d: Her ongean heard wind sloh Brytene.
  <br>- ii d: Her in Amsterdame Willem-Alexander æðeling Niðerlandes cwene sunu
ond yrfeweard weddede Maxima Zorreguieta ond heo is Argentinisc.
  <br>- Her wæs flod in Wealum ond Mierce ond Norþymbrum.
  <br>- iii d: Her wæs eorþstyren æt Sultandagi ond Bolvadin in Afyon scire in
Turclande ond his miht wæs Richter 6, ond .xlv. aswulton oððe maran ond .cxx.
wurdon gewundode ond .c. boðl feollon oððe ma, ac bi Godes miltse wæs dæg ond
manige wæron utan in feldum.
  <br>- iv d: Her neah Zhawar Kili wice in Afghanistane Americisc lyftcræft
ofsloh mid fyrspere sume menn þe hæfdon Arabisce gewæde ond on .xxvii. dæge
wearþ wen þæt an hira wæs Osama bin Laden.
  <br>- vii d: Her in seochuse in Bombay in Indiam se Dalai Lama wearþ ongean
hal of seocnesse his ropa<i>1)</i> ond eode to hame to Dharamsala in
Himalaya-beorgum. Ond he afliemde of Tibete in geare .mcmlix..
  <br>- Her ealle deade menn wæron geboren ut of þæm Russiscan undersæscipe
Kursk, ond .xciv. wæron gefundene, ond .cxviii. aswulton in him.
  <br>- Her æt Salang-þyrelwege in Afghanistane þa Bryttiscan utberstenda
animeras gehatene Halo fuhton mihtige wiþ þæm heardostan snawe ond winde in .xv.
gearum ond neredon ymb .ccc. folca ac fyf aswulton þurh forste ond man ne miht
findan .xx.. Ond se stede is .xim. ond .xxiv. fet ofer sæ.
  <br>- viii d: Her æt Salt Lake City in Americam ongunnon þa Wintres Olympiscan
Plegan.
  <br>- ix d: Her forðferde Margaret Rose æþelingen sweostor cwene Englalandes
þurh heortseocnesse þenden heo slæpede æt .vi. ond healfe stundum in morgne æt
Cyninges Eadweardes .vii.þan seochuse in Lundene, ond hire .ii. cildru wæron mid
hire. Ond heo lifde .lxxi. gearu ond heo wearþ acenned in Glamis Castle in
Scotlande. Ond in æfne .viii.þan dæges æt Cynesigingatun-cynehealle<i>2)</i> wæs
hire þridda blodgelimp in brægne. Ond heo wæs giet seoc mid wynstran
<i>hemiplegiam</i>. Ond heo worhte lange for þæm NSPCC ond for þæm <i>Girl
Guides</i>.
  <br>- xii d: Her æt Den Haag in Niðerlande Slobodan Milosevic ongann gan fore
demum for manigum guðmándædum.
  <br>- Her Iranisc folcberend-lyftcræft feoll to eorþe in snawigum beorgum neah
Khorramâbâd in Lorestân scire in Irane ond .cxvii. wæron in him ond eall
aswulton.
  <br>- xiii d: Her man lagode þæt huntoþ mid hundum nis alyfede in Scotlande.
  <br>- xiv d: Her in æfne in Yarl's Wood <i>asylum</i>seocera locan in
Biedanfordscire hæftas fuhton wið weardum ond macodon þrie fyr ond se loca
bærnede eall niht, ond manige hundræd þurfton wunian under þæm steorrum þurh
nihte, ond man getimbrode þone locan in Blotmonðe in geare .mmi.. Ond .xx.
hæftas afliemdon.
  <br>- xv d: Her wæs Margarete æþelingene <i>funeralis</i> æt Windelesóran
cynehealle, ond hire lic wearþ forbærnede æt Sló<i>3)</i>, ond man settede hire
æsce mid hire fædere George .vi. cyninge þe wearþ gebyrgede æt Windelesóran on
þissum dæge in geare .mcmlii..
  <br>- Her wearþ widcuþ þæt in Texase menn macodon <i>clonus</i> catte ond heo
wæs .ii. monðas eald ond heo hatte CC ond þæt is for Niwengliscum "<i>carbon
copy</i>". Ac ærra .clxxxvii. swylce <i>cloni</i> ne lifdon.
  <br>- Her .xi. Afghanisce plegode æt fotðoðore wið .xi. Bryttiscum fyrdmannum
in Kabules plegestede, ond ær næs fotðoðor þær in twentigum gearum.
  <br>- Her æt Noble ceastre in Georgia underrice in Americam man fand in wealde
ond in heddærnum neam <i>crematorium</i> hundrædas lica manna þe man sceoldon
bærnan þær þurh gearum. Godes miltse sie on hira cynnum.
  <br>- xvi d: Her æt Kabul lyftfelde sume Tajikisce þæs Jami`at-i-Islami
folgunge ofslogon mid seaxum Dr.Abdul Rehman <i>tourism</i>scealc ond he wæs
Nuristanisc.
  <br>- xviii d: Her Elizabeth cwene Englandes ond Philip æþeling eodon to
Kingston þe is Jamaican heafodstede. Ond Bush foresittend fleag to Suðkorean.
  <br>- xix d: Her forðferde Captain Trevor Hampton þurh berstunge þrifealdes
<i>aneurysmi</i>, ond he lifde .lxxxix. gearu, ond he wunode æt Dertamuðan in
Defnum, ond he wæs se ærest þe dyfede in Bryttiscre sæ mid <i>aqualung</i> þe
wæs gemacode in Brytene, ond he lærede dyfunge to manige ond fore þæt se BSAC
wearþ.
  <br>- xx d: Her in Ægypte æt þære .ii. stunde fore sunnupgonge folcberende
irenweg-gewægnoð rann of Cairo to Luxore ond in hire fyfðum wægne fæt fyrlyfte
for cócunge utbærst ond macode heard fyr þenden seo gewægnoð rann and seofon
þara endleofan wægna forbærnedon ond .ccclxxxiii. aswulton in fyre oððe
hleopende utan ond ealle wæron Ægyptisce. Ond man acwencede þæt fyr æt Reqqa
al-Gharbîya wice neah Al `Ayyat ceastre in Gîza scire. Ond æghwylc wægn sceolde
beran .cl. ac soðe bær .ccc. oððe ma, for þæm þe wæs se Muslimisca haligdæg
Bairam. Ond in Islame wæs Hajj-tid.
  <br>- Ond giet is heard gewinn ond deað in Westiordanum. God bringe frið.
  <br>- xxi d: Her in Boliviam se heardost regen in fyftig gearum macode flod
ond mara þonne .xxxvi. aswulton in flode.
  <br>- xxii d: Her in Moxico scire in Angolan man asceat Jonas Savimbi ond he
lange wæs heretoga þæs wealdherges UNITA.
  <br>- xxiii d: Her wæs heard snaw ond wind on Brytene.
  <br>- Ymb þissum dæge Elizabeþ cwen Englalandes cwom to Niwsælande.
  <br>- xxiv d: Her giet wæs wiðcweðung in Bretlandes þeodtogum ymb Jo Moore for
þæm þe æfter þa Woruldceapungtorras feollon heo wrat <i>email</i> þe segde "Þis
is gód tíd tó byrganne láðspell", ond sume secgaþ þæt heo segde gelic ymb
Margaretes æþelingene byrgungdæge.
  <br>- Her æt Ayôdhya ceastre þe ærra hatte Oudh in Uttar Pradesh underrice in
Indian wæs Hinduisc halig begong þær geo se hæleþ Râma wearþ acenned, ond sume
bæron þone <i>trishûl</i>, þe is gar mid þrim ordum þe is tacn þæs godes Shiva.
Ond geo wæs Hinduisc hearg þær ac æfterra Babar <i>sultan</i> fordyde hit ond
getimbrode Muslimiscne <i>masjid</i> gehatenne Babri on his stede. Ond þæt wæs
great synn ond hearm ond yrre to þæm Hinduiscum. Ond on .vi. dæge geolmonaðes
geares .mcmxcii. great hloð Hindua tobrucon þone <i>masjid</i>, ond þæt wæs
great synn to þæm Muslimum, ond .mmm. folca wurdon ofslægen in folcgefeohte. Ac
ærra in Indiam Muslimisce rixiendas fordydon manige þusend Hinduiscra hearga.
