<HTML><HEAD><meta http-equiv="Content-Type"content="text/html;charset=utf-16">
  <TITLE>The New Anglo-Saxon Chronicle for 2004 AD</TITLE></HEAD><BODY>
  <CENTER><B><FONT SIZE=+1>THE NEW ANGLO-SAXON CHRONICLE 2004 AD: TIDUNGA ON
ENGLISCE MMIV AD</FONT></B></CENTER>

  <A NAME="MONTHS"></A><B><FONT SIZE=+1>Pointers to monthly sections</B></FONT>
  <A HREF="#Y04JAN">2004Jan</A> <A HREF="#Y04FEB">2004Feb</A>
  <A HREF="#Y04MAR">2004Mar</A> <A HREF="#Y04APR">2004Apr</A>
  <A HREF="#Y04MAY">2004May</A> <A HREF="#Y04JUN">2004Jun</A>
  <A HREF="#Y04JUL">2004Jul</A> <A HREF="#Y04AUG">2004Aug</A>
  <A HREF="#Y04SEP">2004Sep</A> <A HREF="#Y04OCT">2004Oct</A>
  <A HREF="#Y04NOV">2004Nov</A> <A HREF="#Y04DEC">2004Dec</A>
  <br><A HREF="nasc.htm#YEARS"><I>(Back to main page)</I></A>
 
  <hr><A NAME="Y04JAN"></A><B><FONT SIZE=+1>Anno MMIV Æfterra Geola</FONT></B>
  <br>- i d: Her in Englalande on Niwgearnihte wæs heard wind on Englalande ond
snaw on Scotlande ond Norþymbrum ond sare derede þa Niwgearmærunge. Ond of þæt
cwom great wana <i>electricitatis</i> in Scotlande ond Norþymbrum.
  <br>- ii d: Her wearþ widcuþ þæt in Curugsewu deorstede in Kendal ceastre in
middan Java iege in Indonesiam is great snaca þæs cynnes <i>reticulated
python</i> ond hit is .xlix. fet lang ond his gewiht is .cmlxxxv. pund. Ond menn
fengon hit on Sumatra iege suðan þær se Kubu cynn wunaþ in wealde ond þa Kubu
heoldon hit ond feddon hit ond lagodon þæt hit wæs hira rixiend. Ond hit æt
fyf-gerim hunda in æghwylcum monaðe.
  <br>- Her NASAn mannleas woruldrumscip Stardust fleag neah þære <i>cometam</i>
Wild-2 ond hit wæs .cxlv. mila of þære cometam ond .ccxlv. ond healf millionas
mila of eorðan ond hit feng dust of þære cometam ond in geare .mmvi. hit will
bringan hit eft to eorþan.
  <br>- iii d: Her Ægyptisce folcberende lyftcræft feoll in þa Readan Sæ seofon
mila suþ of Sharm el Sheikh dyfungceastre þenden hit fleag of Sharm el Sheikh to
Cairo to ganne to Parise ond ealle .cxlviii. aswulton þe hit bær ond .xiii. hira
wæron his Ægyptisce scipmenn ond .cxxvii. þara oþrena wæron Frencisce. Ond in
geare .mmiii. wæron .clxii. mislimp lyftcræfta buton hergum ond fyrdum ond in
him .mcc. aswulton. Ond sume secgaþ þæt þis wæs mislimp ond ne dæd dyrnwearga.
  <br>- iv d: Her fore eorðan sunnupgonge NASAn mannleas woruldrumscip Spirit
cwom to lande on Mars worulde in heofonstánslegeseaðe gehatenum Gusev ond hit is
hál ond hit andswarode to Eorþan. Ond þes Gusev is greatora þonne Connecticut
underric ond sume secgaþ þæt geo wæs lacu wætres þærinne, ond þær wæs wæter, mæg
beon þæt þær wæs líf. Ond Spirit fleag seofon mónþas of Eorþan.
  <br>- Her Blair fyrmestscealc Englalandes fleag to Basran in Iraqe to seonns
his fyrde.
  <br>- vii d: Her in Cambodiam wæs mærung for þæm þe on þissum dæge in geare
.mcmlxxix. Vietnames fyrd fór in Phnom Penh þe is Cambodiae heafodceaster ond
aweorp Pol Pot of his rice, ond ærra Pol Potes ric acwellede maran þonne
<i>million</i> ond healf þæs folces.
  <br>- viii d: Her æt Suðhamtune<i>1)</i> Elizabeth cwen Englalandes nemnede
þæt miwe greate folcberende scip Queen Mary 2.
  <br>- ix d: Her in Iraqes suðan Denisce fyrdmenn fundon .xxxvi. utberstendas
for þæm <i>mortar</i> ond in him is poccmaciende atorlyft<i>2)</i>. Ond hie
wæron gebyrgede þær teon gearu oððe maran.
  <br>- xiii d: Her fore sunnupgonge in Wacufeld carcerne<i>3)</i> man fand þæt
Harold Shipman heng his sylfne in nihte mid beddlíne. Ond þæm niehstan dæge he
weorþe .lviii. gearu eald. Ond þurh .xxiii. gearu in Híde ond
Tottamǣredene<i>4)</i> he acwellede .ccxv. oððe maran.
  <br>- xv d: Her in Australiam se ærest irenweg-gewægnoð rann of Adelaide to
Darwin þurh Australiae greatan middanwestenn, ond se gewægnoþ wæs neah mile
lang., ond se irenweg hatte se Ghan.
  <br>- Her in Iraqe þa ealdan sceattwritunga berende Saddâmes wlitan wurdon
unæwlic for ceapunge ond gieldunge.
  <br>- xvi d: Her in Gusev seaðe on Marse se mannleasa wægn Spirit Rover fór
utan of his scipe.
  <br>- xvii d: Her in Lundene Dr.Panos Zavos segde þæt he ongann macian
<i>clonus</i> mannes ond he settede þæt æg in wife þonne hit hæfde geworden
ðoðor <i>cellul</i>ena.
  <br>- xviii d: Her in Baghdâde sum ofsloh his sylfe maciende utberstunge æt
geate þara Americiscena heafodbolde þe ærra wæs sum Saddâmes cynehealla, ond
acwellede .xx. oððe maran ond wundode maran ðonne .xc.. Ond mæste hira sind
Iraqisce. Swylc yfel wierþþ of sume Islamisce prediciunga. Ond þæt geat hatte
þara <i>Assassin</i>ra geat, ond <i>Assassin</i> geo wæs Arabisc
<i>hashshâshîn</i>, þe is menn þe geo in Alamut byrig neah Qazvin in Îrâne ymb
gear .mc. weorþaþ hearde mannbanan þurh etunge þone <i>hashîsh</i> þe eac hatte
cannabis mid beswicunge þæt hie foron to Godes heofone ond ongean to eorðan.
Swylc yfel doð þa wynn-ator.
  <br>- xix d: Her þæt ládberende scip Rocknes fór of Bergen hýðe in Norðwege
andlang Raunefjord ond hit awilwede ond sanc ond .iii. his .xxx. scipmanna sind
deade ond .xii. sind generede ond man ne mæg findan .xv.. Ond man nerede .iii.
þara .xii. þurh ceorfunge hol in þæs scipes boðme. Ond mæste his scipmanna wæron
Philippinisce. Ond in þara Wicinga tide Bergen hatte Bjorgyn.
  <br>- xx d: Her in Leyte provinciam in Philippin-iegum heard regen macode
eorþslidunge þe acwellede .lxxvii. ond man ne mæg findan .cxiii. ond þis wearþ
of afyllunge treowa on hliðum.
  <br>- xxiii d: Her Brytene lagode þæt hanena flæsc ne mæg coman to Brytene of
Thailande þurh pleo þære seocnesse þe hatte fugla <i>influenza</i>. Ond seo
seocnesse acwellede ánne mann in Thailande ond siex in Vietname.
  <br>- Her in Srirangam ceastre in Tiruchchirâpalli scire in Tamil Nadu
underrice in Indiam wæs weddung ond fyr wearþ þurh misgelimpe ond se brideguma
ond .d. oþþe maran aswulton ond .lxxv. wurdon gewundode.
  <br>- Her þæt mannlease woruldrumscip Mars Express fand þæt on Mars worulde is
ís wætres ymb his suðernan <i>polum</i> ond ne ána ís þæs <i>carbon dioxide</i>.
  <br>- xxiv d: Her on Isandhlwana beorge in Suþafricam wæs great gemot
Zuluiscra for þæm on þissum dæge in geare .mdccclxxix. Bryttisce fyrd fohte wið
Zuluiscre fyrde ond þa Zuluisce ahton wælstowe gewald ond aswulton .mcd.
Bryttisce ond .mmm. Zuluisce ond feawe Bryttisce oferlibbedon þeah þa Bryttisce
hæfdon fyrstafas ond þa Zuluisce áne hæfdon garas ond scyldas ond cycgelas. Ond
þæt nama Isandhlwana segþ cy oþerran magan þe deorlæcas hataþ <i>reticulum</i>,
for þæs beorges hiwe.
  <br>- xxv d: Her þæt Americisce mannlease woruldrumscip Opportunity cwom to
lande on Mars worulde on Meridiani Planum wonge.
  <br>- xxviii d: Her in Lundene Garry Davies alætte his ric þæs Bryttiscan BBC
for þæm geðinge þæs David Kelly.
  <br>- xxx d: Her Musharraf foresittend Pakistanes aweorp Abdul Kader Khan of
his searuscealcscipe for þæm þe he sealde cyrncyððu to Irane ond
Libyam<i>5)</i>.
  <hr><b>1)</b> Southampton.
  <br><b>2)</b> blister gas.
  <br><b>3)</b> Wakefield (Yorkshire). The name means "festival field".
  <br><b>4)</b> Hyde and Todmorden.
  <br><b>5)</b> scientific advisor, nuclear information.

  <hr><A NAME="Y04FEB"></A><B><FONT SIZE=+1>Anno MMIV Solmonað</FONT></B>
  <br>- i d: Her æt þæm Hajje æt Mina neah Meccan .ccxliv. aswulton þurh
þringunge ond atredunge æt þære deofolstanunge ond .ccxliv. wurdon gewundode.
Ond þis is se greatost deaþ æt þæm Hajje siððan .mcdxxvi. aswulton þurh
þringunge in þyrelwege in geare .mcmxc.. Ond twa <i>million</i> cwomon to þissum
Hajje.
  <br>- Her æt Irbil in Iraqe twegen acwelledon hira synfe maciende utberstunga
æt twæm boldum Kurdiscra mægenweroda ond .lvii. oððe maran aswulton þenden hie
wæron æt þæm Muslimiscan mæssedæge Eid-al-Adha. Ond sume secgaþ þæt þis is of
Al-Qaedan oþþe Ansar-al-Islam.
  <br>- ii d: Her in Konya in Turklande boðl feoll ond ofsloh .lxviii. ac on
.viii. dæge man fand sumne Muhammet Kalem þærunder libbendne.
  <br>- iii d: Ymb þisne dæg in Haiti folchere wearþ ond ongann feohtan wiþ
Haitis rice ond on .xxiii. dæge hie fengon Cap Haitien ceastre.
  <br>- iv d: In þissum wuce lang heard regen macode flod in Englalande ond
Wealum, ond æt Capel Curig in Wealum feollon fot ond healf regnes in fyf dagum.
  <br>- Her wearþ widcuþ þæt in Suþende<i>2)</i> in Eastseaxnum man fand
byrgunge ond in hire manige dyre mæðmas swa cyninges byrgung ond þyncþ þæt man
byrgede hine in onginnunge þæs seofoþan gearhundrædes æfter Xti acennednesse.
Ond mæg beon þæt he wæs Sæberht ond he rixode in Eastseaxnum of .dciii. to
.dcxvi. ond he wæs se ærest Cristen cyning Eastseaxna, ac æfterra his cynn wearþ
ongean hæðen.
  <br>- v d: Her æfter middandæge .xxxiv. Cinalandisce eodon on Lónéamúðan
sandum þe nu hatte Morecambe Bay to nimanne sæcoccas<i>1)</i> ond þære sæwe
faroð nam .xxi. hira ond hie adruncon ond .xvi. wurdon generede ond man fand
.xix. hira lica. Ond .xx. hira cwomon of Fujian underrice ond án hira of
Liaoning underrice in Cinalande. Ond æfterra æweardas fengon seofon menn for
þissum. Ond on .iii. dæge Þrimilcemonaðes man fand gebrosnode lic ánes hira neah
on særiman æt Boðltúne þara Sanda<i>6)</i>.
  <br>- vi d: Her sum macode utberstunge on folcberendum undergrundiscum
irenweg-gewægnoþe in Moskvan ond acwellede .xxxix. ond wundode .cxxix..
  <br>- Her in Dominica wæs læcung for Rebeca Martinez for þæm þe heo hæfde
oþer heafod geanlæhte on tope hire heafdes <i>craniopagus</i>lice, ac æfterra
heo aswealt þurh bledunge, ond heo lifde seofon wuce.
