<HTML><HEAD><meta http-equiv="Content-Type"content="text/html;charset=utf-16">
  <TITLE>The New Anglo-Saxon Chronicle for 2007 AD</TITLE></HEAD><BODY>
  <CENTER><B><FONT SIZE=+1>THE NEW ANGLO-SAXON CHRONICLE 2007 AD: TIDUNGA ON
ENGLISCE MMVII AD</FONT></B></CENTER>

  <A NAME="MONTHS"></A><B><FONT SIZE=+1>Pointers to monthly sections</B></FONT>
  <A HREF="#Y07JAN">2007Jan</A> <A HREF="#Y07FEB">2007Feb</A>
  <A HREF="#Y07MAR">2007Mar</A> <A HREF="#Y07APR">2007Apr</A>
  <A HREF="#Y07MAY">2007May</A> <A HREF="#Y07JUN">2007Jun</A>
  <A HREF="#Y07JUL">2007Jul</A> <A HREF="#Y07AUG">2007Aug</A>
  <A HREF="#Y07SEP">2007Sep</A> <A HREF="#Y07OCT">2007Oct</A>
  <A HREF="#Y07NOV">2007Nov</A> <A HREF="#Y07DEC">2007Dec</A>
  <br><A HREF="nasc.htm#YEARS"><I>(Back to main page)</I></A>
 
  <hr><a name="Y07JAN"></a><b><font size="+1">Anno MMVII Æfterra
Geola</font></b>
  <br>- i d: Her Kofi Annan heafodmann þæs UN alætte his ric forþy his gescrifen
ricungtid endode ond Ban Ki-moon feng to his rice ond he is Suðkoreisc.
  <br> vii d: Her æfter æfne forðferde Magnus Magnusson se mæra truð þurh
<i>carcinoma pancreaticum</i>, ond he wearð acenned on Íslande, ond he lifde
.lxxvii. gearu, ond he wearð widcuð þurh þa rinnendre feorrseoungplegunge
Mastermind.
  <br> ix d: Her ond in ærdagum Americisce ond Eþiopisce guðlyftcræftas slogon
stedas in Somaliae suðan nea Ras Kamboni næsse ond ofsloh Al-Qaedisce ond mæg
beon þæt hie acwelledon þone Al-Qaeda-togan Faisal Abdullah Muhammad. Ond some
þisra wearga sohton aflieman in Kenyan ac Kenyisce mearcweardas fundon hie ond
fengon hie heregeatu.
  <br>- Her in Baghdâde Americisce fuhton wið Sunniscum weargum ond fengon sume.
  <br>- Her in Baghdâde man heng Barzan Ibrahim al-Tikriti healfbroðor Saddâmes
ond Awad Hameed al-Bander þe wæs déma under Saddâme, for mándædum wið manncynnes
þe sind morðru .cxlviii. Shî`iscra æt Dujail wice in geare .mcmlxxxii.
  <br>- xviii d: Her wæs se strangost stormwind on Brytene siððan geare .mcmxc.
ond afellede manige treo ond derede bold ond acwellede .xiii.. Ond þis wearþ of
cealdsæwiscum hweolstorme gehatenum Kyrill, ond hit eac sloh Germaniam ond oðre
land in Europam.
  <br>- Her man þearf utberan in wingwindende þa scipmenn þæs greatan
ládhealdereberendes scipes Napoli, ond æfterra man þearf rinnan þæt scip on
særimasand æt Branocescumbe<i>1)</i> in Defnum to nerianne hit of sincunge. Ond
sæ bær sume his burðen on lande ond manige eodon þider to nimanne hit.
  <br>- xxii d: Her in Baghdâde twa utberstunga in wægnum acwelledon .lxxv. in
Bâb al Sharji ceapungstede ond wundodon .clxx.. Ond on oðrum dagum wæron manige
oðre gelice dæda. God bringe frið.
  <hr><b>1)</b> Branscombe in Devon (UK). Branoc is an old Celtic saint; his
name may mean "Little Raven".