Ond in Sanskritgereorde þæt nama Ayôdhya segþ Gúðléas. Ond men segdon þæt þær on
.xv. dæge Hreðmonaðes hie woldon onginnan getimbrian niwne hearg, ond great
dǣl þæs wæs giet gemacode neah æt Karsewakpuram. Ond sume secgaþ þæt Râma
wæs se Hinduisca god Vishnu in lichaman. Ond Râma wæs cyning æt Ayôdhya ond his
wif wæs Sîtâ, ac deofol gehaten Râvana feng Sîtâm ond bær hie to Lanka iege þe
nu hatte Sri Lanka oððe Ceylon. Ond Râvana hæfde fleogende cynehealle gehatene
Pushpaka þe he stæl of Kubêra his broðre. Ond Râma ond his fyrd sohton hie feorr
ond mid fultume þæs godes Hanumanes hie eodon ofer sæ to Lankê ond æfter langum
gefeohte he ofsloh Râvanam mid flane ond ahreddede Sîtâm, ond he ond heo ond his
fyrd flugon to hame in Pushpakê. Ond Hanuman lædde greate fyrd þæs cynnes apena
þe hatte <i>langur</i>. Ond eall þis is gewriten in þære Indiscan béc Râmâyana.
Ond gelicnessa Râmasya in heargum beraþ bogan. Ond Sanskritisc word for "godes
cynehealle" is <i>vimâna</i>, þe eac segde "hearg", ond <i>vi-</i> segþ "sundor"
and <i>mâna</i> segþ "gemetede", for þæm þe man metede ond hálgode land. Ond
sind manige fleogende <i>vimânâs</i> in spellum in þære miclan Indiscan bec
Mahâbhârata. Ond of þissum nu in Hindi-gereorde <i>vimâna</i> segð "lyftcræft".
Ond in þæm Mahâbhâratê is cynecynn gehaten Bhâratâs, þe segð Bharatingas, ond se
Bharata wæs Râmasya healfbroðor, ond giet nu India het his sylfe Bhârat.
  <br>- xxvii d: Her Elizabeþ cwen Englalandes cwom to Adelaide in Australiam.
  <br>- Her forðferde se mæra truð Spike Milligan þurh seocnesse his lifres, ond
he lifde .lxxxiii. gearu.
  <br>- Her sume þara Hinduiscra eodon to hame in irenweg-gewægnoþe ond neah
Godhra in Gujerat underrice in Indiam manige Muslimas unrihte bærnedon
dǣl hire ond .lvii. þara Hindua aswulton ond .lxxx. wurdon gewundode.
  <br>- xxviii d: Her in Gujerate wæs onwrecung ond in Ahmedabade Hinduas
bærnedon manige ceapungboðl Muslima, ond .xx. Muslimas aswulton in fyrum, ond
Hinduas tobrucon manige <i>masjid</i>as, ond æt Gandhinagare hie tobærnedon
Gujarates <i>waqf</i>wealdenda<i>4)</i> boðl ond eall þæt wæs þærinne. Ond
æfterra wæron Hinduisce halige begonga on þæm stedum þisra <i>masjid</i>a ond
sume segdon þæt man wolde getimbrian Hinduisce heargas þær.
  <br>- Her NATOisce fyrdmenn foron to Foca in Serbiscre Bosniam to fónne
Radovan Karadzic, ac hie ne findon hine.
  <br>- Her æt Greatum Hæcce neah Seljaby wæs halig begong for þæm þe aswulton
þær on þissum dæge in geare .mmi..
  <br>- Her betweox Hnoctune ond Dunnestune<i>5)</i> neah Lincolne radwægen
feoll on irenweg ond gewægnoþ sloh hit ond þæs wægnes drifere aswealt ond .xv.
wurdon gewundode.
  <hr><b>1)</b> intestines.
  <br><b>2)</b> Kensington Palace in London.
  <br><b>3)</b> <i>Slóh</i> = Slough (Berks). The name means "marshy or muddy
place".
  <br><b>4)</b> <i>waqf</i> is a Muslim religious charity.
  <br><b>5)</b> Nocton and Dunston near Lincoln.
  <br><A HREF="#MONTHS"><I>(Back)</I></A>

  <hr><A NAME="Y02MAR"></A><B><FONT SIZE=+1>Anno MMII Hreðmonað</FONT></B>
  <br>- i d: Her ongean wæs folcgefeoht in Ahmedabade in Indiam, ond fyftig
Muslimas wurdon ofslægene. Ond wæs acwellung in Pandarvana wice. Ond .dcc. folca
wæron ofslægene in eallum þissum gefeohtum.
  <br>- iv-x dd: Her in Afghanistane .mc. Americisce ond manige Afghanas fuhton
hearde wið manigum Talibanum ond Al-Qaedum in Shah-e-Kot beorgum ond Kharwar
beorgum neah Gardez in Paktia scire ond ofslogon .dcc. hira.
  <br>- Ond giet wæs deað ond gewinn in Israhele ond Westiordanum. God bringe
frið.
  <br>- ix-xi dd: Her wæs heahfolccyre in Zimbabwe ond Robert Mugabe feng
ongean to rice ac manige segdon þæt wæs swicdom in þære ceosunge.
  <br>- xii d: Her Israhel sendede .c. scriðdracan in Ramallah in Westiordanum
ond eac sume foron in al-Amaari fleogendsetl in Gaza-lande ond .xxx. wurdon
ofslægen in gefeohte ond hit wæs seo greatost infarung in .xx. gearum. On hie
utforon on .xiv.þan dæge.
  <br>- Her man forstoppede sendan láda þurh Dofernearuþyrelwege for þære
greatan dreccunge formanigum <i>asylum</i>seocendra ymb Frethun ládunglocan neah
Calais.
  <br>- xviii d: Her .mmmm. <i>asylum</i>seocende cwomon in anum scipe to
Catania in Sicilia-iege.
  <br>- xix d: Her wearþ widcuþ þæt on Antarcticae særiman Larsen B ísscylfe
wearþ eall tobrocen styccemælum in anum monðe ond hit wæs micel swa
Sumorsætenascir ond hit wæs on Antarctica-næsses easternan riman; ond þæt in
Amundsen-sæ dǣl þære Thwaites-ístunge wearþ freo ond hit wearþ ís-ieg
great swa Malta ieg oððe ma. Þus déð seo woruldwearmung.
  <br>- Her se Gemánawela<i>1)</i> utwearp Zimbabwe for Mugabes unrihtum dædum.
  <br>- xxiv d: Her .mdcc. Brytticse sæfyrdmenn ongunnon fleogan to
Afghanistane.
  <br>- xxv d: Her in Afghanistane eorþstyren fordyde Nahrin ceastre in Baghlan
scire ond ofsloh .dccc. folca ond wundode .mmm., ond þritig þusenda sind ean
husum, ond his miht wæs Richter 6.1. Ond from langum guðum sind utberstendas in
manigum wegum ymb þæm stede. Godes miltse sie. Ond be Hamid Karzais hæse se
.xxviii.þa dæg wæs gnornungdæg.
  <br>- xxvii d: Her forðferde Dudley Moore se mæra trúð þurh brægnseocnesse þe
hatte <i>paralysis supranuclearis progressiva</i>, ond he lifde .lxvi. gearu.
  <br>- xxx d: Her on Eostre mæssæfne forðferde Elizabeth Englalandes cwene
modor in æfne þenden heo slæpede æt Windelesóran, ond Elizabeth cwen hire dohtor
wæs mid hire, ond heo lifde .ci. gearu, ond þa Engliscan wel lufode hie. Ond heo
wæs seo æftemest caseren Indiae, ond heo wæs widewe George .vi. cyninges ond he
forðferde in geare .mcmlii..
  <br>- xxxi d: Her Israheles fyrd fór mid manigum mannum ond manigum
scriðdracum in Ramallah ond fordyde Yasser Arafates burh, ond in æfterdagum hie
fóron strange in Ramallah ond Salfit ceastra in Westiordanum to secanne
mándædwyrcan, for þæm þe in ærdagum sume Westiordanware unrihte ofslogon folc in
Israhele. God bringe frið ond rihtne ende.
  <hr><b>1)</b> the Commonwealth.
  <br><A HREF="#MONTHS"><I>(Back)</I></A>

  <hr><A NAME="Y02APR"></A><B><FONT SIZE=+1>Anno MMII Eastermonað</FONT></B>
  <br>- i d: Her in Tenerife iege swiðe heard regen macode flod ond horhslidunge
þe dydon hearm in Santa Cruz ceastre ond .vi. aswulton.