  <br>- Her in Haiti sume ongunnon feohtan wiþ rice Jean-Bertrand Aristide
foresittendes.
  <br>- vii d: Her forðferde Norman Thelwell se mæra mæcere þara gelicnessa þe
hátte <i>cartoons</i>, ond he lifde .lxxx. gearu.
  <br>- viii d: Her Charles æþeling fleag to Basra in Iraqe ond wæs þær siex
stunde, ond æfterra he fleag to Tehran.
  <br>- ix d: Her Charles æðeling spræc þær mid Mohammed Khatami foresittende
Iranes ond eode to Bam þær ærra wæs eorþstyren, ond æfterra he fleag to Riyadh.
  <br>- x d: Her in Iskandarîya in Iraqe sum macode utberstunge in wægne neah
æwearda bold ond ofsloh .xlix. oððe maran ond mæst dæl hira sind Iraqisce þe
woldon weorðan æweardas.
  <br>- Her Iranisc lyftcræft cwom to Sharjah lyfthyðe in Arab-landum ond feoll
to grunde ond .xliii. aswulton.
  <br>- xi d: Her in Baghdâde in Iraqe sum macode utberstunge in wægne neah
fyrdbold ond ofsloh .xlvii. oððe maran ond mæst dæl hira sind Iraqisce þe woldon
weorðan fyrdmenn.
  <br>- Her wæs snaw ond eorðstyren in Israhele, ond on .xiv. dæge in Ierusaleme
eald weall feoll in wifa ábiddunggearde on Heargbeorge neah þæm Westwealle, ac
God gaf þæt nænig wearþ gewundod.
  <br>- xiii d: Her æt Morecambe lífbáthýðe wæs Buddhisc halig begong for þæm
.xx. Cinalandiscum sæcoccfiscerum.
  <br>- Her man feng Ryan Anderson for þæm þe he sohte sendan fyrde dyrnláre to
Al-Qaedan ond he is Americisc scriðdracamann ond his fyrdset is Fort Lewis in
Washington underrice ond he wearþ Muslim in geare .mcmxcix.. Swylc uninholdnesse
wierþþ of Islame.
  <br>- Her wæs snaw ond heard forst in Athens in Greclande.
  <br>- xii d: Her Harry sunu Charleses æþelinges Englalandes eode to Lesotho
ond will weorcan þær þreo monðas.
  <br>- xiv d: Her in Fallûja in Iraqe seofontiggerim wearga fuhton wið
æweardboðle ond aswulton .xviii. æweardas ond feower weargas ond feower Iraqisce
þe næron in þæm gefeohte. Ond sume þara wearga ne wæron Iraqisce.
  <br>- Her in æfne in Moskvan in Russiam micles swimmungboðles glæsen hrof
feoll þurh gewiht snawes ond .xxvi. aswulton ond .cx. wurdon gewundode, for þæm
þe gebrocen glæs cierfþ swa sweord. Ond manige nacode for swimmunge þorfton
utgan in snawe ond heardum wintercyle þe wæs -20ºC. Ond in ærdagum in Moskvan
feoll micel snaw. Ond þæt boðl hatte Transvaal Park ond hit is in Moskvan
suðeastan.
  <br>- Her delfend togode to norðan up on Hjapfjall<i>3)</i> efntoppwægn þe bær
ealde weg-iren ond se wægn wearþ freo ond rann feower mila to suðan of dune ond
æt Tiba-iege<i>7)</i> hit sloh hloðe teon irenwegwyrcena ond ofsloh feower hira
ond wundode þreo.
  <br>- Ymb þissum dæge wearþ widcuþ þæt in Idaho underrice man macode
<i>clonus</i> múles gehatanes Idaho Gem, ond æfterra twegen oðre.
  <br>- xvii d: Her in Californiam tungolæmenn fand niwne woruld gehatenne 2004
DW ond hit gæþ ymb sunnan furðor þonne Plutonis pæþ ond his widnesse is .mdcl.
<i>kilometr</i>as.
  <br>- xviii d: Her neah Neyshâbûr þe eac hatte Nîshâpûr in norðan Khurâsân
provinciae Îrânes irenweg-gewægnoþ .li. wægna stod æt Abu Muslim stoppungstede
ond hit bær micle byrðen swefeles ond fyr-eles ond þæs <i>fertilizer</i> ond hit
ongann rinnan ean drifere ond wearþ swift ond neah Khayyâm stoppungstede hit
tobræc ond bærned ond æfterra utbærst swiðe hearde ond acwellede .ccxcv. ond
wundode .cdl. ond fordyde fyf wic, ond þære utberstunge miht wæs Richter 3.6.
Ond mæst dǣl þara deadena wæron fyrmenn ond ahredderas ond geréfan.
  <br>- xix d: Her Englalandes cwen gaf to Simon Wiesenthal þone cnihtoþ þe
hatte KBE for his langum geweorce to fónne Naziisce guþmándædwyrcan for æwe ond
dome, ond he is .xcv. gearu eald, ond geo he wæs hæft in Mauthausen.
  <br>- xx d: Her wæs heahfolccyre in Irane.
  <br>- xxi d: Her man lagode þa leahtrunge for dome wið Ali Hamza Ahmed
Sulayman al Bahlul ond he is Yemenisc ond Ibrahim Ahmed Mahmoud al Qosi ond he
is Sudanisc for guðmándædum ond hie sind Al-Qaedan, ond hie sind þa fyrmeste
Guantanamiscan hæftas þe eodon fore deman.
  <br>- xxiii d: Her in morgne wæs eorþstyren ymb Al Hoceima hýðceastre in
Morocco ond his miht wæs Richter 6.5 ond .dlxiv. aswulton oððe maran.
  <br>- xxiv d: Her wæs utberstung fyrlyftes in Baixing coldelfunge in
Heilongjiang provinciae in Cinalandes ond .xxxii. aswulton oððe maran. Ond oft
coldelferas aswulton under grunde in Cinalande. Ond þæt nama Heilongjiang segþ
Sweartdraca-ea ond seo ea eac hatte Amur.
  <br>- xxv d: Her Elizabeþ cwene Englalandes gaf árweorðednessa to guðhæleðum
ond sum hira wæs seo George-ród to Christopher Finney for þæm þe neah Basra in
Iraqe Americisc lyftcræft þurh misgelimpe sceat hearde swa in Niwenglisce hatte
<i>strafung</i> to him ond sumum ond þeah he wæs gewundod he ahreddede twegen of
byrnendum wægnum. Ond he wæs .xix. gearu eald ond he wæs se gingst þe hæfde
George-rode. Ond libbaþ .xxiv. George-rodberendas.
  <br>- Her æt Kourou in Frenciscre Guiana fyrspere gehaten Ariane sceolde
fleogan in woruldrume berende þæt mannlease woruldrumscip Rosetta ond in geare
.mmxiv. hit sceal metan þone <i>cometa</i>m 67D/Churymov-Gerasinov. Ac on þissum
dæge þurh heardum winde dæge hit ne mihte fleogan. Ond hit fleag on .ii. dæge
Hreðmonaðes. Ond Rosetta is genemned for þæm Ægyptiscan Rosetta-stáne, for þæm
þe man hopaþ þæt hit will findan hwanon cwom Eorðan lif.
  <br>- Her æt sunnupgonge Jean-Bertrand Aristide foresittend fleag of Haiti ond
alætte his ric. Ond Boniface Alexandre feng to rice ond he is Haitis dématoga,
ac he hæfþ lytel miht to rixianne, ond sóðora wære þæt ongean se AK47 feng to
rice ond stælunge of ceapboldum.
  <br>- xxix d: Her Americisce sæfyrdmenn flugon to Haiti to secanne macianne æ
ond rixodnesse ond folcfrið, ond eac Canadisce ond Frencisce.
  <br>- Her in Karbalâ' in Iraqe ongann seo micla Shî`isca Islamisca gearmæsse
Ashura þe is gnornung for þæm þe æt Karbalâ'-feldum in geare .dclxxx. Sunnisce
Muslimas ofslogon Hussein sunu Fâtiman Muhammades dohtres ond his here in
gefeohte. Ond hit sceal rinnan teon dagas ond twa <i>million</i>-gerim foron
þider ond manige hira cwomon of Irane. Ond Sunnisce Muslimas ne lufiaþ þás
mæssan ond Saddâmes ric forbead hit for þæm þe þa Sunnisce secgaþ þæt þes
Hussein næs Muhammades riht yrfeweard for þæm Khâlifascipe<i>5)</i> ond þæt
sceal beon þa mæssan þe Muhammad witega scráf ond ne oþre ond forþý is wen
Sunniscra weargdæda. Ond is heard unfreondscip betweox þæm Sunniscum ond þæm
Shî`iscum. Ond se ærest dæg þæs Ashuran is se teoða dæg þæs Muslimiscan monaðes
Muharram.
  <br>- Her wearþ widcuþ þæt se swiðe greata Friðsæwisca<i>4)</i> hæfern
<i>Paralithodes camtschatica</i> þe eac hatte se reada cyninghæfern færþ swifte
to suðan of Barents-sæwe andlang Norðweges særiman ond hæfþ gecuman to þæm
Lofoten-iegum, ond under sæ hit forswilgþ ealle ond macað wéste, for þæm þe þær
wunaþ naht þe mæg wiðhealdan hit. Ond ærra Russisce brohton hit to Barents-sæwe
of Friðsæwe<i>4)</i>.
  <hr><b>1)</b> cockles.
  <br><b>2)</b> Southend.
  <br><b>3)</b> Shap Fell, flatbed wagon, Tebay.
  <br><b>4)</b> Pacific Ocean.
  <br><b>5)</b> caliphate.
  <br><b>6)</b> Bolton le Sands.
  <br><b>7)</b> Tebay.

  <hr><A NAME="Y04MAR"></A><B><FONT SIZE=+1>Anno MMIV Hreðmonað</FONT></B>
  <br>- ii d: Her æt þære Ashura-mæsse in Iraqe man macode þrie utberstunga ymb
þone Kaðimîya-masjid in Baghdâde ond hie acwelledon .lxx. oððe maran, ond seofon
oððe maran æt Karbalâ' in Iraqe ond hie acwelledon .cxii. oððe maran ond sume
hira wæron Iranisce, ond wundodon .cd.-gerím. Ond þrie hira æt Baghdâde wurdon
selfcwellunga, ac weardas fengon feowerþan þisra wearga ean utberstunge, ond hie
fengon wæpnedweargas æt Karbalâ' ond æt Najaf ond æt Basra. Ond æt Quetta in
Pakistane Sunnisce sceotenda ond macienda utberstunge ofslogon .xliv. Shî`isce
oððe maran ond wundodon maran þonne .cl.. Ond siex in æghwylcum teon Iraqiscum
sind Shî`isce. Ond Iraqes rixunggemot lagode þreo gnornungdagas. Ond man segþ
þæt þis is of Abu Musab al-Zarqawi ond he is Eastiordanisc ond he is mann þæs
Osama bin Laden.
  <br>- Her wearþ widcuð þurh NASAn þæt in lytle seaðe in Meridiani Planum wonge
on Mars worulde þæt woruldrumscip Opportunity fand scéatas sandes swa weorþaþ
under wætre ond sume mid hiwum gemacodum be wætres ýðum ond þæt segþ þæt on
Marse geo wæs micel wæter swa swa lif mihte beon þær.
  <br>- vi d: Her in Es Migjorn Gran wice in Menorca iege forðferde æt hame Joan
Riudavets Moll ond he lifde .cxiv. gearu old he wæs se ieldst in worulde ond
ærra he wæs scohwyrca ond he wearþ acenned þær.
  <br>- vii d: Her Israheles fyrd fór in þa fleogendsetl Al Bureij ond Nusseirat
in Gazalande secende wæpnedmenn ond .xiv. Palestinisce aswulton.
  <br>- ix d: Her wearþ widcuð þæt man fand þæt Suðamericisce deor <i>coati</i>
neah Haukssǣtr<i>1)</i> ond æt Hafriþveit ond æt Sigariðerg-castele in
Cumbriae suðan in Englalande.
  <br>- xi d: Her neah sunnupgonge in Madride þe is Hispaniae cyneceastre sume
macodon .xi. utberstunge in þrim irenweg-hýðboldum ond acwelledon unrihte .cxci.
ond wundodon .mcdxxi. oððe maran. Ond æfterra ETA segde þæt þis næs hira
geweorc, ond Al Qaeda segde þæt þis wæs hira geweorc. Ond ETA is
Bascisc<i>1)</i> dyrnwearghere. Godes wite sie on þæm mandædwyrcum. Ond þreo
utberstendas ne utberston. Ond in Madrides riman man fand wægn ond in him seofon
<i>detonatores</i> ond ánne swegwriðan ond on him dǣlas þæs Qur'ânes. Ond
æfterra man feng .xv. for þissum ond mæst hira wæron Moroccisce.