  <hr><a name="Y07FEB"></a><b><font size="+1">Anno MMVII Solmonað</font></b>
  <br>- ii d: Her in Gaza ceastre Fatahisce fuhton wið Hamasiscum ond þa hergas
dydon hearm ond fyr, ond aswulton .xi. oððe maran, ond Fatahisce sohton bærnan
þa Islamiscan <i>Universitatem</i>.
  <br>- iii d: Her neah Holtúne nea Hlóðvéstofte in Suðfolce<i>1)</i> wæron
.clixm. <i>turkey</i>fuglas in tune ond .mmd. hira aswulton þurh þa
<i>inflenzam</i> fugla H5N1 ond man sceal acwellan ealle hira.
  <br>- Her in Shî`isce ceapungstede in Baghdâde sum macode strange
sylfácwellende utberstunge in wægne ond acwellede .cxxxv.. Ond hie sind þa mæste
þe aswulton in ánre utberstunge siððan guðeneode in geare .mmiii.. God bringe
frið.
  <br>- v d: Her great flod sloh Jakarta ceastre in Indonesiam ond .xliv.
aswulton.
  <br>- viii d: Her in morgne wæs deop snaw in Wealum ond Mierce ond Englalandes
suðan.
  <br>- x d: Ymb þisne dæg in Niw-Eoforwice wæs swiðe deop snaw ond for him
manige ne mihton gán út of hira húsum, ond man lagode <i>status emergentiae</i>.
  <br>- xii d: Her twa utberstunga acwelledon .lxxiv. ond wundodon .clxiv. in
ceapungstedum in Shî`iscum dælum Baghdâdes. God bringe frið.
  <br>- xvi d: Her wearþ widcuþ þæt heremenn þæs Janjaweed foron of Sudanlande
in Chadlande ond acwelledon hundrædas Chadiscra ond bærnedon hira hus ond manige
Chadisce Arabas wurdon Janjaweed ond manige Chadisce þe ne sind Arabas
afliemdon. Godes miltse sie. <i>De furore Normannorum Domine libera nos.</i>
  <br>- xviii d: Her in Baghdâde twa utberstunga acwelledon .lx. ond wundode
.cxxx. oððe maran, ond manige hira wæron Shî`isce.
  <br>- Her wearð widcuð þæt in Mozambique great flod Zambezi-ea utdráf .cxxii.
þusenda of hira husum.
  <br>- xix d: Her irenweg-gewægnoð fór of Delhi in Indiam to Lahore in
Pakistane ond in him neah Panipat twa lytle utberstunga macodon strang fyr þe
acwellede .lxvi. oððe maran ond manige hira wæron Pakistanisce.
  <br>- xxiii d: Her irenweg-gewægnoð fór of Lundene to Scotlande ond in æfne æt
Græghrycge<i>2)</i> betweox Oxenaholme ond Tiba-iege hit alætte his weg-irene
ond sume his wægna feollon of eorðgeweorce ond þara þe hit bær án aswealt ond
fyf wurdon sáre gewundode.
  <br>- xxiv d: Ymb þisne dæg in Afghanistane Bryttisce fyrdmenn fuhton wið
Talibaniscum ymb Kajaki pyndinglacu in Helmand scire, ond of him cymþ
<i>electricitas</i> for mæstum suðan Afghanistanes.
  <br>- xxvi d: Her æt Bagram fyrdlyftfelde in Afghanistane utberstung acwellede
.xxviii. ond mæste hira wæron Afghanisce.
  <hr><b>1)</b> Holton; Lowestoft (Old Norse name); Suffolk.
  <br><b>2)</b> Grayrigg, Oxenholme, Tebay

  <hr><a name="Y07MAR"></a><b><font size="+1">Anno MMVII Hreðmonað</font></b>
  <br>- i d: Her manige spinnwind dyde micelne hearm in þæm USAn ond sum hia
fordyde Enterprise ceastre in Abalaman ond acwellede eahta cnapan in hire scole.
  <br>- iv d: Her wæs eorðstyren on Sumatra iege ond his miht wæs Richter 6.4.