  <br> Her in Faisalâbâde in Pakistane man feng Abu Zubeidah ond he wæs se oðera
heretoga þæs Al-Qaedan. Ond Israheles fyrd fór in Beþlehem.
  <br>- ii d: Her man brohte Elizabethes þære cwene modores lic of Windelesóran
to Sancti Iacobis cynehealle, ond on .v.þan dæge to Westmynstrehealle. Ond in
þæm þrym æfterdagum .cc. þusenda folca eodon þærinne be hire ciste.
  <br>- iv d: Her Israhel sendede mara þonne .c. scriðdracan in Nablus. Ond
Israheles fyrd ongann feohtan wið Palestiniscum wæpnedmannum þe wæron in Cristes
acennednesse cyrice in Beþleheme, ac seo fyrd segde þæt heo nill feohtan þærinne
in Godes huse ac bidan þenden hungor macie sige.
  <br>- v d: Her sið ond late seo guð in Angolam endode ond Angolae þeodtogan
macode wæpngestand mid þæm wealdherge UNITA.
  <br>- ix d: Her Elizabeth cwene modor ond hire dohtores Margaretes æðelingene
æsce wurdon gebyrgede in Sancti Georgii cyrice in Windelesóra-cynebyrig mid
George .vi. cyninge. Ond hire <i>funeralis</i> wæs in Westmynstrecyrice. Ond
mara þonne <i>million</i> folca stodon bi wegum to seonne hire ciste þenden man
bær hie to Windelesoran. Ond Charles æþeling wæs swiðe sárlic for hire deaðe.
  <br>- Her Israheles fyrd eode ut of Tulkarm ond Qalqilya ond fór in Dura neam
Hebron. Ond wæs heard gefeoht .vii. dagas in fleogendsete in Jenin ond aswulton
.cc. Palestinisce ond .xiii. Israhelisce, ond manige boþl wurdon fordóne, ond in
æfterdagum seo fyrd forgrand þæt setl ond mæste Harat el-Hawashîn for þæm hit ne
mihte beon wearga burh, ond þær hie fundun swiþe manige fyrwæpen ond
utberstendwæpen. Ond Palestinisce secgaþ þæt hundrædas Palestiniscra aswulton in
þissum gefeohtum, ac Israhel segde þæt sume twelf-gerím aswulton ond þæt mæste
dǣl þara wæron feohteras. Ond in Israhele wæs se gemyndefulla dæg þe
hatte Yom ha-Shoah, þe segð Holocaustusdæg.
  <br>- xii d: Her in Baghlan scire in Afghanistane eorðstyren acwellede .xxx.
oððe mára in Doabi wice, ond his miht wæs Richter 5.8.
  <br>- xiii dd: Her in Venezuela seo fyrd awearp Chevez foresittend of his rice
ond on þæm .xiv.þan dæge eft settede him in ric.
  <br>- Her Colin Powell Americae utlandscealc eode of American to þæm
Middaneastlandum to secanne frið.
  <br>- xv d: Her Cinalandisc lyftcræft fleag of Beijinge to Kimhae lyftfelde
neah Pusan in Suðkorean ond hit bær .clxvi. ond .xi. hira wæron his scipmenn ond
neah Pusan hit sloh Shineo-beorg in wealde in miste ond .xxxix. hira lifdon ond
.cxxvii. aswulton.
  <br>- Her in Ramallah Isralehes fyrd feng Marwan Barghouti ond he wæs heah in
þæm weargherge Fatah.
  <br>- Her Berewices on Twéde ceasterwitan in Englalande segdon þæt hie willon
gieldan þæt Berewic on Twéde ongean beo dǣl Scotlandes, swa wæs geo, ac
in geare .mclxxiv. Scotland sceolde syllan hit to Englalande swa wliteweorð for
his cyninge Wilhelme þæm Leon þe wæs gisl in Englalande, ond æfterra Scotland
gieldede .vm. marcas<i>1)</i> to eftbycgan Berewic ac Englaland heald þa marcas
ond eac heald Berewic. Ond nu sum Englalandes witena segde þæt Scotland scule
gieldan teon <i>milliones</i> punda for þissum.
  <br>- xvi d: Her in Afghanistane Bryttisce sæfyrdmenn ongunnon secan
Al-Qaedisce menn in heam beorgum ymb Shah-e-Kot in Paktia scire.
  <br>- Her Niðerlandes ricscealcas alætton hira ric for þæm þe in Æfterra Liða
geares .mcmxcv. hira fyrdmenn ne mihton werian þa .viim. ond .d. Muslimas þe
Serbas ofslogon æt Srebrenican, ond on þæm .xvii.þan dæge hira fyrdtoga Ad van
Baal alætte his ric.
  <br>- xviii d: Her Mohammad Zaher Shah fleag of Italiam to Afghanistane ond
geo he wæs cyning Afghanistanes, ac he ne ongean feng to his rice, ond he is
.lxxxvii. gearu eald. Ond he rixode .xxxiii. gearu ond man awearp him of his
rice in geare .mcmlxxiii..
  <br>- Her æt Colla Micheri in Italiam forðferde Thor Heyerdahl þe seglode þone
sæcræft Kon Tiki ond þone hréodbát Ra, ond he lifde .lxxxvii. gearu.
  <br>- Her Israheles fyrd eode ut of Jenine.
  <br>- Her lytel lyftcræft fleag of Lucarno in Helvetiam to Milan in Italiam
ond hit sloh þone Pirelli-torr in Milane ond his drifere aswealt ond twegen wif
þe wæron in þæm torre. Ond sume secgaþ þæt his drifere soht acwellan his sylfne
for galgmodnesse.
  <br>- Ymb þissum dæge in Afghanistane man bærnede .liv. þusend
<i>kilogramm</i>as þæs atores <i>opium</i> ond gif hit cwome to westlandum menn
macoden of him þone bealofullan ator <i>heroin</i> þe wurde geseald for .cl.
<i>million</i>um punda.
  <br>- xx d: Her wæs eorðstyren neah Plattsburg in Niw-Eoforwic underrice ond
his miht wæs Richter 5.1.
  <br>- xxii d: Her se papa bead his .xiii. Americisce <i>cardinales</i> to
Romam for gemaðle ymb sumum preostum þe dyrne dydon þa swiðe fúlan synne þe
hatte <i>paedophilia</i> oððe <i>paederastia</i>.
  <br>- Her in Nabluse in Westiordanum Israhelisce wingwindend ofsloh mid
fyrflane Marwan Zallûm ond his weard in his wægne ond he wæs strang heretoga þæs
Palestiniscan weargherges þe hatte seo Al-Aqsa-hlóð.
  <br>- xxiii d: Her in Orange scire in Californiae twa irenweg-gewægnoþa sloh
æghwylc oðere ond .ii. aswulton ond .cclxv. wurdon gewundode.
  <br>- Her in Beþleheme þreo Armenisce preostas cwom ut of Christi acennednesse
cyrice. Ond in Ebreiscum gereorde þæt nama Beþlehem segð Bréadhús. Ond on
.xxiv.þan dæge eahta Palestinisce utcwomon ond hie bæron twa deade lic. Ond
Israheles fyrd fór in Hebrone.
  <br>- xxiv d: Her æt Baikonure in Kazakhatane Mark Shuttleworth fleag in
woruldrum in mannberendum fyrspere to þæm Soyuz ond he wæs ut of manna worulde
.xi. dagas ond he fleag for his wynne ond he gieldede .xiv. <i>million</i>as
punda for þissum ond he is Súðafricisc, ond on .v.þan dæge Þrimilcemonaþes he
cwom eft to eorþe neah Arkalyk in Kazakhstan-wonge. Ond eac he bohte his
woruldrúmréaf ond his woruldrúmbát<i)3)</i>.
  <br>- xxv d: Her in Lundene dema demde þæt ealle þara cnapena þe wæron fore
demum for acwellunge Damilola Taylor ne wæron gyltige.
  <br>- Her in Ramallah in Westiordanum Israheles fyrd ofsloh anne Palestinisce
weargheretogan ond feng .xxvi. menn ond fand þæt þa geræddon macian swiðe micel
utberstung in Tel Avive ond acwellan manige. God sie geþancod þæt man forstod
þis.