  <br>- xiii d: Her in Agogo scire in Pader lande in Uganden wearghere þe hatte
his sylf þone <i>Lord's Resistance Army</i> ofsloh .lii. landware, ond oft þes
here deþ hearm in Ugandam. Ond þæs herges nama segþ þæs Dryhtnes Fyrd Andwiges.
  <br>- xiv d: Her in gemynde æt Buccingaham-cynehealle in Lundene þære
Edwendunge þara Wearda soncræft wæs se Hispanisca <i>Marcha Real</i> ond ne
<i>God save the Queen</i> swa is wunelic. Ond wæs heahfolccyre in Hispaniam ond
se <i>Socialist</i>isca mægenwerod feng to rice. Ond æfterra wæs halig begong
for gemynde in Santa Maria de la Almuneda mynstre in Madride, ond eac on .xxiv.
dæge.
  <br>- Her wearþ widcuþ þæt þæt niwe woruldrum-<i>têlescopium</i> Spitzer fand
niwe worulde gehatene Sedna ond hit is maran þonne eahta <i>billion</i>as mila
of sunnan ond hit is lytle læssa þonne Pluto. Ond hit rinnþ áne rinnunge ymb
sunnan in .xm. ond .d. gearum. Ond Sedna is Eskimoisc sæ-gyden.
  <br>- xvi d: Her æt Cuetzalan in Puebla underrice in Mexico siex Bryttisce
eodon in langne hol to infindanne hwæt wæs þærinne, ac strang regen fyllede
dǣl þæs holes mid wætre ond hie ne mihton utgan, ond on .xxv. dæge
Bryttisce holdyferas brohton hie utan mid dyfera ǣðmsearwum. Ond feower
þara siex sind fyrdmenn. Ond ymb Cuetzalan manige giet sprecaþ Nahuatl-gereord.
Ond his nama in Nahuatlgereorde is rihte Quetzallân þe segþ "gemang þæm
<i>quetzal</i>fuglum". Ond æfterra man onfeng hie ond leahtrode þæt hie sohton
þone <i>uranium</i> ond æfterra þæt hie wæron þær for fyrdlicre sendunge ond ne
for wynne swa nu hatte <i>tourism</i>, ond on .xxix. dæge man utweorp hie to
Englalande.
  <br>- xvii d: Her man macode utberstunge æt þæm gásthuse Hotel Lebanon in
Karrada in Baghdâde ond fordyde hit ond acwellede .xxix. oððe maran ond micel
dǣl hira wæron Ægyptisce. Ond man seceþ Abu Mussab al-Zarqawi for þissum
ond he is Osama Bin Ladenes heafodscealc in Iraqe.
  <br>- Her in Kosovska Mitrovica hloð Serba rinnende folgedon þreo Albanisce
cnapan ond fleogende þa cnapan rinnon in ea ond án hira swamm ond nerede his
feorh ond twegen hira adruncon. Ond of þæm wearð great folcgefeoht in Kosovo ond
æfterra .dccl. Bryttisce fyrdmenn eodon to Kosovo.
  <br>- xix d: Ymb þisne dæg ymb Wala ceastre in Suð-Waziristan
<i>provinciam</i> in Pakistane Pakistanes fyrd fohte wið beorgweargum, ond sume
secgaþ þæt þær is Ayman al Zawahiri þe is Bin Ladenes heafodþegn, ac manige þara
wearga flugon þurh langne þyrelweg. Ond neah in Afghnistane Americisce fuhton
wið Talibaniscum.
  <br>- xx d: Her in Soestdijk cynehealle æt Baarn in Niðerlande þurh
<i>pneumoniam</i> þenden heo sleop forðferde Juliana þe ærra wæs cwen
Niðerlandes, ond heo lifde .xciv. gearu, ond heo wæs seoc mid Alzheimeres
seocnesse, ond on .xxx. dæge man byrgede hie andlang Wilhelmina hire modore in
þære Niwan Cyrican æt Delft. Ond heo feng to rice in geare .mcmxlviii. ond in
geare .mcmlxxx. heo alætte hire ric for ieldo ond Beatrix hire dohtor feng to
rice. Ond Julianae modor wæs Wilhelmina cwen ond in geare .mcmxlviii. Wilhelmina
alætte hire ric for ieldo ond seocnesse ond þære gedréfednesse þara geara
Hitleres gúðe.
  <br>- xxii d: Her neah masjide in Gaza ceastre fore sunnupgonge Israhelisc
wingwindend ofsloh mid fyrspere Sheikh Ahmed Yassin ond fyf mid him ond he wæs
Hamases toga ond he bebad swiðe manige weargdædas wið Israhele.
  <br>- xxiii d: Her on Mars worulde NASAn woruldrumscip Opportunity fand sand
þe geo wæs grund sealtigre sæwe on Meridiani Planum wonge.
  <br>- xxiv d: Her in morgne Israheles fyrd fór in Khan Yunis fleogendsetl.
  <br>- xxv d: Her Blair fyrmestscealc Englalandes eode to Libyam to sprecanne
mid Colonel Gaddafi.
  <br>- xxviii d: Her hweolstorm sloh Santa Catarina ond Rio Grande do Sul
underricu in Brazile ond fordyde manige bold ond ofsloh menn. Næfre ærra þenden
wedergearwritunga rinnon wæs hátsæwisc hweolstorm in Atlas-sæwe suðan. Ond menn
heton hit Catarina.
  <br>- Her forðferde Peter Ustinov se mæra truð, ond he lifde .lxxxii. gearu.
  <br>- xxix d: Her in Helvetiam<i>3)</i> forðferde se mæra truð Peter Ustinov,
ond he lifde .lxxxii. gearu.
  <br>- Her NASA segde þæt on Mars worulde þæt mannleasa woruldrumscip Mars
Express fand lytle andefne þære fyrlyfte <i>methane</i> ond mæg beon þæt hit
cwom of fyrbeorgum ond mæg beon þæt hit cwom from wihtum þe giet libbaþ on
Marse.
  <br>- Her under middan Mameceastre in Englalande fýr bærnede feorrsprecunglína
ond forþý man ne mihton brucan .cxxx. þusend feorrspreceras in Mameecasterlande
ond Legeceasterscire ond Djurabýscire.
  <br>- Her in Californiam niw mannleas lyftcræft gehaten X-43A fleag æt
hrædnesse Mach .vii. þe is fyf þusend mila in stunde, ond his scufend wæs
<i>scramjet</i>.
  <br>- xxx d: Her in Englalande neah Lundene æweardas fengon healf <i>ton</i>
þæs utberstendes <i>ammonium nitratum</i> æt Hanawiellan ond onfengon eahta
geonge menn Pakistanisces cynnes æt Wixabrycge ond Hyleforde ond Sló ond Cráwléa
ond Hornléa.<i>4)</i>
  <br>- Ymb þisne dæge in Uzbekistane maran þonne .xx. aswulton in gefeohte
betweox þæm rice ond Islamiscum weargum.
  <hr><b>1)</b> Hawkshead (= Hawk's summer pasture); Haverthwaite (= oat
clearing); Sizergh (= Sigarið's summer pasture).
  <br><b>2)</b> I use "Basc" for Basque.
  <br><b>3)</b> Switzerland.
  <br><b>4)</b> Hanwell, Uxbridge, Ilford, Slough, Crawley, Horley.

  <hr><A NAME="Y04APR"></A><B><FONT SIZE=+1>Anno MMIV Eastermonað</FONT></B>
  <br>- ii d: Her æt Mocejón neah Toledo in Hispaniam irenwegwyrca fand
utberstend under þæm irenwege þe scytt of Madrid to Sevilla ond hit wæs rædig to
utberstanne.
  <br>- Her Rumania ond Bulgaria ond Slovakia ond Slovenia ond Estonia ond
Latvia ond Lithuania wurdon gegildan NATOes.
  <br>- Her in Leganes þe is dǣl Madrides æweardas ymbsat bold husa ond
þærinne Serhane ben Abdelmajid Farkhet ofsloh mid utberstendum his sylf ond
feower his scealca ond ánne æweard. Ond þes Serhane wæs heretoga þæe weardherges
þe macode utberstunga in Madride. Ond þa æweardas leahtrodon .xv. for þissum
utberstungum ond acwellungum.
  <br>- iv d: In Iraqe Moqtada al-Sadr is heardmod Shî`isc preost, ond her he
ongann folcgefeoht wið þæm Americiscum ond Engliscum, for þæm þe ærra Americisce
onfengon Mustafâ Ya`qûbî for morðre þæs `Abdul Majid al-Khoei (þe rihte is
Khô'î), ond for þæm þe Americisce forstoppodon al-Sadres ærendwritunge Al-Hawza.
Ac sume Shî`isce preostas sind lǣssan heardmode ond cealledon for friðe.
Ond wearþ gefeoht in Najaf ond Baghdâd ond Amâra ond Kût ond Fallûja ond
elleshwær in Iraqe. Ond fyftig-gerim Iraqisce aswulton ond sume Americisce. Ond
man nam feower Japanisce swa gislas. God bringe frið.
  <br>- v d: Her Elizabeþ .ii. cwen Brytene wæs æt symble in Champs Élyssés
cynehealle in Parise for þæm þe hundræd gearu ærra Bryten ond Francric macodon
þa geþwærnesse þe hatte seo <i>Entente Cordiale</i>. Ond þær seo spræc in
Frenciscum gereorde.
  <br>- vi d: Her in Brytene æweardas onfengon sume þe sohton macian deaþ mid
þæm atore <i>osmium tetroxide</i>.
  <br>- ix d: Her in æwearda bolde in Sofia þe is Bulgariae heafodceaster sum
mid þære teagorlyfte <i>chloropicrin</i> wundode .xl. oððe maran.
  <br>- Her in Chad lande Sudanes ric macode frið mid twæm folcfyrdum Darfur
provinciae.
  <br>- Her se USA sendede lyftcræft to Ross-iege in Antarcticae wintre to
ahreddanne sume menn þe wurdon seoce.
  <br>- Her wæs Eosterfrigadæg, ond in Romam se papa lædde halige begonge in þæm
Colosseum.
  <br>- x d: Her in Iraqe ongunnon seo Shî`isca mæsse gehaten Arba`în, þe segþ
Feowertig.
  <br>- Her in Taizhina coldelfunge in Kemerovo lande in Siberiam wæs utberstung
þære fyrlyfte <i>methane</i> ond .xlvii. coldelferas aswulton ond man nerede
siex.
  <br>- xii d: Her Hispanisce æweardas onfendon þreo menn for þæm utberstungum.
  <br>- Her on Canadae særimum æt Newfoundland ond Hudson Bay ongann se greatost
seolhhuntoð in fyftigum gearum, ond man wysceþ ofslean .cccl. þusend geongra
seola for þæm þe þa seolas etaþ swiðe manige fiscas.
  <br>- Ymb þisne dæg in Sri Lankan þa Tamilisce Tigridas foldfyrd fuhton wið
Vinayagamoorthy Muralithanran þe eac hatte Karuna ond he is sum hira fyrdtogan
ond he forgymede his hlafordas ond fohte for his sylfe ond werode his sylf æt
Thoppigala þe is .lxxv.-gerim mila norþ of Colombo. Ond þa Tamilisce Tigridas
secaþ macian in Sri Lankan hira agen þeodland gahaten Tamil Eelam.
  <br>- xiv d: Her Abdullah .ii. cyning Eastiordana segde þæt in þissum monaþe
his ric onfeng hloð Al-Qaediscra dyrnwearga ond feng micle utberstendas ond þis
forstod gerædunge þe éaðe mæg wolde acwellan .xx. þusenda mid atorlyfte in
Eastiordanlandes dyrnþeowotbolde.
  <br>- xv d: Her in Najafe in Iraqe al-Sadr macode wæpengestand ond segde þæt
his wæpnedhloð ne feohte æfterra.
  <br>- Her sum þe segde þæt he wæs Osama Bin Laden segde þæt he wolde macian
wæpengestand mid þæm Europeiscum ac ne mid American gif þa Europeisce ne weorcen
ænig dæd wið Muslimum in ænigum lande. Ac Europan þeodtogan segdon þæt hie ne
mihton geðafian mid þissum.
  <br>- xvii d: Her in Gaza ceastre Israhelisc wingwindend ofsloh mid fyrspere
Abdel-Aziz al-Rantissi ond his twegen weardas ond he wæs heretoga Hamasas in
Gazan ond he lædde swiðe manige weargdædas.
  <br>- Her wæs heahfolccyre in Suðafricam ond Thabo Mbeki ond se ANV fengon
ongean to rice.
  <br>- Her in Kosovo lande Eastiordanisce æweardas scuton to Amrriciscum
æweardas for yrre ymb Iraqe ond wearþ gefeoht ond aswulton twegen Americisce ond
án Eastiordanisc.