  <br>- vi d: Her in Iraqe Sunnisce weargas acwelledon .cxlix. Shî`isce ond
wundodon .cc. oððe maran þe foron to Karbalâ` ceastre for þære Shî`iscan mæsssan
Arba`în þe is feowertig dagas æfterra Ashura þe is seo háligost Shî`isc mæsse
ond hit is gemynde for þæm þe in geare .dclxxx. þæs Sunniscan <i>khâlifa</i>n
Yazides here ofsloh Husain sunu Fâtiman ond heo wæs Muhammades witegan án cild
þe libbede ond þanon geo wearð guð for Muhammades yrfescipe. Ond Sunnisce secgaþ
þæt þes Shî`isce mæssan sind unæwlice for þæm þe Muhammad witega ne scráf hie.
Ond in Arabisce <i>arba`în</i> segþ "feowertig".
  <br>- vii d: Her in morgne æt Yogyakarta in Indonesiam folcberend lyftcræft
cwom to lande ond fyr ongann in his forehweolum ond brǣdde ond hit bær
.cxl. ond .xxii. hira aswulton oððe maran ond wundode .cxviii. Ond hit bær nigon
Australisce ambahtmenn ond man ne mæg findan feower hira, þeah man cyðde þæt
fela ungefundene wæron. Ond hit wæs se flyht GA 200. Ond Yogyakarta is suþwestan
Jakartan þæm heahbyrig on Java-íege.
  <br>- x d: Ymb þisne dæg wæs great wealdfyr in Anaheim-hyllum in Californiam.
  <br>- xxi d: Budget day
  <br>- Her wearð widcuð þæt lytle feawere þonne twa <i>million</i>as Iraqisce
afliemdon of Iraqe of pleo weargdæda ond án <i>million</i> hira nu wuniað in
Damascus in Syriam, ond hit is seo greatost afliemung folca in þæm
Middaneastlandum siððan .dccm. Palestinisce afliemdon ymb gear .mcmxlviii. þonne
Israhel wearð. God gife þæt hie ne bringen mid him hira gehatan.
  <br>- In ærdagum utberstung fyrlyfte in coldelfunge in Siberiam acwellede
.cvii. oððe maran.
  <br>- xxii d: Her man feng twegen menn æt Mamecceaster lyfthýðe þenden hie
woldon fleogan to Pakistane ond ánne mann æt huse in Loidise<i>1)</i> for þæm
utberstunge þa gelimpon on .vii. dæge Æfterran Liðan geares .mmiii..
  <br>- Her in Tal Afar ceastre in Iraqes norðan Sunnisce weargas maciodon
twegen utberstunga in Shî`iscum wununglande ond acwelledon .lv. oððe maran ond
wundodon .cl..
  <br>- Her on sæ neah Basra Iranisce macodon fǣr<i>2)</i> ond fengon
.xxv. Bryttisce scipfyrdmenn.
  <br>- xxvi d: Her in Norðiralande Ian Paisley for þæm Norþiralandiscum
Protestantiscum ond Gerry Adams for þæm Sinn Féin métton to screcanne ymb frið.
Ond lange ærre manige segdon þæt swylc friðgemot ne weorþe oððæt Hel freose.
  <br>- Her in Tal Afar ceastre in Iraqe utbersting in wægne gemang Shî`iscum
husum acwellede .clii. ond wundode .cccxlvii..
  <br>- xxvii d: Her in wice in Gadoko scire in Kaduna underrice in Nigeriam
fætuberend full þæs fýr-eles <i>petrol</i> oferspillede ond se fyr-ele utbræc of
his fæte on strætweg, ond neahwuniendas sohton gaderian þone fyr-ele ond æfter
twæm stundum fýr wearþ ond acwellede maran þonne .cx..
  <br>- xxviii d: Her in Fallûja in Iraqe Sunnisce weargas macodon twa
utberstunga mid þære atorlyfte <i>chlorine</i> ac nænig aswealt of þissum.
  <br>- Her in Tal Afar in Iraqe wæpnedmenn ofslogon .xlvii. in Sunniscum
wununglande swa wrecunge. God macie frið.