  <br>- xxvi d: Her in scole in Erfurt in Germaniam hyss asceat .xiii. tæceras
ond .iii. oðre ond æfterra his sylfne, ond ær he wæs leornere þær.
  <br>- xxviii d: Her wæs mærung in Iraqe for þæm þe Saddam Hussein wearþ .lxv.
gearu eald.
  <br>- xxix d: Her in Englalande wurdon acennede geanlæhte getwinnas Natasha
ond Courtney ond man segde þæt Courtney sceal sweltan to nerianne Natasha for
þæm þe þa twegen habbaþ ane ane heorte. Ond hire modor wunaþ in Sancti Albani
stowe<i>2)</i>.
  <br>- xxx d: Her in Englalande ongann mærung for þæm þe Elizabeþ cwen rixode
fyftig gearu. Ond in Westmynstrehealle heo segde þæt heo nolde alættan hire ric
for ieldo. Ond heo is .lxxvi. gearu eald.
  <br>- Her .xxvi. folca cwomon ut of Christes acennednesse cyrice.
  <br>- Her wæs heahfolccyre in Pakistane ond Musharraf fyrdtoga heald his ric.
  <hr><b>1)</b> mark (coin), formerly current in England.
  <br><b>2)</b> St.Albans (Hertfordshire).
  <br><b>3)</b> space capsule.
  <br><A HREF="#MONTHS"><I>(Back)</I></A>

  <hr><A NAME="Y02MAY"></A><B><FONT SIZE=+1>Anno MMII Ðrimilcemonað</FONT></B>
  <br>- i d: Her endode Israheles fyrde besittung Yasseres Arafates burges in
Ramallah in Westiordanum, ond .vi. menn þe wæron þærinne wurdon geboren to
carcerne æt Jericho ond Bryttisce carcernweardas mid him.
  <br>- ii d: Her in Afghanistane Bryttisce sæfyrdmenn ongunnon seocan Talibanas
ond Al-Qaedan maran þonne twa míla ofer sæ in heam beorgum neam Khost þe eac
hatte Khowst in Paktia scire, ac hie ne fundon feond.
  <br>- v d: Her wæs heahfolccyre in Francrice ond Jacques Chirac feng to rice.
  <br>- vi d: Her in Norþymbralande scire eode fore deman Bobby Waugh for þæm þe
æt Hæþdune on þæm Wealle þurh his wanhydignesse he alyfede þa seocnesse fota ond
muða cuman in Brytene in Solmonðe geares .mmi..
  <br>- Her in Hilversum in Niðerlande sum Volkert van de Graaf asceat Pim
Fortuyn þe wæs lædere mægenwerodes þe standeþ wið leodum þe cumaþ in his
þeodland of oðrum þeodum.
  <br>- ix d: Her in Paktika scire in Afghanistane Bryttisce sæfyrdmenn fundon
feower loca-holan ond in him swiðe micelne hord wæpna ond in ánum hira wæs lád
for .xxx. miclum crætwægnum.
  <br>- x d: Her æfter fif wucum endode seo ymbsittung Cristi acennednesse
cyrice in Beþleheme, ond þa .xxxix. Palestinisce weargas utcwomon, ond man bær
þa .xiii. wyrste hira to Cyprus iege ond þær Bryttisce weardas heoldon hie, ond
man bær þa oþre .xxvi. hira to Gazalande. Ond on .xii. dæge man ongean halgode
þa cyrice.
  <br>- Her æt Potters Bar stoppungstede in Heorotfordscire dǣl
irenweg-weggemotes wearþ unfæst þenden gewægnoþ rann ofer him ond seo gewægnoð
bræc ond .vii. aswulton ond fyftig-gerim wurdon gewundode, ond se irenweg wæs
gesloten feower dagas, ond se stoppungstede wæs gesloten oþ morgen dæges .xx..
  <br>- xii d: Her in Baikonur woruldrumhýþe in Kazakhstane rof micles swiþe
boldes feoll ond eahta menn aswulton. Ond geo man getimbrode þone boþl for
Burane, ond Buran is Russisc woruldrumscytel<i>3)</i>, ond in Russiscum gereorde
`Buran' segþ `Siberiscne snawstorm'; ac hit fleag ane tide ond ne eode fulle ymb
þære eorþe.
  <br>- xiii f: Her fore sunnupgonge in Bretabý in Hudrædesfelde<i>1)</i> in
Eoforwicscire sum onǣlede hus ond seofon aswulton on fyre ond fyf hira
wæron geonge Asialandisce gesweostor, ond æfterra æweardas fengon feower
Asialandisce for þissum.
  <br>- xv d: Her sum seocnesse ropena ond magena ongann slean Bryttisce
fyrdmenn in Afghanistane ond man þearf sendan þreo hira to hame for þissum, ac
nænig hira aswulton.
  <br>- xvii d: Her in Paktia scire in Afghanistane ongann gefeoht Australiscra
fyrdmanna wið Talibanum, ond Bryttisce fyrdmenn eodon þider ond eac fuhton.
  <br>- xix d: Her in morgne Easttimor wearþ freo ond Antonio Guzman feng to his
rice. Ond .ccxx. þusend his folces aswulton in guþe for freodome wið Indonesiam.
  <br>- Ymb þissum dæge wæs gespræc þæt Bretland sceolde eftgifan Gibraltar to
Hispaniam, ac swiðe manige wiðcweðon þis. Ond Englaland nom Gibraltar of
Hispaniam in geare .mdcciv. ond in þære Utrecht-þingunge Hispania gaf Gibraltar
to Brynete á. Ond man segþ þæt Gibraltares nama wearþ of Arabiscum "Jabal Tariq"
þe segþ Tariqes beorg ond se Tariq wæs heretoga þara Muslima þe geo nom
Hispaniam of þæm Visigothiscum rice; ac sum segde þæt hit wæs "Jibr al-Târ" þe
segþ Holnæss.
 <br>- xxii d: Her se papa eode to Azerbaijane ond wæs þær twegen dagas, ond
æfterra he eode to Bulgariam, ond on .xxvi. dæge eft to Romam, ond man segde þæt
for ieldo ond seocnesse he nill oft ongean faran to ellorlandum.
  <br>- Ond nu <i>million</i> Indisce ond Pakistanisce fyrdmenn stodon wið
æghwylce oðere in Kashmire ond is wen guðe, ond begen habbaþ cyrnwæpen<i>2)</i>.
  <br>- Ond is sar hætu in Andhra Pradesh underrice in Indiam ond þær .mxxx.
aswulton of hire.
  <br>- xxv d: Her lyftcræft bræc in feower þenden hit fleag of Taiwane to Hong
Kong ond feoll in sæ ond .ccxxv. aswulton.
  <br>- xxvi d: Her in Mozambique neah Maputo irenweg-gewægnoþ feoll of his
wege hearde ond .cc. aswulton ond .cd. wurdon gewundode, ond Mozambiques ric
lagode þreo gnornugdagas.
  <br>- Her wæs heahfolccyre in Colombiam ond Alvaro Uribe feng to rice ond he
segde þæt he wolde macian his fyrde greatoran ond feohtan hearde wið his landes
wealdhergum ond <i>cocaine</i>hergum.
  <hr><b>1)</b> Birkby in Huddersfield (England).
  <br><b>2)</b> nuclear weapons.
  <br><b>3)</b> space shuttle.

  <hr><A NAME="Y02JUN"></A><B><FONT SIZE=+1>Anno MMII Midsumermonað</FONT></B>
  <br>- ii-iv dd: Her in Brytene wæs great mærung for þæm þe Elizabeth .ii.
cwen rixode fyftig gearu, ond heo is .lxxvi. gearu eald.
  <br>- Ymb þissum dagum wæs sceotende folcgefeoht in Belfast in Norþiralande
ond in Iriscum gereorde se stede hatte Beal Féirste þe segþ Sandgeweorpmúðan.
  <br>- ix d: Her wæs heahfolccyre in Francrice ond Jacques Chirac feng ongean
to rice.
  <br>- x d: Her Nelson Mandela cwom to Barlinnie carcerne in Glascú in
Scotlande to smeaganne þone hád hæftscipes þæs Abdulbaset Ali Mohmed al Megrahi
þe wæs án þara twega þe settede utberstend in þone lyftcræft þe feoll æt
Lockerby.
  <br>- Her in Kabule ongann <i>loya jirga</i>, þe is gemot Afghanistaniscra
folctogena to lagianne ond to gerædanne, ond mara þonne .md. cwomon þærto.