  <br>- xix d: Her ongann heahfolccyre in Indiam.
  <br>- xx d: Her in Englalande æweardas onfengon nigon menn ond áne wif ond hie
wæron Iraqisce Kurdas ond Norþafricisce ond eac þone utberstend <i>ammonium
nitratum</i>, ond sume secgaþ þæt þa teon woldon acwellan manige in Mameceastre
mid utberstunge oððe mid atorlyfte.
  <br>- xxi d: Her in Israhele Mordacai Vanunu wearþ freo of Ashqelon carcerna
ond in geare .mxmlxxxvi. dema sendede hine to carcerne for þæm þe he spræc to
þæm worulde ymb Israheles cyrndyrngeweorc. Ond ærra he wæs Iudeisc ac æfterra he
wearþ Cristen. Ond nu he nis alyfede gat ut of Israhele, for þæm þe he wát micel
ymb Israhales cyrngeweorc.
  <br>- Her in morgne in Basra in Iraqe sylfcwellendas macodon utberstunga neah
æwearda boldum ond acwelledon .lxviii. Iraqisce in wegum ond sume hira wærum
geonge cildru gánde to scóle. Ond sum acwellede menn mid utberstunge in
Baghdâde.
  <br>- Her in Riyadh in Saudiscre Arabiam sum macode utberstunge ond acwellede
teon oððe máran.
  <br>- xxi d: Her æt Ryongchon stoppungstede in Norðkorean norðwestan ende
irenweg-gewægnoð bær micel láde utberstenda ond hit hreppode nacodne wír þærinne
<i>electricitas</i> rann ond hit utbærst hearde ond acwellede manige ond fordyde
.mdccc. hus. Ond twegen gewægnoþas utberston ond in him eac micle fyr-ele ond
fyrlyft utberston. Ond .cliv. aswulton oððe maran ond .lxxvi. hira wæron
scólcildru, ond maran þonne .mccc. wurdon gewundode.
  <br>- xxv d: Her Francrices æftemest col-delfung endode.
  <br>- xxvi d: Her in Iraqe wæs ongean gefeoht æt Fallûja ond æt Najaf.
  <br>- xxvii d: Her Colonel Gaddafi eode to Brussels ond wæs þær twegen dagas.
Ond his nama is rihte Qaðâfî.
  <br>- Her in æfne in Damascus Al-Qaedisce macodon utberstunga æt æmettigum
bolde þærinne ærra wæron Americisce ond feower Syrisce aswulton.
  <br>- Her in Thailandes þrym suðernum provincium Islamisce weargas fuhton wið
fyrdboldum ond æweardboldum ond æt masjide in Pattani ceastre ond aswulton
.cvii. weargas ond fyf fyrdmenn. Ond Thailandes mæst dǣl is Buddhisc ond
spricþ Thai gereorde, ac se suðerna ende is Muslim ond spricþ Malayisce.

  <hr><A NAME="Y04MAY"></A><B><FONT SIZE=+1>Anno MMIV Ðrimilcemonað</FONT></B>
  <br>- i d: Her æt middannihte fore sunnupgonge Hungaria, Pola land, Czechia,
Slovakia, Slovenia, Estonia, Latvia, Lithuania, Malta, Grecisc Cyprus wurdon
dǣlas þæs EEC.
  <br>- Her seo Bryttisca bismerfulla ond undeora ærendwritung Daily Mirror
utsendede fægunga þe ætiwað Bryttisce fyrdmenn tintregiende ond misbeodende
Iraqisce hæftas in Iraqe, ac þa fægunga wæron untreowe ond forleogunge, to þæs
þe ærendceapmenn gefangen sceattas, ac of þæm fægungum wearþ micel hearm for
þara fyrda mǣrðu in Iraqe ond in worulde. Ond on .xiv. dæge man aweorp
þone <i>editorem</i> þæs Daily Mirror of his weorcstede.
  <br>- iii d: Her in Bursa ceastre in Turklande æweardas onfengon .xvi. oððe
maran þæs Ansâr al Islâm þe woldon macian utberstunga in Istanbule on .xxviii.
dæge Midsumermonaðes þonne NATO-togena gemot sceal onginnan.
  <br>- iv d: On þissum dæge in geare .mcmiv. æt þæm gasthuse Midland Hotel in
Mameceastre middan þæt geferscip Rolls Royce ongann.
  <br>- Her in æfne wæs <i>eclipsis</i> þæs mónan.
  <br>- viii d: Her in Waffensen wice neam Bremen in Germaniae norðan æweardas
onfengon Sven Jaschan for þæm þe macode þone swiðe bealofullan <i>virus</i>
cyrcolwyrda þe hatte Sasser.
  <br>- ix d: Her in Grozny in Chechya-lande æt <i>stadium</i> utberstung
acwellede Akhmed Kadymov foresittend Chechnyae þenden wæs fyrdgong for Sigedæge
ond on þissum dæge in geare .mcmxlv. endode guð wið Naziiscre Germaniam.
  <br>- x d: Her wæs micel þunor in Englalande, ond spinnwind neah Brecon in
Weala suðan.
  <br>- xi d: Her æt Stockline Plastics odene in Glascú<i>1)</i> ofen utbærst
ond seo oden feoll ond nigon aswulton.
  <br>- xiii d: Her endode heahfolccyre in Indiam, ond Sonia Gandhi ond se
mægenwerod Congress fengon to rice. Ac on .xviii. dæge Sonia Gandhi segde þæt
heo nolde rixian. Ond heo is Italisc ond heo is widwe þæs Rajiv Gandhi.
  <br>- xiv-xx dd: Her Israheles fyrd fór in Rafah in Gazalande to secanne
weargas ond wæpn-odena ond to findanne þyrelwege þærþurh Gazalandisce dyrne
brohte wæpn innan ond seo fyrd tobræc manige hus ond wearþ gefeoht ond .xl.
Palestinisce aswulton.
  <br>- Her forðferde Marjorie Courtenay-Latimer, ond on Comoro-iegum on .xxii.
dæge Foregeoles geares .mcmxci. heo fand þone fisc <i>Latimeria chalumnae</i>
ond hit is þæs cynnes <i>Coelacanthia</i> ond ærra menn segdon þæt nænig swylc
fisc hæfde gelibbed in marum þonne .lxx. <i>million</i>um gearum.
  <br>- xvii d: Her þæs USAes fyrd segde þæt in Iraqe man settede
utberstendhealdere for fyrwæpnum to utberstanne neah USA-isce fyrdmannum ond in
him wæs nænig utberstend ac seo atorlyft <i>sarin</i>.
  <br>- Her æt Hǣþrǣwe<i>2)</i> lyftfelde neam Lundene nigon menn
sohton stælan gold ond sceattas ond hira weorð is .lxxx. <i>million</i>as punda,
ac æweardas fengon eahta þara manna.
  <br>- Her in Baghdâde sum macode selfcwellunge utberstunge ond ofsloh
`Izz-ad-Dîn Salim ond seofon oðre ond he wæs heafodmann Iraqes rixienda, ond he
wæs Basraisc Shî`isc.
  <br>- xix d: Sume secgað þæt her æt Makr eð Ði'b wice in Iraqe neah
Syria-mearce wæs weddung ond menn scuton uppe for myrignesse ond Americisce
wingwindend þohte þæt þis wæs gefeoht ond hit sceat ond manige aswulton. Ond þæs
stedes nama segþ Lytignesse þæs Wulfes. Ac sume secgaþ þæt þis wæs gemot wearga.
God bringe frið ond rihtne ende.
  <br>- xxiv d: Her in Hispaniola-iege in Carib-sæ teon ynceas regnes feollon in
anum dæge ond macode flod ond horhslidunge þe acwelledon maran þonne .cm..
  <br>- Her wearð widcuþ þæt in geare .mmii. æt Sanctae Mariae seochuse in
Mameceastre wearþ acenned cnapa ond he wearþ geeacnode in glæse ond his fæderes
sǣd wæs gefroren .xxi. gearu for þæm þe he þorfte læcnunge for
<i>carcinomat</i>e his bealluca ond þæt macode his sǣd gelde.
  <br>- xxv d: Her in Mameceastre eastdǣle seo ceapungheall Æsctunes
under Lyme<i>3)</i> bærnede.
  <br>- xxvii d: Her in Lundene æweardas onfengon se <i>imam</i> Abu Hamza to
þæs þe se USA leahtrie hine for manige hearmweargdædum þe he dyde for Islame:
þæt he nam gislas in Yemen-lande in Geolmonaþe geares .mcmxcviii., ond tilode
macian here-set to tæcanne brogaweargas for <i>jihâd</i>e æt Dog Cry Ranch neah
Bly in Oregone underrice betweox Winterfylleðe geares .mcmxcix. ond Æftergeole
geares .mm., ond gaf fultume to weargum ond Talibanum ond <i>jihâd</i>mannum in
Afghanistane. Ond man ne miht handcyspan hine for þæm þe he ne hæfþ hand, ond
his name segþ Fæder Hóces. Ond he wearþ acenned in Ægpte.
  <br>- Her se Dalai Lama cwom to Brytene ond wæs þær seofon dagas. Ond on
þissum dæge he wæs æt Liferpóle, ond he spræc in þæm Anglicaniscan
Liferpol-mynstre. Ond <i>Lama</i> in Tibetisce segþ "preost". Ond <i>Dalai</i>
in Mongolisce segþ "garsecg", for þæm þe Europisce ærest gehyredon ymb hine þurh
Mongolisce, ac his agen riht ricungnama is Tibetisc.
  <br>- xxix d: Her æt Al Khubar þe eac hatte Khobar in Arabiam neam Bahrain
weargas fengon utlandiscra bold gehaten Oasis ond fengon manige gislas ond
ofslogon .xvvii. oððe maran ond án hira wæs Bryttisc. Ond æfter .xxv. stundum
Saudisce sundorfyrdmenn cwomon in wingwindendum ond fengon þæt bold ond
freogodon ealle þara gisla, ond in gefeohte aswulton .xxii. ond seofon hira
wæron weargas ond þrie wæron utlandisce, ond hie fengon twegen weargas. Ond sum
segde þæt þa weargas sind Al-Qaedisce.
  <br>- xxxi d: Her in Karachi in Pakistane man macode utberstunge in
æfengebedum in þæm Shi`iscan masjide Imam Bargha Ali Raza ond acwellede fyfteon
oððe maran ond wundode maran þonne feowertig, ond þis wæs onwrecung for þæm þe
on .xxx. dæge man ofsloh Mufti Nizamuddin Shamzai ond he wæs Sunnisc Muslimisc
preost ond he wæs mid þæm Al Qaeda.
  <hr><b>1)</b> Gaelic name for Glasgow.
  <br><b>2)</b> Heathrow.
  <br><b>3)</b> Ashton-under-Lyne. "Lyme" is probably Celtic for "the elms".

  <hr><A NAME="Y04JUN"></A><B><FONT SIZE=+1>Anno MMIV Midsumermonað</FONT></B>
  <br>- iii d: Her forðferde Frances Shand Kydd þurh seocnesse hire brægnes, ond
heo was modor Dianae æðelingene, ond heo lifde .lxviii. gearu.
  <br>- v d: Her in Brytene ond æt Pegasus-brycge in Normandige wæs gemynde for
þæm þe aswulton in gefeohte wið Hitleres herge on þæm dæge þe hatte D-day in
geare .mcmxliv.
  <br>- Her æt hame in Bel Air in Los Angeles forþferde Ronald Reagan þe ærra
wæs foresittend þæs USA ond he lifde .xciii. gearu ond he wæs teon gearu seoc
þurh Alzheimeres seocnesse.
  <br>- viii d: Her in morgne in Europam Venus fór fore þære sunnan, swa man
seah on eorþan, ond tungolǣmenn hataþ þis <i>transitus Veneris</i>.
  <br>- xi d: Her in Washingtone in þæm USA man byrgede Ronald Reagan ond ærra
he wæs foresittend.
  <br>- xix d: Her in Fallûja in Iraqe Americisc lyftcræft fordyde hus þæs Abu
Musab al Zarqawi ond acwellede .xxii. ond he is se heretoga Al-Qaedan in Iraqe.
  <br>- Her in Riyadh in Arabiam æweardas ascuton feower Al-Qaedisce
dyrnhereweargas ond fengon twelf, ond on .xviii. dæge sume þara wearga
beheafdodon þone Americiscan gísl Paul Johnson. Ond án þara feower wæs `Abdul
`Azîz al Mukrin ond he wæs heah in Al-Qaedan.
  <br>- xx d: Seo Germanisca geferscip Zeppelin macode lyftpoccisc lyftscip swa
oft hatte Zeppelin ond hit wæs þæt æreste swylce in marum þonne .lx. gearum. Ond
hit hatte Yokoso Japan, ond hit is .ccxlvii. fet lang. Ond on þissum dæge hit
fleag ofer Lundene ond hit will fleogan to Japane þær hit will wunian. Ond
hit mæg beran twelf rideras ond his twegen scipmenn.