  <br>- Her wearþ widcuð þæt in Norðkorea is great wana ætes ond hie ne habbað
ánne dǣl in ælcum fyf þæs ætes þe hit þurfon habban. Ond sume secgaþ þæt
in þæm .mcmxc.-gearum twa ond healf <i>million</i>a Norþkoreiscra aswulton þurh
hungor. Ond in sumore geares .mmvi. flod macode heardne unwæstme in Norðkoream.
  <br>- xxx d: Her wæs wealdfyr in Hollywood-beorgum in Californiam.
  <hr><b>1)</b> Manchester, Leeds.
  <br><b>2)</b> sudden attack.

  <hr><a name="Y07APR"></a><b><font size="+1">Anno MMVII Eastermonað</font></b>
  <br>- i d: Her <i>tsunami</i> sloh þa Solomon-ieg ond acwellede .xx. oððe
maran.
  <br>- iv d: Her on Réunion iege in India-garsecge Piton de la Fournaise
fyrbeorg onwac strange ond þær wuniaþ .dcclm..
  <br>- v d: Her þa fyfteon sæfyrdmenn ond scipfyrdmenn cwomon eft to Brytene of
Irane.
  <br>- Her Elizabeth .ii. cwen Brytenes utgáf þa
<i>Mandatum</i>sceattas<i>1)</i> in Mamecceaster mynstre ond ne in Lundene. Ond
heo gaf hie to .lxxxi. ealdum menn ond .lxxxi. ealdum wifum, for þæt heo is
.lxxxi. gearu eald.
  <br>- xvi d: Her in <i>universitat</i>e in Blacksburg ceastre in Virginiam in
þæm USA Suðkoreisc gehaten Cho Seung-hui asceat .xxxi. ond æfterra his sylf, ond
man mæg rædan ymb hit <a http://en.wikipedia.org/wiki/Virginia_Tech_massacre
Godes miltse sie. Ond mara ymb hit is gewriten <a
href="http://en.wikipedia.org/wiki/Virginia_Tech_massacre">in þære
Wikipedian</a>.
  <br>- xviii d: Her in Baghdâde weargas macodon fyf utberstunga þe acwelledon
.cxcviii. ond .ccli.. God macie frið.
  <br>- xxiii d: Her forðferde Boris Nikolayevich Yeltsin þurh seocnesse his
heortan ond he lifde .lxxvi. gearu ond ærra he rixode Russiam. Ond on .xxv. dæge
man byrgede hine in Novodevichimynstres lictune.
  <br>- xxvii d: Her Americisce CIAisce menn fendon `Abdul Hadi al-`Iraqi þenden
he sohte faran ongean in Iraqe, ond he is heah in Al-Qaedan, ond man bær hine to
Guantanamo-cofa carcerne.
  <br>- xxviii d: Her æt 8.18 morgnes wæs eorþstyren seofon ond healf mila of
særiman æt Dofre<i>2)</i> on Centes særiman ond derede manige bold, ond mæste æt
Folcanstane ond þær hit derede .cc. hus ond æfterra .l. þorfton wunian
elleshwær. Ond healf dæg æfterra wæs æfterstyren.
  <br>- Her in Iraqe fore Imam `Abbâs Shî`iscum masjide in Karbalâ'
selfacwellende utberstung in wægne acwellede .lv. oððe maran ond wundode
.lxx.-gerim.
  <br>- xxx d: Ymb þisne dæg wæs great gefeoht gehaten <i>Operation Silicon</i>
in Sangin dæle in Helmand scire in Afghanistane ond Bryttisce ond Denisce ond
Estonisce fuhton wið manige Talibaniscum.
  <hr><b>1)</b> Maundy money, Manchester.
  <br><b>2)</b> Dover, Folkestone

  <hr><a name="Y07MAY"></a><b><font size="+1">Anno MMVII Ðrimilcemonað</font></b>
  <br>- i d: Her in Siciliam se furbeorg Etna onwac.
  <br>- vi d: Her wæs heahfolccyre in Francrice ond Nicolas Sarkozy wearþ
foresittend.