  <br>- Her æt Karshi Khanabad lyftfelde in Uzbekistanes suðan Americisce fundon
guð-atorlyfte in grunde ond þyncþ þæt hit wæs þær of Sovietiscum gearum ond hit
nis dæd þara Al-Qaedena.
  <br>- xii d: Americisc mann José Padilla wæs mándædhloðmann in Chicago ond in
carcerne he wearþ Muslim ond nemnede his sylfne Abdullâh al-Mujâhir ond on
þissum dæge man onfeng hine cumendne in þone USA of Pakistane for þæm þe he wæs
in gerǣdunge to macianne in þæm USA utberstunga þe wolde tobrǣdan
cyrnator<i>1)</i>.
  <br>- Her in Colorado underrice in Americam wurdon strange wealdfyr ond pleoh
for Denver ceastre. Ond in æfterdagum strange wealdfyr wurdon in Arizonam.
  <br>- xvi d: Her wæs heahfolccyre in Francrice ond Jacques Chirac feng eft to
rice.
  <br>- xx d: Her Israheles fyrd fór in ealle ceastra in Westiordanum, æfter þæt
Arabisce weargas ongean macodon utberstunga in Israhele.
  <br>- xxi d: Her on Sulu-sæ Philippinisc scipfyrd genemned <i>Naval Special
Warfare Group</i> sanc bát þe afliemde of Sibuco stede on Minandao iege ond
ofsloh Abu Sabaya ond twegen menn mid him ond feng feower menn, ond he wæs
heretoga þæs Islamiscan dyrnweargherges Abu Sayyaf. Ond in Arabgereorde Abû
Sayyâf segþ þæs sweordmannes fæder.
  <br>- Her wæs heard eorþstyren in Qazvin scire in Persealande, ond .ccxxii.
aswulton, ond his miht wæs Richter 6.3, ond his middanstede wæs æt Bouyn Zahra.
  <br>- xxii d: Her in huse in Sur Wipan wice neam Khost in Paktia scire in
Afghanistane Bryttisce sæfyrdmenn fundon swiðe micel hord wæpna þara Talibana
ond Al-Qaedena.
  <br>- Her wearð widcuð þæt sume Islamisce ond Al-Qaedisce geræddon tobrecan
Bologna mynstre in Italiam for þæm þe in him is eald weallfǣgung þe
gecyðeð þone witegan Muhammad in helle, ond man fægede hit in þæm .xv.ðan
gearhundræde æfter Cristes acennednesse; ac Italisce æweardas forstodon þa
gerædunge.
  <br>- Her in Tanzaniam irenweg-gewægnoð slád ond sloh oþre ond .cc. awsulton
oððe ma.
  <br>- xxv d: Her NASA lagode þæt his woruldrumscipu gehatene woruldrumscytelas
ne fleogen, for þæm þe man fand lytle acleofunge in fyr-fédendum ǣdrum
þara scipa Atlantis ond Discovery.
  <br>- xxvii d: Her ongann mót manigra þeodtogena æt Kanaskakis in Alberta
underrice in Canadan, to gerædanne ymb seocnesse ond deaðe in Africam.
  <hr><b>1)</b> <i>cyrn-</i> = "nuclear", compare German <i>Kern-</i>.

  <hr><A NAME="Y02JUL"></A><B><FONT SIZE=+1>Anno MMII Æfterra Liða</FONT></B>
  <br>- i d: Her Tupolev 154 lyftcræft fleag of Moskvan to Barcelonam ond Boeing
575 lyftcræft fleag of Bergamo in Italiam to Brussels, ond ofer Überlingen on
Konstanz-meres norðernan riman in Germaniam hie slogon æghwylc oðer ond .lxxxi.
aswulton ond .xlii. hira wæron Bashkirlandisce cildru ond Bashkirland is in
Russiam.
  <br>- Her æt Kakarak vice in Oruzgan scire in Afghanistane wæs weddung ond in
nihte men scuton in lyfte to mǣranne ond Americisc lyftcræft þohte þæt
hit wæs feondlic sceotung ond alyfede feallan utberstendas ond .xl. aswulton
oððe mára ond .lxx. wurdon gewundode.
  <br>- iv d: Her Israhelisc lugycræft fleag of Israhele to Moskvan ond ofer
Ukrainiam woruldrumstan feoll to eorþan neah him ond þæs lyftcræftes drifere
þohte þæt hit wæs fyrspere gescoten of grunde.
  <br>- vii d: Her wæs strang storm ond wind in Germaniam.
  <br>- Her þæt Bryttisce guðscip Nottingham sloh stan gehatenne Wolf Rock neane
Lord Howe iege neam Australiam ond sáre slát his sylf ond þæt wund is mara þonne
.c. fet lang.
  <br>- xiii d: Her feawe Moroccisce fyrdmenn fengon Isla Perejíl þe is swiðe
lytel ieg neah Ceuta in Gibraltar-nearwum ond heo is Hispaniae eac heo is nearra
Moroccolandes riman, ond hire nama segþ Petersilie-ieg. Ond ymb þissum dæge is
wiðcweþung betweox Brytene ond Hispaniam ymb Gibraltare. Ond Muhammad cyning
Morrocolandes weddede.
  <br>- xvii d: Here Hispania eft nom Isla Perejíl, ond heo wæs Hispanisc siþþan
geare .mdclxviii..
  <br>- xix d: Her dema demde þæt in Híde<i>1)</i> in Mameceastre
eastdǣle Harold Shipman acwellede .ccxv. leoda ond mæg beon þæt eac he
acwellede .xlv..
  <br>- xxii d: Her Israhelisc guðlyftcræft asceat hus in Gaza ceastre mid
fyrspere ond ofsloh .xv. Palestiniscra folca ond sum hira wæs Sheikh Salah
Shahada þe wæs lange heard weargheretoga þæs Hamases ond dyde micelne hearm. Ac
sume hira wurdon cildru.
  <br>- Her in Lundene demung demde þæt Nicholas van Hoogstraten sendede twegen
menn þe acwelledon be mannslohtre sumne Muhammad Raja, ond Hoogstraten wæs lange
heard wulfmod ond feohtendmod, ond he wæs sum þara weligostra manna in
Englalande, ond ærra he wæs in ceapunge mid þissum Muhammade Rajan.
  <br>- xxiii d: Her man lagode þæt Dr.Rowan Williams arcebiscep Weala will
weorðan se .civ.þa arcebiscep æt Cantwarabyrig þonne Dr.George Carey alæteþ his
þegnunge in Blotmonaðe geares .mmii..
  <br>- Her wearþ widcuþ þæt ymb þæm oþerum dæge þisses monþes tungolæmenn
fundon <i>asteroides</i> gehaten 2002NT7 ond hit is míl ond healf lang ond is
pleo þæt on þæm fyrmestum dæge Solmonþes geares .mmxix. hit will feallan on
eorþan mid micelre utberstunge ond fordon wide land ond manige ceastre manna.
  <br>- xxv d: Her in Mameceastre in Englalande ongunnon þa .xvii.þan
Gemænaweliscan<i>2)</i> plegan ond hie endodon on .iv.þan dæge Weodmonaðes. Ond
ærra þisra plegena <i>baton</i> wearþ geboren þurh manigum landum, ond se
æftemest þe bær hit wæs Kirsty Howard ond heo wæs siex gearu eald ond heo wæs
seoc mid misbytlung hire heorte ond heo a þurfte þone <i>oxygenés</i>, ond heo
gaf þone <i>baton</i> to Elizabeth cwene. Ond se Australisca swimmere Ian Thorpe
þe eac hatte se Thorpedo gefeng siex gyldene tácn siges.
  <br>- Her in Quecreek coldelfunge æt Somerset in Pennsylvaniam underrice sum
gemang nigon delferum þurh misgelimpe þurhdælf in ealdre wæterfullre delfunge
ond hira delfung wearþ full wætres ond hie fundon dryg hleo, ond man þurfte
macian hol of eorþes brede<i>3)</i> ond æfter .iii. dagum eall nigon wurdon
gerærede to lyfte libbende.
  <br>- xxvii d: Her forðferde Krishna Kant underforesittend Indiae, ond he
lifde .lxxv. gearu, ond he rixode fyf gearu, ond he wearþ acenned æt Kot
Muhammad Khan in Amritsar scire in Punjab underrice in Indiam.