  <br>- Her Iranisce fengon siex Bryttisce sæfyrdmenn ond twegen Bryttisce
fyrdscipmenn in Shatt al `Arab ea þe is mearc Iraqes ond Iranes ond nom hie to
Tehrane, ac æfterrs hie freogodon hie.
  <br>- xxi d: Her in Mojave-westenne in Californiam se lyftcræft White Knight
fleag uppe ond hit bær þone lyftcræft SpaceShipOne ond SpaceShipOne wearþ freo
ond fleag uppe, ond wæs in woruldrume feower <i>minuti</i> ond hit wæs /lx/ mila
of eorþan, ac ne eode ymb eorþan. Ond hit nis of Nasa ond ne of ænigum þara
rixiera þeoda. Ond Burt Rutan lǣdde þa þe macodon hit. Ond Paul Allen
gieldede þa sceattas to macianne hit.
  <br>- xxiv d: Her man macode utberstunga æt Mosule in Iraqe ond/lxi. aswulton
ond .xxxv. wurdon gewundode, pnd wæs sceotung æt Baqûba ond æt Ramada.
  <br>- xxv d: her wearþ widcuð þæt mæg weorþan wana þæs <i>chocolate</i> in
worulde for þære wiccebesmaseocnesse þe acwelleþ manige <i>cacao</i>treo ond seo
is nu in Suðafricam ond is ege þæt seo will faran to oþrum landum.
  <br>- Her Americisc guðlyftcrft sloh hus in Fallûja in Iraqe ond acwellede
.xxv. þæs herges þæs dyrnheretogan Abu Musab al-Zarqawi.
  <br>- xxvii d: Her wæs heahfolccyre in Lithuaniam ond Valdis Adamkus feng
ongean to his rice.
  <br>- Her in Nabluses ealdan ceastre in Westiordanum Israhelisce
feallhleofyrdfmenn ofslogon Nayef Abu Sharkh ond siex in dyrnþyrelweg under huse
ond he wæs sum þara heretogena þære Al-Aqsa-hlóðe.
  <br>- xxviii d: Her bryten ond se USA gieldedon Iraqes rixiunge to Iraqiscum
þeodtogum ond Shaikh Ghazi Yawer feng to Iraqes rice ond Iyad Allam is his
fyrmestscealc.
  <br>- xxx d: Her in Liferpole æweardas onfengon þreo Cinalandisce for þæm
deaðum þara .xxiii. sæcoccfiscera, ond on þæm æfterdæge hie eode fore deman æt
Lonceastre<i>1)</i>.
  <br>- Her Colin Powell eode to Darfur lande in Sudane ond þær seoh þa greatan
hungor ond þoliunge þara Darfurwara for þæm þe Sudanes ric oft sendedon þone
westennhere Janjawîd to herganne þa Darfurware þeah ba folc sind Muslimas.
  <hr><b>1)</b> Lancaster.

  <hr><A NAME="Y04JUL"></A><B><FONT SIZE=+1>Anno MMIV Æfterra Liða</FONT></B>
  <br>- In þissum monaðe in Indiam wæs great flod in underricum Bihar ond West
Bengal ond Assam, ond twegen dǣlas of þrym Bangladeshes wurdon under
wætre.
  <br>- i d: Her in Baghdâde Saddâm Husain eode fore deman for his mándædum, ond
eac Chemical Ali ond oþre.
  <br>- ii d: Her forðferde Marlon Brando se mæra truð ond he lifde .lxxx.
gearu.
  <br>- v d: Her in Den Haag in Niðerlande man forstoppode þa demunge þæs
Slobodan Milosevich for his seocnesse.
  <br>- vii-viii dd: Her wæron hearde wind ond regen on Englalande ond wind
afyllede manige treow.
  <br>- xvi d: Her in Kumbakonam heargceastre in Tamil Nadu underrice in Indiam
fyr wearþ of cócunge in cycene ond brædede to lytelra cildra scóle gehatenum
Sarasvatî þe is dǣl Srî Krishna scóle ond .xc. cildru aswulton ond
.xviii. hira wæron mægða oððe maran, ond maran þonne .xxvi. wurdon gewundode,
for þæm þe þæs boldes geþacode hrof feoll. Ond mæste þara cildru wæron .viii.
.ix. .x. gearu eald. Ond æfterra man onfeng fadiendas<i>1)</i> þære scole for
mándǣdum wanhydignesse. Ond eac aswealt in þæm fyre se mann Ranjith Kumar
þenden he sohte nerian sume þara cildra. Ond maran ymb þis is gewriten <a
href="http://www.newindpress.com/NewsItems.asp?ID=IET20040717030700">her</a>.
  <br>- xxi d: Her in Afghanistane .mmcd. Americisce sæfyrdmenn foron of Oruzgan
scire ond ærra in feower monþum hie ofslogon maran þonne Talibanisce weargas ond
áne án sæfyrdmann wearþ ofslægrn.
  <br>- xxii d: Her in Turclande swift irenweggewægnoð eode of Istanbule to
Ankara ond neah Pamukova in Sakarya provinciam hit fleag of þæm weg-irenum ond
bræc ond .xxxvi. aswulton oððe maran.
  <br>- Her in Ramada ceastre in Iraqe Americisce sæfyrdmenn fuhton wið weargas
ond ofslogon .xxv. hira ond wundodon .xvii. ond fengon .xxv..
  <hr><b>1)</b> manager.
  <br>- xxiii d: Her in Mostar in Bosniam man ongean openode þa greatan
stánbrycge ofer Neretva-ea þe hatte Stari Most þe segþ "seo ealdan brycg" in
Serbocroatisce ond Charles æþeling wæs þær. Ond man macode hit in geare .mdlxvi.
þenden Turcland rixode þær. Ond hit feoll in guþe in geare .mcmxciii. þenden
Croatas fuhton wið Bosniscum Muslimum. Ond æfterra man edniwode hit. Ond hit is
.c. fet lang.

  <hr><A NAME="Y04AUG"></A><B><FONT SIZE=+1>Anno MMIV Weodmonað</FONT></B>
  <br>- In þissum monaðe in Englalande wæs se mæst regen in ánum Weodmonaðe
siððan wederwritunge ongunnon, ond sare derede þone wæstm.
  <br>- i d: Her in San Paolo þe is dǣl Asuncion ceastres in Paraguay
great ceapungbold bærned ond maran þonne .cd. aswulton ond æfter fyr wearþ man
betýnede þæs boldes dura to þæs þe nænig utgange berende ceapas ond ne
angieldende. Ond æfterra þæs boldes bebeodend ond sume his wearda eode for deman
for morðre.
  <br>- ii d: Her æt þæm æfterran ende Birkenau locan æt Auschwitz wæs gemót for
gemynde ond þider eodon manige Romaisce þe in Niwenglisce hátte <i>Gipsies</i>
for þæm þe geo þa Nazias acwelledon swiðe manige hira þær. Ond þær sind
gemyndetácn in manigum gereordum ond giet in Romaiscum gereorde. Ond þær ic seah
þá tácn in Blótmonaþe geares .mmi..
  <br>- Ymb þisna dæg hearde þunorstormas macodon flod in stedum in Englalande.
  <br>- iii d: Her in Englalande in æfne æt <i>2)</i>Blæcburnan ond Byscehæge
ond Æscsceare ond Léofatune ond Paddingatune ond Wiellesdune æweardas onfengon
twelf iunge menn for dyrnweargdædum ond heoldon hie æt Paddingatune in Lundene.
  <br>- iv d: Her manige Gibraltarware heoldon handum swa ráp ymb
Gibraltar-beorge for þæm þe on þissum dæge in geare .mcciv. Brytene feng
Gibraltar of Hispaniam.
  <br>- Her æt þæm <i>Cenotaphus</i> in Lundene wæs gemynde for þæm þe aswulton
in þære greatan guðe in geare .mcmxiv. to .mcmxviii. ond þider eode feower memm
þe fuhton in þære guðe ond se gingest wæs .ciii. gearu eald ond se ieldest wæs
.cviii. gearu eald. Ond hie sind sume þara .xxiii. Bryttisce guðmenn þære guðe
þe giet lifdon.
  <br>- v d: Her æt Alortune<i>1)</i> neah Liferpole<i>3)</i> ongunnon
<i>funerales</i> for lícum ond dǣlum líca márena þonne .m. cradolcildra
ond ærra man fand hie gehealdene in þæm <i>formalin</i> in Alorhægseochuse ond
þæe <i>universitas</i>seochuse in Beornmundingahame ond mæste hira wæron
acennede déade fore geare .mcmlxxx.
  <br>- vi d: Her in Iraqe Americisce fuhton wið heremannum þæs Moqtada al-Sadr,
ond ofslogon .mcc. hira in Najafe ond manige in Baghdâde ond in Basran, ond ahte
gewald Najafes, ond se here rixode Najaf siððan Eostermonaðe. Ond þes Moqtada is
Shi`isc preost. Ond æfterra .mcc. menn Moqtadan gieldedon in Najafe. Ond
Heah-ayatollâh al-Sîstânî fleag of Iraqe to Lundene for læcunge heartseocnesse
ond he is .lxxiii. gearu eald. Ond man segde þæt sume his <i>arteriarum</i> sind
betýnede.
  <br>- vii d: Her in morgne on Morecambe Bay sandum feower mila of lande twegen
wægnas mid getogodum slogon æghwylce oþre ond án bær lx. Scyttisce
sæcoccfisceras ond án bær .lxxvi. Cinalandisce sæcoccfisceras ond man nerede
ealle hira. Ond sume secgað þæt mæg beon þæt wæs unfreondscip betweox him ymb
fiscung-ymbhwyrftum.
  <br>- Her in Houston in Texase forðferde Paul Neil Adair þe eac hatte Red
Adair ond he lifde .lxxxix. gearu. Ond he wæs mǣr for þæm þe he oft fohte
wið swiðe strangum elewiellefýrum. Ond his fæder wæs smið.
  <br>- viii d: Her neah Patrai in Greclande man openode niwe lange Rio-Antirio
brycge ofer Korinthos-nearwe ond hit is án ond þreo feorðandǣlas míla
lang ond hit is seo lengest in worulde.
  <br>- x d: Her giet is gefeoht in Najafe in Iraqe, ond in .xii. dæge man
wundode Moqtada al Sadr.
  <br>- Her great regen cwom to Brytene ond macode flod ond se storm wæs ærra se
Caribbeisca hweolstorm Alex.
  <br>- xiii d: Her in Athênai in Greclande ongunnon þa .xxxviii.þan Olympiscan
plegan.
  <br>- xiv d: Her se hweolstorm Charlie sloh Floridam ymb Punta Gorda ceastre
ond dyde swiðe micelne hearm.
  <br>- Her in Iraqe Americisce guðlyftcræft ofsloh .l. weargheremenn in
Samarrâ'. Ond wæs gefeoht in Al Hillah ond man ofsloh manige heremenn.
  <br>- Her se papa eode to Lourdes in Francrice.
  <br>- xvi d: Her on Cornweala norðernan særiman siex inceas regnes feollon in
twæm stundum ond macode rinnendne flod in nearwum deopum dalum þara ea Valency
ond Jordan ond dyde micelne hearm to wægnum ond boldum in
Boterelescastele<i>4)</i> ond man ne mæg findan fyfteon folces. Ond se flod bær
manige treow. Ond on þissum dæge in geare .mcmlii. wæs se greata flod in
Hlynnmuðan<i>5)</i>.
  <br>- Her in Brytene man oncunnede for demunge eahta menn for þæm þe hie
gerædedon acwellan menn mid atoræpnum ond cyrnwæpnum.
  <br>- xviii d: Her neah Ceann Loch Éireann<i>7)</i> in Perth scire in
Scotlande on ráde þe scytt andlang Loch Éireann lacuriman under beorge heard
regen macode flod ond twa landfeallunga ond betweox him weron twentig-gerim
lytelra wægna ond án <i>coach</i> ond twegen Sea King wingwindendas ábæron
.lvii. folces þe wæron þærinne.
  <br>- xx d: Her se Muslimisca preost Abu Hamza eode fore deman in Lundene.
  <br>- xxii d: Her wæs spinnwind neah Wuttuceshǣddre<i>6)</i> in
Englalande.
  <br>- xxiv d: Her in Russiam twa Tupolev Tu-134 lyftscipu flugon of lyfttyðe
æt Moskvan, ond án hira feoll to grunde in Tula provinciam, ond án hira gánde to
Sochi feoll to grunde neah Rostov na Donu ceastre, ond aswulton ealle þe wæron
þærinne, þe is .cx.. Ond æfterra man fand þæt wæron utberstunga in him.