  <br>- viii d: Her in Norðiralande ongann selfricunge, æfter þæt Westmynstre
lange rixode hit swa hit wære dǣl Englalandes.
  <br>- Her wæs strang wealdfyr in Californiam in Griffith-pearroce neah
Holegnwuduhyllum<i>1)</i> on riman Los Angeles ceastre.
  <br>- x d: Her Toby Blair fyrmestscealc Brytenes segde þæt on .xxvii. dæge
Midsumermonaðes he will alættan of his rice, ond he rixode teon gearu.
  <br>- xii oððe xiii d: Her in Helmand scire in Afghanistane man ofsloh in
gefeohte Mullah Dadullah ond he wæs þara Talibana heahheretoga ond þæt wæs great
hearm to þæm Talibanum.
  <br>- xiv d: Her in Gaza ceastre Fatahisce fuhton wið Hamasiscum ond twegen
aswulton ond man wundode teon.
  <br>- xx d: Her ongann gefeoht Lebanones fyrde wið þæm Palestiniscum weargum
Fatah al-Islam in Tripoli ond æfterra æt Nahr-el-Bared fleogendsetle in Tripoli
scire in Lebanone.
  <br>- xxi d: Her in Lundenes eastan neah sunnupgonge þæt mære ealde scip Cutty
Sark bærned, ond þær þa fyrfeohteras þorfton oðstandan for pleo
<i>propane</i>healdera þe wæron þærinne for smiðgeweorce.
  <hr><b>1)</b> Hollywood Hills

  <hr><a name="Y07JUN"></a><b><font size="+1">Anno MMVII Midsumermonað</font></b>
  <br>- v d: Her se swiðe strang Indiagarsecgisca hweolstorm Gonu sloh Oman, ond
æfterra hit sloh Iran. Ond hit macode flod ond acwellede .xxxv. oððe maran. Ond
in Fujaarah in Omane hit tobræc twelf fiscungbátas. Ond már is gewriten ymb hit
<a href="http://en.wikipedia.org/wiki/Gonu">her</a>.
  <br>- xiii d: Her giet in Gazalande ond in manigum ærdagum Hamasisce fuhton
wið Fatahisciscum.
  <br>- Her æt Samarra in Iraqe weargas settende utberstende tobrucon
þone swiðe haligan Askarîya masjide.
  <br>- xiv d: Her after dagum gefeohtes Hamas feng eall Gaza-land of Fatahe,
ond .c. oððe maran aswulton in þæm gefeohte, and wæs great tobrecung husa, od
sume Gazalandisce segdon "Næfre þa Iudeas dydon swylcne hearm to us.". Ac in
Westiordanum Fatah is nu strengora þonne Hamas.
  <br>- xvii d: Her in Lundene ond æt San Carlos cofan on Folclandiegum wæs
gemynde for þæm þe in .xiv. dæge Midsumermonaðes geares .mcmlxxxii. seo
Bryttisca fyrd freogede þa Folclandiegum of þæm Argentiniscum.
  <br>- xxv d: Her in Brytene great regen macode greatne flod, ond in
Scéaþfelde<i>1)</i> wæs mara regen in anum dæge þonne wæs siððan wederwritunga
ongunnon, ond æt Fygelingum<i>2)</i> in Eoforwicscire norðan feoll mara þonne
feower inceas regnes in þæm dæge. Ond wæron spinnwind in Englalande<i>3)</i>.
  <br>- xxvii d: Her Tony Blair fyrmestscealc Brytenes álætte his ric ond Gordon
Brown feng to his rice.
  <br>- xxviii d: Her wealdfyr ongunnon in Greclande.
  <br>- xxix d: Her in Lundenes Westende man fand twa wægen ond in him
utberstendsearwas, ac hie ne utburston. Ond æfterra twegen mann draf lytel wægen
bærnende in dure Glascú<i>4)</i>-lyfthýðbolde ac ne acwellede. Ond æfterra
æweardas fengon twegen menn for þissum in lytlum wægne on M6 wege neah Sandbæce.
  <hr><b>1)</b> Sheffield.