  <br>- Her æt lyftcræftscawung neah L'vov in Ukrainiam Su-27 guðlyftfræft feoll
to eorþan ond ofsloh .lxxviii. ond wundode .cxv., ond his twegen scipmenn
utwurpon hire sylfe ond wurdon generede.
  <br>- xxix d: Her in Lundene Abdullah .ii. cyning Iordanes spræc mid Tony
Blair fyrmestscealc ond wísode þæt þa Arabþeoda noldon þæt America ond oðre
fóren to guðe wið Iraqe ac swiðor þæt frið sie gemang Israhele ond þæm
Palestiniscum.
  <br>- Her Ethiopisce Orthodoxisce munucas fuhton wið Coptiscum Ægyptiscum
munucum mid stanum ond isernum stafum on hrofe þære Haligan Licrestcyrice in
Ierusaleme, ond .xi. munucas wurdon gewundode.
  <br>- xxx d: Her cwom to dǣlum Brytene þunor ond monaðes regen in anum
dæge ond flod.
  <br><A HREF="#MONTHS"><I>(Back)</I></A>
  <hr><b>1)</b> Hyde in Greater Manchester (UK). The name means "a hide of
land".
  <br><b>2)</b> <i>Gemænawela</i> = Commonwealth.
  <br><b>3)</b> surface.

  <hr><A NAME="Y02AUG"></A><B><FONT SIZE=+1>Anno MMII Weodmonað</FONT></B>
  <br>- i d: Her in Barrey in Fuðarnesse<i>1)</i> seo Legionera seocnesse wearþ
in .cxxxiii. leoda oððe marum of lyftcólungsearwes wætre in boðle ond in
æfterdagum fyf hira aswulton. Ond ymb .xxii. dæge sume wurdon seoce mid
Legionera seocnesse ymb Smeoðawice ond Ealdbyrig ond Halum Owain<i>9)</i> ond án
hira aswealt.
  <br>- Her twegen mæden Holly Wells ond Jessica Chapman wurdon geloren ond hie
wunodon æt Sǣgháme<i>2)</i> in Grantabrycgscire. Ond manige sohton hie
ond swiðe manige gebiddon þæt hie lifden, ac on .xvii. dæge sum fand hie deade
neah Lacingahýðe<i>3)</i> þær is guðlyftfeld ond æweardas fengon þa twegen
Sæghamware Ian Huntley for hira morðre ond his mægðfreond Maxine Carr for þæt
heo derede dómes rinnunge. Ond on .xxi. dæge heo eode fore deman in Sancti Petri
byrig<i>4)</i> in démunghuse, ac forþý þuhte þæt Ian Huntley wæs wód man sendede
hine to Rammtúne<i>5)</i> wódhuse, ac þær man fand þæt he næs wód ond on .viii.
dæge Winterfylleþes he eode fore deman æt Sancti Petri byrig<i>4)</i>. Ond on
.xxx. dæge Weodmonaðes wæs halig begong for þara mædna gemynde in
Élgémynstre<i>10)</i>, forþý man hét .mm. léoda to þære begonge ond næs rýmet in
Sæghamcyrice for eallum.
  <br>- vi d: Her in Los Angeles wurdon getwæmde Guatemalisce getwinnas Maria
Theresa Quiej-Alvarez ond Maria de Jesús Quiej-Alvarez ond hie wæron geanlæhte
be hira heafdum swa læcas hátaþ <i>craniopagus</i>.
  <br>- xiii d: In þissum wuce swiðe great ond heard regen mid þunre feoll in
middan ond eastan Europan ond macode greatne deopne flod in Czechlande ond
dǣlum Germaniae ond Eastrices ond on Russiae særiman þære Sweartan Sæ,
ond .lxxx. aswulton oððe maran.
  <br>- xvi d: Her Iohannes Paulus .ii. papa eode to Kraków in Pola lande ond he
wæs þær feower dagas. Ond on .xvii. dæge he halgode scrín þær. Ond he is
.lxxxii. gearu eald ond he is seoc mid Parkinsones seocnesse. Godes miltse sie
mid him. Ond geo he wearþ acenned þær ond ær he hátte Vojtyla ond he is Polisc.
  <br>- xix d: Her in Baghdâde Saddâm Hussein sendede sume menn ond hie ascuton
þone hearmmæran Palestiniscan weargheretogan Abû Nidâl for þæm þe for ieldo he
forgýmede Saddâmes hæse þæt he tæce in guðe sume Al-Qaedisce þe afliemdon to
Iraqe. Ond þæt nama Abû Nidâl segþ Fæder Gefeohtes ond his rihte nama is Sabri
al-Banna. Geo Iesus segde þæt he þe lifþ be swurde will asweltan be swurde.
  <br>- xx d: Her wæs gerædung þæt Sikhas ond Hinduas in Eoforwicscire magen
sceadan hira deada æsce æt Æppuldorleahbrycge<i>7)</i> in Eore<i>6)</i> ea for
þæm hira folc ne þurfe beran oððe sendan hie to Indiam to Gangâ ea, for þæm þe
þa Hinduas geleofaþ þæt ealle ea flawaþ ætgædre to þæm godum ond beraþ þa deade
to Pitrlôka þe in Sanskrite segþ Fæderworuld. Ond sume Hinduas in Brytene
sceadað hira deada æsce in sæ æt Skarðaborg<i>8)</i>, for þæm þe ærra manige
Englalandes ea wæron fúle mid odena þreaxe ond manna fúlnessum, ac menn nu
hæfdon gemacode manige þisra ea ongean clæne.
  <br>- In þissum wuce wæs great ond heard regen in Yangtse-ea wonge in
Cinalande ond <i>million</i> Cinalandisce fuhton wið flódwætrum ymb
Dongting-lace ond in oðrum stedum.
  <br>- xxvi d: Her in Johannesbyrig in Suðafricam ongann great gemot gehaten
"World Summit". Ond in sume Bantuiscum gereordum se stede hatte Egoli, þe segð
Goldstede.
  <br>- xxix d: Her in Berline Mounir al-Motasaddeq eode fore deman for
.mmmcxvi. sacum<i>11)</i> fultuma for morðre ymb þæm dædum æt þæm
Woruldceapungtorrum, ond he is Moroccisc. Ond in Seattle in Americam siex menn
eodon fore deman for þæm hie woldon don hearm ond deað æt Las Vegas ond æt þæm
greatum plegstede cildra in Californiam þe hatte Disneyland.
  <hr><b>1)</b> Barrow in Furness. (c.1150AD "Fuþþernessa")
  <br><b>2)</b> Soham (Cambs.). The name means "swampy-pool homestead".
  <br><b>3)</b> Lakenheath. The name means "the landing-place of those who dwell
by streams".
  <br><b>4)</b> Peterborough.
  <br><b>5)</b> Rampton (Notts). The name means "ram farmstead".
  <br><b>6)</b> River Aire (Yorkshire). The name came from Celtic.
  <br><b>7)</b> Apperley Bridge. The name means "apple(tree) meadow".
  <br><b>8)</b> Scarborough. The name is Old Norse for "Skarði's fort".
  <br><b>9)</b> Smethwick, Oldbury, Halesowen (= the settlement of the smiths;
the old fort; the corners of land (owned in the 13th century by a Welsh prince
named) Owain.)
  <br><b>10)</b> Ely. The name means "eel region".
  <br><b>11)</b> <i>sacu</i> = "a case at law". From it comes English "sake".

  <hr><A NAME="Y02SEP"></A><B><FONT SIZE=+1>Anno MMII Hærfestmonað</FONT></B>
  <br> In þissum monaðum wæs lang heard dryhþ in Australiam.
  <br>- v d: Her in Afghanistane in Kandahare sum sohte asceotan Hamid Karzai,
ac ne wundode hine, ond Americisce weardas weredon hine, ac .iii. aswulton. Ond
sum macode utberstunge in Kabule ond acwellede .xv. oððe máran. God bringe frið.
  <br>- Her .c. Americisce ond Bryttisce guðlyftcræft sloh H3 guðlyftfeld in
Iraqes westdǣle. Ond is wen guðe wið Iraqe.
  <br>- vii d: Ymb þissum dæge in Afghanistane Hamid Karzai fleag to
Panjshir-dæle to seonne Ahmad Shah Massoudes byrgne.