  <br>- xxv d: Her Heahayatollah `Alî al Sistânî eode ongean to Iraqe ond on
.xxvi. dæge in morgne he eode to Najafe ond he wæs .xxv. dagas in Lundene for
læcnunge heortseocnesse, ond ongann wæpngestand þær. Ond al-Sadres here aeode of
þæm `Alî-masjide, ond se here heald hit .iii. wuce. Ond <i>âyatu llâh</i> segð
<i>versus þæs Qur'ânes</i>, ac in Shî`isce hit eac segð preost.
  <br>- Her in Suðafricam æweardas fengon Mark Thatcher sunu þære Margaret
Thatcher for þæm þe he sohte heolpan utweorpan of his rice Teodoro Nguema Obiang
foresittend Equatoriscre Guineae.
  <br>- xxvi d: Her in Kûfa neam Najafe wæs utberstung in þæm heahmasjide ond
manige aswulton, ond man segde þæt þis wæs þurh þæt wæpn þe hátte
<i>mortar</i>.
  <br>- xxviii d: Ymb þissum dæge endode se langa hearda regen on Englalande,
ond man segþ þæt þes regen dyde maran hearm to landbuendum þonne dyde seo
seocnesse fota ond muða in geare .cci..
  <hr><b>1)</b> Allerton (= alder farm).
  <br><b>2)</b> Blackburn (Lancs), Bushey (Herts), Esher (Surrey), Luton,
Paddington, Willesden.
  <br><b>3)</b> Liverpool, Alder Hey, Birmingham.
  <br><b>4)</b> Boscastle.
  <br><b>5)</b> Lynmouth.
  <br><b>6)</b> Uttoxeter. (= Wuttuc's heath)
  <br><b>7)</b> Lochearnhead. (Gaelic for "head of the Irish lake").

  <hr><A NAME="Y04SEP"></A><B><FONT SIZE=+1>Anno MMIV Hærfestmonað</FONT></B>
  <br>- i d: Her æt Beslan in Norð-Ossetiam in Caucasus-beorgum in Russiam
Chechenisce wearghere Checheniscra ond Ingushiscra ond Araba feng scólbold ond
.mcc.-gerim cildru ond hira cynna swa gislas ond ne alyfede fod oððe wæter to
him, ond Russisce fyrdmenn ymbsat þone stede. Ond on .iii. dæge misgelimp macode
utberstunge þærinne ond manige gislas hlupon utan þurh eagþyrle ond weargas
scuton to him þenden hie runnon, ond wearþ heard gefeoht ond seo fyrd freogode
þa gislas, ac .cccliii. gislas aswulton oððe maran, ond man bær .cdxxxiv.
gewundode to seochusum. Þus man mæg seon þone langan hearm ond wig ond deaþ ond
deriunge ond heardan ricunge that oft wierþ of Islâme, á siððan in Arabiam
Muhammad `Abdullâhes sunu ongann tǣcan hit in þæm seofoþan gearhundræde
æfter Christes acennednesse, ond sume secgaþ þe wæs seoc mid þurh þære
brægnseocnesse <i>schizophrenia</i>, swa swa þara beorga nama Hindu Kush segþ
"Hindua Awyrdung" oððe "Hindua For-náhtung" in Iranisce, for þæm þe þær geo in
ánre guðe Muslimas hearde unrihte ofslogon maran þonne <i>million</i> Hinduas.
For þæm þe Islâm segþ þæt wig ond acwellung for þære halignesse sind hálige, ac
Christ segde betere þæt will aswultan be swurde he þe lifþ be swurde. Ond
Norðossetiae heafodstede hatte Vladikavkaz þe segþ Caucasus-weard, ond in
Communistiscum gearum hit hatte Ordzonokidze. Ond þa Chechenisce ond þa
Ingushisce sind Muslimas ond þa Norðossetisce sind Cristnas.
  <br>- v d: Her se greata hweolstorm Frances sloh Floridam underric.
  <br>- Her in Japanlande wæron twa eorðstyrena under sæ .cx. mila feorr Mie
scire ond þære fyrmestes miht wæs Richter 6.9 ond þære oðerre miht wæs Richter
7.3. Ond wæron lytle <i>tsunami</i>. Ond <i>tsunami</i> in Japanisce segþ
hýð-ýð.
  <br>- v-vi dd niht: Her in felde in Gazalande æt middannihte Israhelisce
guðlyftcræftas ofslogon .xiv. heremenn Hamases þenden man tohte hie þa maciunge
weargmándæda.
  <br>- viii d: Her se stranga Caribbeisca hweolstorm Ivan forhergode Grenada
ieg. Ond on .xi. dæge hit sloh Jamaican, ond his miht wearð .v. þe is se
strangost, ac his middel rann ofer sæ suðan of þæm iege. Ond on .xii. dæge hit
cwom to Cayman-iegum, omd æfterra to Cubam ac his middel fór áne ofer sæ, ond on
.xvi. dæge his middel eode to lande over Mobile hýðceastre in Alabamam. Ond he
is .cc. mila wíd.
  <br>- xi d: Her in Niw-Eoforwice wæs gemynde æt þæm stede gehatenan Ground
Zero þær wæron þa Woruldceapungtorras.
  <br>- xiii d: Her in Lundene mann gewǣdod swa se Hréaðmúsmann eode be
swicdome in Buccingaham-cyneheall to þæm stede þær oft seo cwen stent fore hire
folce, ond of þissum cwom tweo ymb þære cwene weardunge.
  <br>- xv d: Her in Brytenes Witenagemothuse wæs gespræc ymb niwe æ to
forbeodanne huntoþ mid hundum in Englalande ond Wealum, ond manige þe ne sind
ceasterware wurdon ierremode æt þissum, ond manige hira eode to strætwegum neam
þæm Witenagemothuse to mǣnanne, ond feawe hira eode be swicdome in þæt
Witenagemothus fore þæm Witum, swa næfre wæs siððan Charles .ii. rixode. Ond of
þissum wearþ strang tweo ymb þara Witena weardunge.
  <br>- xvi d: Her in Iraqe Americisce lyftscipu slogon geard in Fallûja ond
acwelledon .lx. Sunnisce weargheremenn, ac sume Iraqisce segdon þæt .xvi. hira
næron feohteras.
  <br>- xvii d: Her Henry æþeling Brytenes eode to Lesotho þe ærra hatte
Basutoland to weorcanne wiþ þære seocnesse AIDS þe singal acwelleþ manige
Lesothisce, ond he is Dianae æþelingene oðerra sunu.
  <br>- Her æt Arnhem in Niðerlande wæs gemynde for þæm gefeohte þe wæs þær in
geare .mcmxliv., ond on .xviii. dæge eft feallhleowodon þær teon þe
feallhleowodon in þæm gefeohte. Ond on .xix. dæge Charles æþeling Weala eode
þider.
  <br>- Her in Athênai in Greclande ongunnun þa Paralympisce plegas, ond
plegeras eodon þider of .cxl. þeodum.
  <br>- xix d: Her se Caribbeisca hweolstorm Jeanne sloh Haiti hearde ond macode
flod ond horhslidunga ond in Haiti acwellede maran þonne .mcc. ond man ne mæg
findan .mcc. ond se mæst dǣl in Haitis norþwestan ond in Gonaïve ceastre,
ond .xi. oððe maran in þære Dominiciscan Republicam. Ond on .xxiv. dæge hit sloh
Bahama, ond on .xxv. dæges æfne hit cwom to Floridae easternan særiman. Ond in
Atlas-sæwe middan wæs hweolstorm Karl ond his miht wæs .iv., ond Lisa folgede
Karl. Ond in æghwylcum geare in æghwylcum garsecge þa naman þara hweolstorma
rinnaþ swa þa bocstafas.
  <br>- xxiii d: Her in Washington underrice in þæm USA se fyrbeorg Mount
St.Helens onwac, ond hit sleop siððan geare .mcmlxxxvi..
  <br>- xxv d: On þissum dæge in geare .mdcii. man ærest arǣdede þa
Sikhiscan haligan boc Guru Granth Sahib.
  <br>- xxvi d: Her maran þonne .lxx. wægn Israheles fyrde fóron in Jenîne in
Westiordanum ond wearþ gefeoht.
  <br>- xxix d: Her Gazalandisce weargas scuton fyrspere in Israhele ond ofsloh
twa geonge cildru.
  <br>- xxx d: Her in Baghdâde sum macode utberstunge ond acwellede .xxxiv.
Iraqisce cildru æt openunge wæterclænung-odenes. Rihte þis scæwþ þæt se
<i>jihâd</i> is heard wulfdom ond <i>adharma</i> ond nis in him gód.
  <br>- Her ond in æfterdagum Israhelisce fyrdmenn fóron in Gazalande to secanne
weargas ond ongann gefeoht, ond in þære guðe aswulton þreo Israhelisce ond maram
þonne .c. Palestinisce.

  <hr><A NAME="Y04OCT"></A><B><FONT SIZE=+1>Anno MMIV Winterfylleð</FONT></B>
  <br>- i-iii dd: Her in Samarrâ' in Iraqe maran þonne .mmm. Americisce ond
Iraqisce fyrdmenn fuhton wið Sunniscum weargheremenn, ond ofslogon maran þonne
.cxxv. hira ond ahton wælstowe geweald, ond hie nomon þa ceastre ond ahreddedon
Turciscne gísl, ond twegen Americisce aswulton. Ond þá weargheremenn ahton þa
ceastre siððan Þriemilcemonaðe. Ond eac lyftcræftas alyfedon feallon
utberstendas on Fallûja ond acwellede manige ond mæst dǣl hira wæron
weargas togelædende wæpn ond utberstende. Ond manige þara wearga ne sind
Iraqisce.
  <br>- Her in Sialkot ceastre in Sialkot scire in Punjab provinciam in
Pakistane sum macode selfacwellende utberstunge in Shî`iscum masjide ond
acwellede manige. Gif þa Muslimisce weargas gehatene <i>jihâdîyîn</i> ne magon
findan Unmuslimas to hergianne, hie maciaþ heardne <i>jihâd</i> wið æghwylce
oðre.
  <br>- ii d: Her in Washington underrice in Americam se fyrbeorg Mount
St.Helens onwac.
  <br>- iv d: Her se lyftcræft SpaceShipOne fleag ongean.
  <br>- Her in morgne se Caribbeisca hweolstorm Lisa cwom to Brytene.
  <br>- v d: Her in Gazalande Israhelisce fuhton wið weargum in Jabalîya
fleogendsetle ond manige weargas aswulton.
  <br>- vii d: Canada bohte Bryttisc undersæscip ond eftnemnede hit Chicoutimi,
and hit fór of Englalande togeanes Canadam, ac in Atlas-sæ fyr wearþ innan ond
acwellede anne scipmann ond wundode twegen, ond man togode hit to Fas
Lann<i>1)</i> sciplocan neam Helensburgh in Dùn Beartainn scire in Scotlande.
  <br>- viii d: Her in Latifîya neam Baghdâde weargas acwelledon þone Bryttiscan
gísle Kenneth Bigley, ond hie heoldon hine .xxii. dagas, ond he wæs Liferpólisc.
  <br>- ix d: Her wæs heahfolccyre in Afghanistane, ond Hamid Karzai feng to
rice.
  <br>- Her Elizabeth .ii. cwen Brytenes openode Scotlandes niwe witenagemothus.
  <br>- x d: Her in Legeceaster-deortune<i>3)</i> in Englalande wearþ acenned
elpend ond his gewiht wæs .clxxx. <i>kilogrammas</i>.
  <br>- xiii d: Her wearð widcuð þæt æt Al Hadr þe eac hatte Hatra be Wadi
Þarþâr drygre eagonge in Iraqes norþan man fand gebyrgede lic manigra Kurda þe
Saddâmes here ofsloh in geare .mcmlxxxvii. in þære hergunge þe hatte Al Anfal.
Ond sume secgaþ þæt Saddâmes ric ofsloh .ccd. þusenda Shî`iscra ond .l. þusenda
Kurda. Ond eac man fand swylce byrgunga manigra æt Halabja in Kurdlande, ond æt
Al Hillah, ond æt Muhammad Sakran ond Az Zubair ond Abu Hasib ond þes þrie sind
nea Basra.
  <br>- Ymb þisre dæg in Sadr-ceastre in Baghdâde manige Al-Sadres herges gifon
hira wæpn to mannum þæs rices. Ond seo ceaster ærra hatte Saddâm-ceaster.
  <br>- xiv d: Her wearð widcuð þæt æt Currach an Alt delfunge in Na Speirin
beorgum in Tír Eoghain<i>2)</i> scire in Iralande man fand goldstán in grunde,
ond his weorð is .ccl. <i>million</i>es punda.
  <br>- xvii d: Her Norodom Sihanouk cyning Cambodiae alætte his ric for ieldo,
ond Norodom Sihamoni his sunu feng to his rice.
  <br>- xix d: Her in Lundene man oncunnede Abu Hamza for .xvi. mándǣdum.