  <br><b>2)</b> Fylingdales.
  <br><b>3)</b> tornadoes.
  <br><b>4)</b> Glasgow, Sandbach

  <hr><a name="Y07JUL"></a><b><font size="+1">Anno MMVII Æfterra Liða</font></b>
  <br>- Ymb þissum dæge lange ond hearde regnas macodon be flode swiðe greatne
hearm ond deriunga ond sume secgað þæf his weorð is án ond healf <i>billion</i>a
punda, ond micle in Eoforwicscire ond ymb Humbremuðan ond mæste in Cuningestune
on Hule<i>1)</i>. Ond æt Wynemannadune<i>2)</i> weder macode þa greatoste
elcunge in þære <i>tennis</i>plegunge in .xxv. gearum.
  <br>- iii d: Her æweardas fengon siex Muslimisce læcas wuniende in Brytene
oððe willende cuman to Brytene ond twegen oðre for þæm þe hie heolpon macian þa
utberstunga ond oðre weargdæda in Brytene on .xxix. dæge Midsumermonaðes.
  <br>- iv d: Her man segde þæe twegen þara eahta ne wæron in þære
utberstunggerædunge, ac hie wæron in gerædunge for macunge þæs <i>cannabis</i>.
  <br>- ix d: Her in Buenos Aires ond dǣlas Argentinae feoll snaw æreste
siððan geare .mcmxviii..
  <br>- x d: Her in middan Islamabades ceastre in Pakistane sundorfyrdmenn
macodon onræs in þone Readan Masjid ond þærinne ofslogon fyftig Islamisce
weargas oððe maran ond freogodon gíslas.
  <br>- xx-xxiv dd: Her in Englalandes suðan great lang heard regen macode deop
flod in Sæfernwonge<i>3)</i> ond westernum Temesewonge, ond dyde micelne derunge
in Gleawceastre ond Celtanhamme ond Téodecesbyrig, ond Téodecesburh wearþ ieg,
ond hit is se deopost flod þær siððan meltende deop snaw macode flod in
Hreðmonaðe geares .mcmxlvii..
  <br>- xxiii d: Ymb þisne dæg forðferde Muhammad Zahir Shâh, ond he wæs cyning
Afghanistanes of Blotmonaðe geares mcmxxxiii oð gear .mcmlxxiii., ond he lifde
.xcii. gearu.
  <hr><b>1)</b> Hull.
  <hr><b>2)</b> Wimbledon.
  <hr><b>3)</b> Severn, Thames, Gloucester, Tewkesbury.

  <hr><a name="Y07AUG"></a><b><font size="+1">Anno MMVII Weodmonað</font></b>
  <br>- i d: Ymb þisne dæg in Bulgariae suðan wæs great ond sár hætu ond þis
macode bærnunga in wealdum.
  <br>- iv d: Her flod dyde great hearm in Assam ond Bihar underricum in Indiam,
ond in Bangladeshe.
  <br>- Ymb þisne dæg ond in æfterdagum seo egeslica seocnesse fota ond muða
sloh feo neah Pyrigefyrhðe<i>1)</i>.
  <br>- xiv d: Her sume macodon feower sylfacwellende utberstunga in Qahtaniya
in Iraqes norðan ond acwellede .cd. oððe maran ond mæg beon þæt hit wæs .d. ond
wundodon .cccclxxv.-gerim ond manige hira wæron þæs Yazîdîscan godþeowote. Ond
manige Kurdas sind Yazidisce. Ond sume secgaþ þæt Al-Qaedisce dydon þis.
  <br>- xv: Her wæs strang eorðstyren under sæwe neah Ica provinciam Peru landes
ond his miht wæs Richter 8 ond hit tobræc manige bold.
  <br>- xvi d: In ærdagum in Norðkorean great flod acwellede maran þonne .ccxx.
ond man ne mæg findan .lxxx. ond hit fordyde teoðan dǣl Norðkorean
wæstmlandes.
  <br>- xvii-xxiv dd: Her great regen macode greatne flod in middan þæs USA ond
se flod dyde micelne hearm ond acwellede .xxvi..