  <br>- Her in Philadelphiam in Americam forðferde Lieutenant-Colonel Uriel Gal,
æfter þæt he wæs lange seoc, ond he wæs Israhelisc, ond he lifde .lxxix. gearu,
ond he ærest macode þæt manigsceotende fyrwæpn Uzi. Ond he cwom to Israhele of
Germaniam in geare .mcmxxxvi. æfter þæt Hitler feng to rice. Ond on .xiii. dæge
he wearþ bebyrged æt Kibbutz Yagur in Israhele.
  <br>- ix d: Her swiðe heard regen feoll on Brytene. Ond in Francrice ymb Nimes
ond Avignon feollon mara þonne twegen fet regnes ond macodon flod.
  <br>- xi d: Her in manigum stedum wæron halige begonga in gemynde þara déaða
þisses dæges in geare .mmi..
  <br>- xiv d: Her in Karachi in Pakistane mid fultume þara Americiscena FBI ond
CIA æweardas fengon Ramzi Binalshibh ond he wæs heah hlóðtoga in þæm Al-Qaeda.
  <br>- xvi d: Her in Japane Kamato Hongo wearþ .cxv. gearu eald ond heo is
ieldest in worulde.
  <br>- xx d: In þissum wucum wæs gefeoht in Elpendbánsæriman<i>3)</i>.
  <br>- xxii d: Her wæs heahfolccyre in Germaniam ond Gerhard Schröder nearulice
feng to rice.
  <br>- xxiii d: Her án stund æfter middannihte wæs eorþstyren æt Duddalea neam
Beornmundingahame<i>1)</i> in Englalande, ond his miht wæs Richter 4.8, ond hit
afyllede suma húsa récsýla<i>2)</i>. Ond in morgne wæron æfterstyrena.
  <br>- xxiv d: Her Israheles fyrd fór mid .xxx. scriðdracan in Gaza-land ond
fordyde .xiii. wæpen-odena ond ofsloh nigon Palestinisce. Eac hie gier besitton
Yasser Arafates burh in Ramallah in Westiordanum ond þærinne sind .cc. menn ond
Israhel segþ þæt hie sind mándædwyrcan.
  <br>- Her in Gandhinagar þe is Gujarates underrices heafodstede in Indiam
twegen Muslimisce wælwulfas eodon in Akshardham hearg ond ofslogon .xxix.
oððe mara ond wundodon mara þonne .lxx. ond is wen onwrecunge.
  <br>- xxvii d: Her neah Senegales særiman bat sanc ond þusend folca wæron in
him ond áne .lxiv. wurdon generede.
  <hr><b>1)</b>Dudley near Birmingham.
  <br><b>2)</b>smoke-pillars = chimneys.
  <br><b>3)</b>Ivory Coast in Africa.

  <hr><A NAME="Y02OCT"></A><B><FONT SIZE=+1>Anno MMII Winterfylleð</FONT></B>
  <br>- ii d: Her ond in æfterdagum sum dyrnfeorrrihtsceotend in Washington in
Americam sceat .xiii. folca ond teon hira aswulton. Ond on .xxiv. dæge man feng
hine ond he wæs John Allen Muhammad ond he is Americisc ond ærra he wearþ Muslim
ond ærra he hatte John Williams. Ond mid him wæs sum John Lee Malvo.
  <br>- vi d: Her forðferde Claus æþeling þara Niþerlanda ond his wif is Beatrix
cwen Niðerlandes ond he lifde .lxxvi. gearu.
  <br>- vii d: Her Israheles fyrd fór in Khân Yûnis ceastre in Gazalande.
  <br>- viii d: Her wearþ widcuþ þæt tungolæmenn fundon niwne woruld þe færþ ymb
sunne ond hie heton hit Quaoar ond hit is .dccc. mila brad ond hit is .iv.
<i>billion</i>es mila of sunne. Ond geo þæt Tongva folc wunode in Los Angeles
wonge ond hie segdon þæt se scyppend hatte Quaoar.
  <br>- x d: Her sum macode micle utberstung in wægne æt nihtwynnbolde gehatenum
Sari in Kupa ceastre on Bali iege ond manige bold ymb him wurdon swifte to
heardum fyre, for þæm þe hie wæron swiðe bærnlice ond in him wurdon manige fatu
fyrlyfte for cócunge. Ond .x. Baliware aswulton oððe mara. Ond .xi. Bryttisce
aswulton ond man ne mæg findan .ix.. Ond .xx. Australisce aswulton ond man ne
mæg findan .clx., for þæm þe manige Australisce gaþ þider for wynne. Ond manige
wurdon gewundode. Ond æfterra man segde þæt .clxxx. oððe .cc. eallra þeoda
aswulton. Ond sume secgaþ þæt þis is Al-Qaedena geweorc. Ond nis gylt in þæm
Baliwarum, ac hit wæs of utan. Ond mæst dǣl Indonesiae is Muslimisc, ac
.xix. Baliware in ælcum .xx. sind Hinduisce. Ond man fand þæt se utberstend wæs
C4 ond mæg beon þæt hit cwom of Indonesiae fyrde ond mæg beon þæt se Americisca
CIA gaf hit geo to þæm Mujâhidînum in Afghanistane þenden wæs þæt Sovietisce ric
þær ond þanon hit cwom æfterra to Al-Qaedan.
  <br>- xv d: Her wæs heahfolccyre in Iraqe ond Saddâm Hussein feng ongean to
rice, ac he wæs se ána þe wæs to ceosanne.
  <br>- xvii d: Her æt Canaveral-næsse cwom ongean to eorðe Piers Sellers, ond
he fleag .xi. dagas in woruldrúmscytele, ond he eode ut of scipe in
woruldrumreafe þreo siðas to bytlanne se <i>International Space Station</i>, ond
he wæs se þridda Bryttisce mann þe fleag in woruldrume ond se fyrmest þe eode ut
of woruldrúmscipe in woruldrúmréafe. Ond he wunaþ æt Cráwbeorge<i>1)</i> in
Súðseaxnum.
  <br>- xx d: Ymb þissum dæge Paul Butler wínscealc for þæn cynecynne ongann gán
fore deman at þæm Old Bailey in Lundene for þæt he stalode .cccx. þing of Dianae
æþelingene æhte æfter þæt heo forþferde, ac on þæm fyrmestan dæge Blotmonðes
Elizabeþ cwen self wísode to þære démunge þæt he nom þa þing be hire
lǣfe, ond seo spǣc feoll, ond on þæm æfterran dæge se dema segde
þæt he næs gyltig, ond seo spæc foræt <i>million</i> ond healf punda.
  <br>- xxi-xxiii dd: In þissum dagum in Mameceastre eastdǣle wæron .xli.
lytle eorþstyrena, ond þære strengstan miht wæs Richter 3.9 ond hit wæs æt
Byxewíce<i>2)</i>.
  <br>- xxiv d: Her hloð Checheniscra wearga mid fyrstafum ond utberstendum nom
truðbotl in Melnitskova-stræte in Moskvan ond nom .dcc. gislas. Ond on .xxv.
dæge Russisce fyrdmenn foron þærinne ond bleowon innan þa slǣplyfte
<i>halothane</i> to aswebbanne ealle ond asceoton ealle .liv. þara wearga, ond
.cxv. þara gisla aswulton be þære sleoplyfte oððe þonne hira spiwða eode in hira
lungena, ond .iii. hira wurdon ascotene, ond hit macode manige hira seoce.
  <br>- xxviii d: Her in Englalande ond Wealum wæs heard stormwind þe afyllede
swiðe manige treow ond derede botl ond dyde hearm mid weorðe fyftiga
<i>milliona</i> punda, ond .vii. aswulton. Ond eac wæs stormwind in dǣlum
Europae.
  <br>- Her in Siciliam se fyrbeorg Etna onwac.
  <br>- Her þæt Niðerlandisce scip Swan ongann beran þæt Bryttisce guðscip
Nottingham to hame of Sydney-hýðe in Australiam, ond hit will cuman to Brytene
æfter .vi. wucum.
  <br>- xxxi d: Her wæs eorþstyren in Campobasso scire in Molise lande in
Italiam ond his miht wæs Richter 5.4, ond in San Guiliano di Puglia tæcungbold
feoll þenden cildru ond tæceras mærodon for Eallra Haligra mæssæfne þærinne, ond
.xxvi. cildru ond án tæcere aswulton. Ond twegen aswulton in husum. God sie mid
hira cynnum. Ond on .iii. dæge Blotmonðes þa .xxix. wurdon gebyrgede ætgædre.