  <br>- xx d: Her se hweolstorm Tokage sloh Japanes suðeastan ond acwellede
.lxxix. oððe maran ond man ne næg findan twelf, ond hit dyde micelne hearm. Ond
in Japanisce <i>tokage</i> segð "áðexe". Ond Tokage wæs se strangost hweolstorm
þe sloh Japan in .l. gearum. Ond ærra nigon hweolstormas slogon Japan in þissum
geare ond þurh him .cii. aswulton ond man ne mæg findan .xiii..
  <br>- xxi d: Her wearþ widcuð þæt in Iraqe .d. Bryttisce fyrdmenn will gan of
Basralande to Babil provinciam neare Baghdâde to alyfianne Americisce fyrdmenn
gan þanon to feohtanne wið þæm Fallûjiscum weargum. Ond sume þara .l. is seo
hloð behaten Blæcwæcce.
  <br>- Her in Gazalande Israhelisc mannleas lyftcræft ofsloh mid fyrspere
twegen menn Hamases in wægne ond sum hira wæs Adnan al-Ghûl, ond he wæs Hamases
utberstendmaceretoga, ond Israhel lange sohte ofslean hine. Ond in Arabisce
<i>ghûl</i> segþ "deofol" oððe "scucca".
  <br>- Her Susilo Bambang Yudhoyono wearð foresittend Indonesiae, ond ærra he
wæs fyrdtoga.
  <br>- xxiii d: Her wæs eorþstyren in Niigata scire in Japane, ond his miht wæs
Richter 6.8, ond .xxi. aswulton oððe maran. Ond wæron æfterstyrena. Ond hit
wearp of his irenwege swiftne irenweg-gewægnoþ gehatenne <i>bullet train</i>.
Ond on .xxv. dæge wæron æfterstyrena.
  <br>- xxiv d: Her .lvi. mila norþan of Arkalyk in Kazakhstane Russisc
woruldrumcræft Soyuz cwom to eorðan in nihte fore sunnupgonge, ond hit bær of
þæm <i>International Space Station</i> þá woruldrummenn Michael Fincke ond he is
Americisc, and Gennady Padalka ond Yuri Shargin ond hie sind Russisce. Ond
Shargin wæs þær .xviii. dagas ond þa oðre wæron þær .clxxxviii. dagas. Ond
Padalka ond Fincke æghwylc eode of scipe in woruldrumreafe feower tida.
  <br>- xxv d: Her æt Balaklava in Crimean wæron gemynde ond eftplegung for þæm
mæran <i>Charge of the Light Brigade</i> þe gelamp þær on þissum dæge in geare
.mdcccliv..
  <br>- xxvi d: Her se mannléasa woruldrumcræft Cassini cwom to Saturni mónan
Titan.
  <br>- xxvii d: Her seo Bryttisca fyrdhloð Black Watch ongann faran of Basran
to Camp Dogwood neam Baghdâde, ond þeos farung hatte Operation Bracken.
  <br>- Her wearþ widcuð þæt on Flores iege in Indonesiam man fand bánas seofon
folca lytles ealdes cynnes manna <i>Homo floresiensis</i> ond se cynn wæs hárig
ond þrie fet heah ond hæfde lytelne brægn ond sume nu hátaþ hit þone Hobbit, ond
man feng þæt nama of Tolkienes writungum.
  <br>- Her on ráde in Eastiordanum manigberend wægn fór neah Petra ond án his
hweolrimena bærst ond forðý hit hweorf ond sloh hefigne ládberend þe fór
wiðhwanon<i>4)</i>, ond se manigberend awilwede, ond aswulton seofon Bryttisce
ond twegen Eastiordanisce. Ond wurdon gewundode .xvii. Bryttisce ond twegen
oðre, ond on .xxix. dæge Charles æþeling Brytenes eode to Eastiordanum ond néas
hie in seochuse.
  <br>- Her strang storm sloh Englalandes suðernan særiman.
  <br>- xxix d: Her in morgne Yasser Arafat fleag of his locan in Ramallah to
Ammân in Eastiordanum ond þanon to Percy fyrdseochuse æt Clamart neam Parise in
Francrice for læcnunge, for þæm þe he wæs swiðe seoc. Ond in Arabisce his nama
is rihte Yâsir `Arafât.
  <br>- xxx d: Her forðferde Alice æðelingen <i>ducissa</i>
Gleawceastre<i>5)</i> þenden heo sleop, ond heo lifde .cii. gearu, ond heo wæs
widwe éames Elizabeþes .ii. cwene, ond he forðferde in geare .mcmlxxiv..
  <hr><b>1)</b> Gaelic names: Faslane (= "abode/station on enclosed land"),
Dumbarton (= "fort of the Britons").
  <br><b>2)</b> Gaelic names: Curraghinalt (= the plain of the cliff), Sperrin
(= the spurs of rock), Tyrone (= the land of Eoghan).
  <br><b>3)</b> = Chester Zoo.
  <br><b>4)</b> My guess at a word for "from an opposing direction".
  <br><b>5)</b> Duchess of Gloucester. Name from Roman name `Glevum' + OE
"ceaster".

  <hr><A NAME="Y04NOV"></A><B><FONT SIZE=+1>Anno MMIV Blotmonað</FONT></B>
  <br>- i d: Her great flygende here þæs greatan gærshoppan þe hátte
<i>locusta</i> fleag of Norðafricam to Cyprus iege ond wearþ ege þæt hie derien
þone wæstm. Ond on .xxxix. ond .xxx. dagum sume hira flugon to Canaria-iegum.
  <br>- ii d: Her Elizabeth cwen eode to Germaniam.
  <br>- Her wæs heahfolccyre in þæm USA, ond George W.Bush foresittend feng
ongean to rice.
  <br>- Her in Íslande se fyrbeorg Grímsvötn onwac, ond hit is under Vatnajökull
íse. Ond wind bleow his æscwolcen ofer Norðwege ond Sweolande ond macode pleo
for lyftscipum.
  <br>- Her man sendede to Cinalande þa lic .xxi. Cinalandiscra sæcoccfiscera þe
adruncon in Solmonðe in geare .mmiv. on Morecambe Bay sandum.
  <br>- vi d: Her forðferde Fred Dibnah þurh <i>carcinomate</i> þe wæs in him
þrie gearu, ond he lifde .lxvi. gearu., ond he wunode æt Boðltune<i>2)</i> in
Lonceasterscire. Ond on .xvi. dæge his <i>funeralis</i> wæs æt Sancti Petri
cyrican in Boðltune, ond man byrgede hine æt Tange<i>3)</i>.
  <br>- Her folcberende irenweg-gewægnoð fór of Paddingatune to Plymmuðan æt .c.
milum in stunde, ond æt Offatune þara Neyrnut<i>1)</i> neah Þelum neam Readingum
hit sloh lytel rádwægn, ond seofon aswulton, ond maran þonne .lx. wurdon
gewundode.
  <br>- vii-viii d: Her in nihte Americisce ond Iraqisce fyrdmenn ongunnon faran
in Fallûja, ond hie fengon þære ceastre seochus ond twa brycga þe sceoton ofer
Euphrates-ea, ond in þæm seochuse hie fengon weargas.
  <br>- viii d: Her in Iraqe ongann heard gefeoht in Fallûja.
  <br>- xi d: Her in nihte fore sunnupgonge in Percy fyrdseochuse æt Clamart in
Hauts-de-Seine scire neah Parise aswealt Yasser Arafat se Palestinisca
weargtoga, ond he lifde .lxxv. gearu. Ond on .xi. dæge man fleag mid his lice to
Cairo ceastre þe rihte hatte al-Qâhira. Ond his <i>funeralis</i> wæs æt
al-Qâhira lyftfelde. Ond on .xii. dæge man fleag mid his lice to Al `Arîsh in
Sinailande ond þanon to his locan in Ramallah, ond þær man byrgede hine.
  <br>- xiii d: Her in Iraqe þa Americisce hæfdon eall Fallûja ceastre buton
hire suðwestan þe Americisce hataþ Queens, ac Queens nis his rihte nama.
  <br>- xv d: Her þæs USAn fyrd segde þæt in gefeohte in Fallûjan man ofsloh
þusendgerim wearga ond fengon betweox .cdl. ond .dl. weargas, ond .xxxviii.
Americisce aswulton ond .cclxxv. wurdon gewondode, ond hie fundon swiðe manige
wæpn ond utberstendas.
  <br>- Her in Liferpolmynstre wæs gemynde for Kenneth Bigley ond he wæs gisl
Iraqiscra wearga ond hie ofslogon hine.
  <br>- xvi d: Her over Pacificus-sæ B52 lyftcræft fleag of Edwards lyftfelde
neah Los Angeles ond hit bær mannleasne lyftcræft X-43A ond alyfede hit fleogan
ond se X-43A fleag æt lytlum under .viim. mila in stunde mid þæm cynne scufenda
þe hátte <i>scramjet</i>. Ond se X-43A is twelf fet wid ond fyf fet wid.
  <br>- xviii d: Her wearþ widcuð þæt in Fallûjan Americisce fyrdmenn fundon
sume gebur þærinne weargas heoldon ond acwelledon gislas.
  <br>- xxi d: Her wæs heahfolccyre in Ukrainiam ond man segde þæt Viktor
Yanukovich feng to rice, ac manige segdon þæt wæs micel beswicung in þære
folcceosunge ond þæt Yushenko sceoldon fón to rice. Ond in Kieve þonne ond in
æfterdagum manige macodon scawunge ymb þissum þeah wæs ceald snawwinter. Ond on
.xxviii. dæge Ukraininae witenagemot lagode þæt þeos ceosung wæs unæwlice
geworht.
  <br>- Her in Iraqe se Ayatollah Sîstânî lagode <i>fatwa</i> þæt þa Shî`isce
sculon ceosan in Iraqes heahfolccyre.
  <br>- Her Colin Powell eode to Jerusaleme in Israhele ond to Jericho in
Westiordanum.
  <br>- xxiv d: Ymb þissum dæge æt Lâtifîya ond Iskandarîya ond Mahmûdîya eastan
Euphrates-ea suðan Baghdâde seo Bryttisca fyrdhloð Black Watch ond oðre fengon
manige menn to secanne weargas ond weargtogan þe fuhton for Saddâme. Ond wæs
gefeoht in Iskandirîya ond Lâtifîya.
  <br>- xxviii d: Her æt King Island betweox Australiam ond Tasmaniam .lxxx.
<i>delphini</i> ond hwalas þæs cynnes gehatenan <i>pilot whale</i> oððe maran
swummon in lande ond aswulton.

  <hr><b>1)</b> Ufton Nervet near Theale near Reading.
  <br><b>2)</b> Bolton in Lancashire in England.
  <br><b>3)</b> Tong.

  <hr><A NAME="Y04DEC"></A><B><FONT SIZE=+1>Anno MMIV Geolmonað</FONT></B>
  <br>- i d: Her forðferde æþeling Bernhard þara Niðerlanda, ond he lifde
.xciii. gearu.
  <br>- ii : Her æt Bhopal ceastre in Bhopal scire in Madhya Pradesh underrice
in Indiam wæs gemynde for þæm þe aswulton þurh þære odenlican atorlyfte
<i>methyl isocyanate</i> þær in geare mcmlxxxiv in nihte Geolmonaðes daga
ii-iii.
  <br>- Her hweolstorm sloh þara Philippine-iega easternan særiman ond flod ond
landslidunga ofslogon maran þonne .m., ond manige segdon þæt þes landslidunga
wæron strangora þurh manige afyllunga treowa.
  <br>- iv d: Her seo Bryttisca fyrdhloð Black Watch eft fór of Camp Dogwood
neam Fallûja to Basra. Ond fyf hira hæfdon aswulten in gefeohte ymb Fallûja.
  <br>- v: Her þara Philippin-iega riceras lagodon þæt afyllunga treowa sie
unæwlice.
  <br>- vi d: Her æt Jidda in Saudiscre Arabiam weargas foron in Americiscre
ambahthuse ond Saudisce fyrdmenn fuhton mid him ond þa Saudisce ahton wælstowe
gewald on awulton þreo weargas ond feower weardas ond fyf ambahthusweorcan, ond
man feng þreo weargas.
  <br>- Her in Englalande irenweg-gewægnoð fór of Lincolne<i>1)</i> to Slioforde
ond æt Helprícingahame hit sloh rádwægn ond twegen aswulton.
  <br>- vii d: Her in æfne Lynx wingwindend fór of Gifltún<i>2)</i>-lyftfelde
ofer sæ to secanne to nerianne ond suðan Lysarð<i>3)</i> næsse hit feoll in sæ
ond his feower scipmenn aswulton.
  <br>- xi d: Her in Vienna in Eastrice lǣcas fundon þæt þenden Ukrainiae
heahfolccyre rann sum macode Viktor Yushenko þone Ukrainiscan mæengwerodmann
seocne mid þæm atore <i>dioxin</i>.