  <br>- xviii d: Her se hweolstorm Sepat sloh Taiwan ieg, ond æfterra Fujian
provinciam in Cinalande.
  <br>- xx d: Her ond in æfterdagum se hweolstorm Dean dyde midel hearm ymb
Carib-sæ. Máre ymb þis is gewriten <a
href="http://en.wikipedia.org/wiki/Hurricane_Dean_%282007%29">her</a>.
  <br>- xxiv-xxix dd: Her .clxx.-gerim wealdfýra ongunnon in Greclande in
Pelopponesus-lande ond ymb Athenae ceastre ond on Euboea iege þe þe Grecas nu
segþ Evia, ond acwelledon .lxiv. oððe maran. Máre ymb þis is gewriten <a
href="http://en.wikinews.org/wiki/Forest_fires_burn_on_in_Greece%3B_death_toll_nears_50">her</a>.
  <hr><b>1)</b> Pirbright.

  <hr><a name="Y07SEP"></a><b><font size="+1">Anno MMVII Hærfestmonað</font></b>
  <br>- ii-iii dd: Her in Iraqe .dl. Bryttisce fyrdmenn alætton Basra-cyneheall
þe geo wæs Saddâmes ond æfterra wunodon æt Basra lyfthyðe. Ond geo in Iraqe
Bryten rixode þa feower <i>provinciae</i> Maysan, Ðî Qar, Muþanna, Basra, ac hie
rixiað anne Basra <i>provinciam</i> ond alyfodon Iraqes fyrde fón to rice in þæm
oðrum þrym.
  <br>- iii d: Her æt Nahr el Bared fleogendsetle neam Tripoli in Lebanone
endode lang gefeoht þe ongann on .xx. dæge Þrimilcemonaðes. Ond in þæm gefeohte
Lebanones fyrd fohte wið Islamiscum weargum gehatenum Fatah el Islam, ond her
Lebanones fyrd ahte wælstowe gewald. Ond man ofsloh .clxiii. fyrdmenn ond
.ccxxiii. þara wearga ond feng maran þonne .cc. weargas, ond wundode .cd. oððe
.d. þara fyrdmanna.
  <br>- iv d: Her se Caribbeisca hweolstorm Felix sloh Nicaraguan easternan
særiman ond acwellede .xxxviii. oððe maran ond man ne mæg findan .lxxx..
  <br>- v d: Her se Friðsæwisca hweolstorm Henriette sloh Sonora underric in
Mexico lande neah Guaymas hæfne.
  <br>- Her in Helmand scire in Afghanistane Americisce ond Afghanas fuhton wið
Talibaniscum ond ofslogon twentig Talibanas.
  <br>- vi d: Her forðferde se mæra singere Luciano Pavarotti þurh <i>carcinoma
pancreaticum</i>, ond he lifde .lxxi. gearu. Ond on .viii. dæge wæs his
<i>funeralis</i> in Modena mynstre in Italiam.
  <br>- xii d: Her æt Egehame<i>1)</i> in Suðrige man fand feo seoc mid þæm
seocnesse fota ond muða.
  <br>- Her wæs eorðstyren on Sumatra iege ond his miht wæs Richter 8.4.
  <br>- xiii d: Her wæs eorðstyren on Sumatra iege ond his miht wæs Richter 7.7.
  <hr><b>1)</b> Egham in Surrey.
  <br>- xvi d: Her in Thailande folcberende lyftcræft fleag of Bangkok to Phuket
ond þenden hit sohte coman to grunde æt Phuket in regenstorme hit sloh grund ond
.lxxxviii. aswulton.
  <br>- xx d: Ymb þisne dæg lang heard dryhþ in Sahel landum in Africam endode
mid greatum heardum regne þe macode in .xviii. riclandum greatne flod þe dyde
greatne hearm ond wyrste in Ugandan.
  <br>- xxii d: Her neah Gipeswice<i>1)</i> æreste cwom to Brytene seo swiðe
hearmfulla seocnesse feo gehaten <i>bluetongue</i>.