  <br>- Man macaþ .lxvii. Apache guðwingwindendas æt Gifle in
Sumersætum<i>3)</i>, ond on þissum dæge wearþ widcuþ þæt maran þonne healf hira
sculon gán in fyrdheddærne æt Scrobbesbyrig<i>4)</i> and ne to guðe, þurh
greatan wanan hira drifera ond þurh unfulfremmingum.
  <hr><b>1)</b> Crowborough in Sussex in England.
  <br><b>2)</b> Beswick. The name means "box-tree dairy farm".
  <br><b>3)</b> Yeovil in Somerset.
  <br><b>4)</b> Shrewsbury.

  <hr><A NAME="Y02NOV"></A><B><FONT SIZE=+1>Anno MMII Blotmonað</FONT></B>
  <br>- In þissum geare wæs heard dryhþ in Ethiopiam, and þe lencteniscan regnas
ne feollon, ond þa æftersumoriscan regnas wæron swiðe lytle, ond is wen hungres
for .xv. millionum folca. On dǣl Ethiopae is wielleland for Níl-ea ond is
wen wanan wætres for Ægypte. Godes miltse sie.
  In þissum monaðe in Guangdong underrice in Cinalande ongann niw seocnesse
lungena gehaten SARS, þe is <i>Severe Acute Respiratory Syndrome</i>.
  <br>- i d: Her Nelson Mandela eode to Dianae æþelingene byrgne æt Ollaþorpe in
Norþhamtunscire.
  <br>- iii d: Her in Ecuadore se fyrbeorg La Reventada onwac ond his æsce
feoll in Quito ceastre.
  <br>- Her in Ma'rib scire in Yemene Americisc drifereleas guðcræft þæs CIA
gehaten Predator ofsloh mid fyrspere wægn ond siex Al-Qaedisce in him, ond án
hira wæs Qaed Salim Sinan al-Harethi þe eac hatte Abu Ali, ond he wæs heah in
Al-Qaedan.
  <br>- vi d: Her in Gibraltare wæs folccyre to findanne hwæðre man scule gifan
to Hispaniam dǣl rices Gibraltares, ond .mdccxc. segdon nic ond
.clxxxvii. segdon giese.
  <br>- xiii d: Her Brytene fyrfeohteras ongunnon alættan hira geweorc ymb
sceattum, swa in níwenglisce hatte strícung. Ond þenden hira strícunga rinnaþ,
fyrdmenn móton feohtan þa fýr, mid ealdum fyrdlicum fyrwægnum þe hataþ Gréne
Gydena, ond sind .dcccxxvii. Grene Gydena in Brytene.
  <br>- Her Saddâm Hussein segde þæt he will alyfian wæpn-insceaweras gan in
Iraq.
  <br>- Her þæt micle ele-berend Prestige cléaf on anre side in storme neah
særiman Galiciae þe is Hispanialandes norþwesterna ende, ond of him fleow micel
ele þe macode fulan þone særiman ond fordyde þa sæfiscunge, ond on .xix. dæge
hit cléaf in twæm ond sanc.
  <br>- xv d: Her in seochuse æt Sancti Eadmundes Byrig seo seocnesse
<i>pneumonia</i> anom þa hearmmæran ond láðnaman Myra Hindley, ond heo wæs in
carcerne .xxxvi. gearu for þæm þe heo ond Ian Brady acwelledon cildru ond
byrgedon hie dyrne in Sadolworþmóre, ond heo lidfe .lx. gearu.<i>1)</i>
  <br>- xvii d: Her in seochuse neam Tel Avive forðferde Abba Eban, ond he lifde
.lxxxvii. gearu, ond ærra he wæs fyfteon gearu án Israheles þeodtogena.
  <br>- xxi d: Her in Sló in Berrocscire in Englalande dema demde þæt Anne
æðelingen wæs gyltig mándæde, under þære Frecenra Hunda Æwe, for þæm þe sum hire
hunda bát twegen cildru in Windelesóran Greatan Pearroce on fyrmestum dæge
Eostermonaðes, ond heo is fyrmest Englalandes cynecynnes þe wearþ gedemed gyltig
mándæde.
  <br>- xxiv d: Her in Siciliam se fyrbeorg Etna onwac ond menn fuhton hearde
wið eam gemoltenes stanes æt Rifugio Sapienza skiðungsetle<i>2)</i>, ond mæg
weorðan pleoh for Nicolosi ceastre.
  <br>- Her in seochuse æt Dundee in Scotlande forþferde David Mcrae þurh þære
hundwódnesse þe in Boclædene hatte <i>rabies</i>, ond ærra hréaðmús bát hine,
ond he wæs se fyrmest þe wearþ seoc mid hundwódnesse in Brytene in .c. gearum.
   <br>- xxviii d: Her in gasthuse in Mombasa in Kenya lande sume weargas macode
utberstung ond fyr, ond aswulton þreo Israhelisce ond nigon Kenyisce. Ond sume
scuton twegen fyrspere to lyftcræfte þenden hit fleag þanon to Israhele, ac God
gaf þæt bá missedon. Ond in æfterdagum mara þonne .ccc. wæpnedmenn Israheles
fyrdum ond þæs dyrnþeowotes Mossad flugon to Kenyan.
  <hr><b>1)</b> Bury St.Edmunds, Saddleworth Moor.
  <hr><b>2)</b> ski center.

  <hr><A NAME="Y02DEC"></A><B><FONT SIZE=+1>Anno MMII Geolmonað</FONT></B>
  <br>- i d: Her in Lundene wurdon acennede geanlæhte getwinnas Zainab ond
Jannat Rahman, ond in Æftergeole geares .mmiii. man getwæmed hie in Great
Ormondstræt seochuse in Lundene, ond hie begen libbedon. Ond hie sind mægd, ond
hie wæron <i>thoracopagus</i>.
  <br>- iii d: Her Jan Harlik wæs fore deman æt þæm Old Bailey in Lundene for
þiefðe frætwa Dianae æþelingene, ac Brytene wealdere demunga<i>1)</i> lagode þæt
he sie ne gyltig.
  <br>- iv d: Ymb þissum dæge ymb Sidney ceastre in Australiam wæron þa
greatostan wealdfýr in .c. gearum ond heard dryg wind of westwestenne draf hie.
  <br>- Her in Suðafricam wæs <i>eclipsis</i> þære sunne.
  <br>- Her man anom ealle setlwaran of Sangatte fleogendsetle neam Calais in
Francrice ond sendedon hie to Brytene, ond hie sind .mcd., ond manige hira sind
Kurdas of Iraqe.
  <br>- v: Her Israheles fyrd fór in Gaza-lande ond teon Palestinisce aswulton
in gefeohte oððe maran.
  <br>- xxv d: Her in dǣlum Americae wæs heard wind ond snaw þurh Geole.
  <br>- Her Israheles fyrd eodon ut of Beþleheme for Christes mæssdæge.
  <br>- xxvi d: Her Israheles fyrd eode ongean in Beþlehem. Ond in Qabatîya wice
in Westiordanum Israheles fyrd asceat Hamza Abu Rob ond he wæs heretoga þæs
weargheres Islamiscan Jihâdes.
  <br>- Her Americisc <i>sectus</i> gehaten þa Raeliens segde þæt sum his macode
wifes cild gehatene Eve ond heo is <i>clonus</i> hire modores, ac sume secgaþ
þæt þis is forléogung. Ond se <i>sectus</i> geleofaþ þæt
woruldrum-ellorwihtas<i>2)</i> macode þa ærestan menn.
  <br>- xxxi d: Ymb þissum dæge heard regen macode flod in Englalande. Ond se
hweolstorm Zoe fordyde Anuta ond Fataka ond Tikopia ieg in þæm Solomon-iegum mid
winde þe wæs swiftora þonne .cc. mila in stunde. Ac nænig aswealt þurh þissum.
  <br>- Her in Dofer-nearwum þæt greate wægnberendscip Tricolor sloh scip ond
sanc, ond hit bær .ccc. niwe wægn. Ond in æfterdagum twa scip slogon þæt
Tricolor.
  <hr><b>1)</b>Director of Public Prosecutions.
  <br><b>2)</b>space-aliens.
  <hr><A HREF="nasc2003.htm#Y03JAN"><i>(to next year)</i></A>

  </HTML>