  <br>- xiv d: Her in Francrice Jacques Chirac openode niwe hea brycge æt Millau
over Tarn-ea dæle in Massif Central beorgum, ond hit is mil ond healf lang, ond
sum his stapola is .mcl. fet heah, þe is hearra þonne se Eiffel-torr.
  <br>- xv d: Her in Athenai in Greclande for mándæde feawe Albanisce fengon
folcberend wægn, ac fore .xvi. dæge sunnupgonge hie freogodon ealle hira gislas
ond gieldedon.
  <br>- Her David Blunkett Bretlandes inlandscealc alǣtte his ric for þæt
he macode scufung writungboldwyrcena to swifte macianne writunge gehatene
<i>visa</i> for wife þe giemede cradolcild sumre Kimberly Quinn þe he ærra
lufode. Ond se inlandscealc rixaþ þa æweardas ond þa carcern.
  <br>- xviii d: Her in Baghdâde eode fore demum for gúðmándǣdum Ali
Hassan al-Majid þe eac hátte Chemical Ali ond Sultan Hashem Ahmed þe wæs
Saddâmes fyrdscealc. Ond be Chemical Alis hæse in geare .mcmlxxxviii. man ofsloh
manige Kurdisce mid atorlyfte æt Halabja.
  <br>- xix d: Her in Iraqe twegen macodon selfacwellunge utberstunge neah þæm
`Alî-masjide in Najaf ond neah þæm Imam Husayn masjide in Karbalâ' ond
acwelledon .lxii. oððe maran ond wundodon .cxx.-gerim. Ond þa ceastra sind
halige to þæm Shî`iscum.
  <br>- xx d: Þæt <i>theatrum</i> Rep in Beornmundingahame æghwylcum dæge
plegode þæt <i>drama</i> Behtzi þe Sikhisc wif wrat. Ond hit ætieweþ wifcyððe
ean leafe ond morðre in Sikhiscum hearge. Ond on þissum dæge manige Sikhas
wurdon ierremode æt þissum ond gewinn wearþ þær ond man þurfte alættan plegan
hit. Ond "Behtzi"<i>4)</i> in Punjabisce segþ "unweorð".
  <br>- Her in Beal Feirste<i>7)</i> þeofas fengon .xxvi. ond healf millionas
punda sceattwritunga of sceattbolde be mihte, ond hie heoldon cynn twegra þara
sceattboldwyrcena swa gislas. Ond æfterra se IRA segde þæt se IRA ne wæs gyltig
þisses. Ond on .xvii. dæge Æftergeoles geares .mmv. man onfeng seofon menn for
þissum.
  <br>- xxi d: Her Tony Blair fyrmestscealc Brytenes fleag to Baghdâde to
metanne Iyad Allawi fyrmestscealc Iraqes ond æfterra to Basra. Ond æfterra he
fleag to Israhele.
  <br>- xxii d: Her in Preosttune<i>5)</i> in Lonceasterscire fyf menn eode fore
deman for mannslohtre þara .xxi. sæcoccfiscera þe adruncon on Morecambe-sandum
ond þæt hie gifon geweorc to feowerum þe cwom in Bryten ean ǣwe leafe.
  <br>- xxiv d: Her forðferde Richard Wallace Annand ond he lifde .xc. gearu.
Ond he wæs se ærest þǣm man gaf Victoria-rode in þære oðerran woruldguðe.
Ond man mæg seon maran ymb hine <a
href="http://en.wikipedia.org/wiki/Richard_Wallace_Annand">on þissum
webbtramete</a>.
  <br>- xxv d: Her in Englalande on Cristemæsse wæs snaw ond forst.
  <br>- xxvi d: Her in morgne wæs strang eorþstyren under sæ .xl. mile of
Simeuluë iege þe is west Aceh scire þe is Sumatran ieges norþernan ende in
Indonesiam, ond his miht wæs Richter 9.0. Ond næs strangora eorþstyren æfter
geare .mcmlxxxiv., ond áne wæron feower strangoran æfter geare .mcm.. Ond hit
macode strang <i>tsunami</i>-yð þe acwellede .ccxxviiim. ond .dci. oððe maran
ond macode fyf <i>million</i> húsléase ond <i>million</i> ond .dcccm. fódléase
ond dyde micelne hearm on særimum on Sumatran westernan særiman ond
Andaman-iegum ond Nicobar-iegum ond Thailandes suðwestan ond eallum Sri Lankan
easternan særiman ond Maldiv-iegum ond Bangladeshe ond Indiam ond Somaliam ond
Kenya. Ond Simeuluë rás þæs þe coral andlang his særiman is nu á ut sæwe. Ond in
Sri Lankan ond Tamil Nadu aswulton manige máran wif þonne menn for þæm þe þenden
se tsumani cwom, menn fiscodon on sæ ac wif wæron on særiman. Ond seo eorþstyren
rann .xv. <i>minut</i>as þenden hit rann andlang þa langan eorþcleofung þe is
betweox Indonesiam ond India-garsecges grunde.
  <br>- Ond þes tsunami wæs greatora þonne se tsunami þe seo utberstung Krakatoa
fyrbeorges macode on .xxvi. dæge Weodmonaðes geares .mdccclxxxiii.. Ond wæron
æfterstyrena ond hira strangostre miht wæs strangora þonne Richter 8.
  <br>- Ond in Indonesiam aswulton .clxxiiim. ond .cmlxxxi. oððe maran ond mæg
beon þæt .ccxxm. aswulton, ond mæste in Aceh scire on Sumatran iege. Ond hit
macode Banda Aceh hyðceastre eall wéste, buton hire masjide. Ond hit macode eall
Aceh scire westernan særiman weste ond acwellede mæst dǣl þæs folces in
manige wicum ond ceastrum. Ond hit dyde þone greatostne hearm in Sumatra ond
mæst þæs in Aceh. Ond in Banda Aceh seo flod acwellede manige lǣcas in
seochuse. Ond in Aceh eac seo eorþstyren sylf dyde hearm.
  <br>- Ond aswulton .vm. ond .cccv. in Thailande ond mæg beon þæt .xim.
aswulton ond man ne mæg findan .mmmmcdxcix. ond manige hira sind utlandisce ond
is wen þæt mæst dǣl hira sind deade, ond mæste on Khao Lak ond Phi Phi
sæwynnstede-iegum néam Phuket. Ond neah Phuket in Thailande .lxx. utlandisce
dyfedon mid scuban in þæm Emerald-holum on Ko Muk iege þonne se <i>tsunami</i>
sloh þæt land, ond ealle libbedon buton twæm. Ond æt Khao Lak særimaceastre neah
Phuket in Thailande aswulton .lxx. utlandisce.
  <br>- Ond æt Phukete Bryttisce mægð seah þæt seo sæ afliemde of lande ond
cneow þurh scólláre þæt tsunami ongann ond heo ceallede to þæm folce þæt tsunami
cwom ond manige afliemdon to lande ond .c. wurdon generede. Ond on .iii. dæge
Blotmonaðes geares .mmv. heo eode to Americam and spræc mid Clinton þe ærra wæs
foresittend.
  <br>- Ond sum lædde elpend<i>6)</i> on særiman in Thailande for truðgeweorce
ond þonne cwom se tsunami he settede cildru on þæs elpendes bæc ond nerede hie
of þæm flode. Ond in æfterdagum in Thailande man bær in wægne siex mannlice
elpendas to Phuket iege ond Phang Nga provinciae særimum ond hie worhton strange
to togianne gefallene treow ond gebrocene wægn ond dǣlas bolda to
openianne wegum ond to findanne gehiddene libbende ond deade. Ond ærra man seah
þa siex elpendas in þære astyrendan gelicnesse "Alexander". Ond eac in
Aceh-lande ahreddendas worhton mid elpendum.
  <br>- Ond aswulton .xxxviiim. ond .cxcv. oððe maran on Sri Lankan, ond
<i>million</i> sind eam hamum, ond man ne mæg findan .xxiiim. Ond æt Paraliya on
Sri Lanka flod acwellede .mdccc. in anum irenweg-gewægnoðe, ond þæt is maran
þonne aswulton þonne þæt scip Titanic sanc. Ond Arthur C.Clarke se
woruldrúmspellwritere ond dyfere is gesund ond he wunað in Colombo ond he is
.lxxxvii. gearu eald, ac seo yð fordyde his dyfungwynnstede Underwater Safaris
æt Hikkaduwa, ond man mæg rædan ymb þis <a
href="http://www.clarkefoundation.org">on þissum webbtramete</a>.
  <br>- Ond æt Mullaittivu in Sri Lankan Tamiliscum lande wuniaþ andlang særiman
.md. Romacatholicisce ond hie gað to feower cyricum neam sæ. Ac þriwa in geare
hie ne gað to þissum cyricum ac to Sancti Josephi scrine on heam lande neah þære
ceastre. Ond þider hie eodon on þissum dæge. Ond God macode þæt James
Pattinathan se preost spræc his <i>sermonem</i> swa oferlangne þæt se tsunami
sloh þenden þa .md. wæron þær gebeorglice on heam lande.
  <br>- Ond aswulton .xm. ond .dccxliv. oððe maran in Indiam ond mæste in Tamil
Nadu underrice ond man ne mæg findan .vm. ond .dclxix., ond man þearf byrgan
manige hira, for þæm þe næs genog wudu to bærnan hie swa dóþ þa Hinduas ond
Buddhisce. Ond in Tamil Nadu se tsunami tobræc .xxm. bátas fiscera, þe is feower
of æghwylcum fyf-geríme.
  <br>- Ond on sumum þisra særimena wæron swiðe manige utlandisce for dyfunge
ond oðrum wynnum, ond þusendas hira aswulton. Godes miltse sie.
  <br>- Ond on Andaman-iegum ond Nicobar-iegum þusendas aswulton. Ond scipu ne
mihton cuman to lande mid fultume for þæm þe seo flod bræc þa hyð. Ond sume
sohton swimman of lande to þæm scipum ac crocodilas acwelledon hie. Ond on
Nicobare man ne mæg findan .xm.. Ond seo flod fordyde Indiae greate lyftfyrdhyðe
on Car Nicobar iege, ond hire lyfthyðmanna .xxiii. aswulton ond man ne mæg
findan .lxxvi.. Ac man edniwode hire rinnungweg to beranne fultum.
  <br>- Ond in Burma þe nu hatte Myanmar manige þusendas aswulton ymb
Irrawaddy-ea muðan, ac Burman ric segþ þæt áne .lxvii. aswulton.
  <br>- Ond aswulton .lxvii. in Malaysiam ond mæste hira wæron ymb Penang.
  <br>- Ond aswulton .cl. oððe maran in Somaliam ond mæg beon þæt .ccxclviii.
aswulton.
  <br>- Ond aswulton .lxxxii. in Maldiv-iegum ond man ne mæg findan .xxvi..
  <br>- Ond aswulton .x. in Tanzaniam ond .i. in Kenyan ond .i. in
Seychelles-iegum ond .ii. in Bangladeshe.
  <br>- Ond .cclxxiv. oððe maran Bryttisce swulton in þissum tsunami, ond mæste
hira wæron in Thailande ond .viii. in Sri Lankan ond .iii. in Maldiv-iegum, ond
man ne mæg findan .cccxci. Bryttisce þær.
  <br>- Ond man wrat máran ymb þissum in Niwenglisce on <a
href="http://en.wikipedia.org/w/index.php?title=2004_Indian_Ocean_earthquake">
þissum webbtramete</a>.
  <br>- Ond in Nipponisce þæt word tsunami segþ hýð-ýð. Ond is wen manigra
márena deaða þurh þa seocnessa dysenteria ond cholera ond typhoides.
  <br>- Ond manige þeod sendedon micelne fultum to þissum landum, from Europam
ond Indiam ond Israhele ond Nippone ond Taiwane ond Australiam ond elleshwanon.
Ond þider eodon manige scipu scipfyrda berende wingwindendas.
  <br>- xxvi d: Her wæs heahfolccyre in Ukrainiam ond Viktor Yushchenko feng to
rice.
  <br>- xix d: Her æt Mosul in Iraqe Americisce fuhton wið weargas ond ofslogon
.xxv. hira.
  <br>- xxx-xxxi dd: Her in nihte fýr acwellede .clxxv. in þæm nihtwynnstede
Republica Cromagnon in Buenos Aires.
  <br>- xxxi d: Her cwom lang heard regen to Sri Lankan ond macode flod þe wæs
mara hearm for þæm þe se <i>tsunami</i> sloh.
  <hr><b>1)</b>Lincoln, Sleaford, Helpringham.
  <br><b>2)</b>Yeovilton. `Gifl' is a Celtic river name.
  <br><b>3)</b>The Lizard. `lys ardh' is Cornish for "court [on a] height".
  <br><b>4)</b>Punjabi for "dishonor".
  <br><b>5)</b>Preston in Lancashire.
  <br><b>6)</b>elephant.
  <hr><A HREF="nasc2005.htm#Y05JAN"><i>(to next year)</i></A>
  </HTML>