  <br>- xxiv d: Her manige spinnwind dydon hearm in Englalandes suðan.
  <br>- xxv d: Her in Afghanistane Brittisce ond Americisce fyrdmenn ofslogon
maran þonne .clxv. Talibanas.
  <hr><b>1)</b> Ipswich.

  <hr><a name="Y07OCT"></a><b><font size="+1">Anno MMVII Winterfylleð</font></b>
  <br>- i d: Her in þære Readan Sæwe middan betweox Iemenlande ond Eritream seo
fyrbeorg-ieg Jabal at-Tair onwac ond acwellede feower Iemenisce fyrdmenn ond seo
ieg wæs hire fyrdset, ond man ne mæg findan twegen hira, ond hire nama segþ
"Fugla Ieg", ond dǣl þære iege feoll in sæ.
  <br>- xviii d: Her in æfne in Karachi ceastre in Pakistanes westan sum macode
selfacwellende utberstunge þennnden seo foresittend Benazir Bhutto eode neah,
ond acwellede .cxxxviii. oððe maran, ond wundode manige, ac heo ne wearð
gewundod. Ond þyncð þæt þis is dæd Al-Qaedan ond Talibana.
  <br>- xx d: Ymb þisne dæg in Californiam heard dryhð ond strang wind macode
strange wealdfyr þe bærned .d. hus ond of hire ierre .ccc. þusenda afliemdon
oððe maran.
  <br>- xxviii d: Her in Swat-dæle in Pakistanes norðwestan Pakistanisce
fyrdmenn fuhton wið Islamiscum weargum ond siextig-gerim þara wearga aswulton.

  <hr><a name="Y07NOV"></a><b><font size="+1">Anno MMVII Blotmonað</font></b>
  <br>- i d: Her in Tabasco underrice in Mexico regen macode swiðe greatne flod
ond fordyde þone wæstm.
  <br>- ii d: Her æt Éadrícestúne on Stúre<i>1)</i> wearþ strang fýr in greatum
fódwyrtgeweorcbolde ond feower fyrfeohteras aswulton þær, ond sume segde þæt
fyrlyft hæfde geworden of brosnunge wyrta ond fédde þæt fyr. Ond is ege þæt
Polisce ond Lithuanisce wyrtwyrcan aswulton in þæm fyre.
  <br>- Her eorðstyren sloh Antofagasta in Chile lande ond his miht wæs Richter
7.7.
  <br>- xv d: Her se hweolstorm Sidr sloh Bangladeshes særiman ond dyde hearm
ond acwellede maran þonne .mmxx.: to seonne má seo <a
href="http://uk.news.yahoo.com/rtrs/20071117/tts-uk-bangladesh-storm-648bc60_6.html">her</a>.
  <br>- xviii d: Her in Donbass col-delfunglande in Ukrainiam utberstung in
Zasyadko coldelfunge neam Donetsk ceastre acwellede .lxv. ond man ne mæg findan
.xliv..
  <br>- xxvii d: Her in Rawalpindi in Pakistâne sum ascéat Benazir Bhutto ond
heo wæs ærra fyrmestscealc Pakistanes. Ond he macode selfacwellende utberstunge
þe acwellede .xxii. oððe máran. Ond sume secgaþ þæt þis is dæd Al-Qaedan.
  <br>- Her wæs heahfolccyre in Kenya-lande ond Mwai Kibaki foresittend heald to his rice one he is of þæm Kikuyuiscan cynne.
Ac Raila Odinga segde þæt he wæs rihte cegoren, ond he is of þæm Luoiscum cynne.
Ond of þissum wearþ foldgewinn ond bærnunga ond acwellunga in Kenyan in æfterdagum.
  <br>- xviii d: Ner Nepales witenagemot céos þæt Nepal scule weorðan <i>respublica</i> and ne cynedóm.
  <hr><b>1)</b> Atherstone on Stour near Stratford on Avon (Warwickshire, UK)
  <hr><a name="Y07DEC"></a><b><font size="+1">Anno MMVII Geolmonað</font></b>
</body></html>